完整藏文原文 · 德格版页 当前仅加载第 67 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཚན་ཉིད་དད་ལ་བཀའ་སྩལ་པ། ཤིན་ཏུ་ལེགས་སོ་ལེགས་སོ། །རིགས་ཀྱི་བུ་དྲི་བ་ཡོད་ན་ཅི་འདོད་པ་བཞིན་དྲིས་ཤིག་དང་། ངས་ཁྱོད་ལ་བྱེ་བྲག་ཕྱེད་པར་བཤད་དོ། །ཁྱོད་ཀྱིས་དྲིས་པ་དེ་ཡང་སེམས་ཅན་དཔག་ཏུ་མེད་
D264.067.0216a01.01པ་ལ་ཕན་པ་དང་བདེ་བར་འགྱུར་རོ། །དེ་ནས་བྱང་ཆུབ་སེམས་དཔའ་མཚན་ཉིད་དད་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་དྲན་པ་སྔོན་ཡུན་རིང་པོ་འདས་པ་ན། དེ་བཞིན་གཤེགས་པ་མཚན་རིན་ཆེན་གཙུག་ཕུད་ཅེས་བགྱི་བ་དེའི་མཚན་ལན་ཅིག་ཐོས་ན་ལྷར་སྐྱེ་བ་ཐོབ་བོ་ཞེས་
D264.067.0216a02.01ཐོས་ཏེ། དེ་ལས་ཡུན་མི་རིང་བ་ཞིག་ན་རྒྱལ་པོ་ལྷའི་དབང་ཕྱུག་འོད་ཀྱི་ཡུལ་ཁམས་ན་དགོན་པའི་ནང་ཞིག་ལ་རྫིང་ཆེན་པོ་ཞིག་མཆིས་པའི་ཆབ་སྐམས་ནས་དེ་ན་ཉ་ཆེན་པོ་སྟོང་ཕྲག་བཅུ་ཞིག་མཆིས་པ་གདུགས་ཀྱིས་གདུངས་ཏེ་འགུམ་དུ་ཉེ་བ་ལས། དྲ་མ་ཆུ་འབེབས་ཞེས་བགྱི་བས་ཉ་དེ་དག་མཐོང་
D264.067.0216a03.01ནས་སེམས་ཅན་ལ་ཤིན་ཏུ་བྱམས་པ་དང་། སྙིང་རྗེ་སྐྱེས་ཏེ། ཆབ་དང་ཁ་ཟས་སྩལ་ཀྱང་དགུང་འགའ་ཙམ་ཞིག་ནི་གསོན་གྲང་ན། ཚེ་རིང་པོར་མི་ཐོགས་པར་འཚལ་བས་བཅོམ་ལྡན་འདས་རིན་ཆེན་གཙུག་ཕུད་ཀྱི་མཚན་ལན་གསུམ་བརྗོད་པ་ཉ་དེ་དག་གིས་ཐོས་མ་ཐག་ཏུ་དུས་ལས་འདས་ཏེ།
D264.067.0216a04.01སུམ་ཅུ་རྩ་གསུམ་གྱི་ལྷར་སྐྱེས་སོ་ཞེས་གདའ་ན་དེང་བཅོམ་ལྡན་འདས་འཁོར་འདི་དག་དང་། དུས་སླད་མའི་སེམས་ཅན་རྣམས་ཀྱི་སླད་དུ་སངས་རྒྱས་རྣམས་ཀྱི་མཚན་བསྟན་ཅིང་བཅོམ་ལྡན་འདས་ཤཱཀྱ་ཐུབ་པའི་མཚན་ཐོས་ན་ཚད་མ་མཆིས་དཔག་ཏུ་མ་མཆིས་པའི་སྐྱེ་བོ་ལ་སྨན་པ་དང་བདེ་བ་དང་།
D264.067.0216a05.01དཔག་ཏུ་མ་མཆིས་པའི་བསོད་ནམས་དང་། རྟག་ཏུ་ལོངས་སྤྱོད་ཕུན་སུམ་ཚོགས་པ་དང་། སངས་རྒྱས་ཀྱི་བདག་ཉིད་ཀྱང་མངོན་སུམ་དུ་རྟོགས་པར་འགྱུར་བའི་སླད་དུ་བཤད་དུ་གསོལ། སྡོམ་པའི་རྩ་བ་ཉམས་པ་དང་། ཉོན་མོངས་པས་འཁྲུལ་པའི་སེམས་ཅན་རྣམས་ཡོངས་སུ་གྲོལ་བར་འགྱུར་བའི་སླད་
D264.067.0216a06.01དུ་བཤད་པར་སྨོན་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་མཚན་ཉིད་དད་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་གལ་ཏེ་ངས་ཕྱོགས་བཅུའི་སངས་རྒྱས་ཀྱི་མཚན་རྒྱ་ཆེར་བཤད་ན་བསྐལ་པ་བརྒྱ་སྟོང་ཁྲིའི་བར་དུ་བཤད་ཀྱང་མི་རྫོགས་ཏེ། འདི་ལྟར་ཆུ་ཐམས་ཅད་
D264.067.0216a07.01