完整藏文原文 · 德格版页 当前仅加载第 67 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཕྱིར་མི་ལྡོག་པར་འགྱུར་རོ། །བཞི་གང་ཞེ་ན། སྐྱེ་ཤིའི་འཁོར་བ་གྲངས་མེད་པར་མྱོང་ན་ཡང་སྐྱོ་བའི་སེམས་མི་བསྐྱེད་པ་དང་། རྟག་ཏུ་སངས་རྒྱས་ཚད་མེད་པ་ལ་མཆོད་པ་བྱ་བ་དང་། བྱམས་སེམས་ཚད་མེད་པ་བསྒོམ་པར་བྱ་བ་དང་། སངས་རྒྱས་ཀྱི་ཡེ་ཤེས་ཚད་མེད་པ་ལ་མོས་
D264.067.0235b01.01པ་བསྐྱེད་པ་དང་བཞིའོ། །རིགས་ཀྱི་བུ་བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་སངས་རྒྱས་ཀྱི་བདག་ཉིད་རྒྱུན་མི་འཆད་པར་འགྱུར་རོ། །བཞི་གང་ཞེ་ན། སེམས་ཅན་ཐམས་ཅད་ཀྱི་ཕྱིར་སྨོན་ལམ་མི་གཏོང་བ་དང་། སྦྱིན་པའི་སྤྱོད་ལམ་ལ་དད་པ་དང་། བརྩོན་འགྲུས་ཆེན་པོ་ལ་འདུན་
D264.067.0235b02.01པ་དང་། སངས་རྒྱས་ཀྱི་ཆོས་ལ་སེམས་ཟབ་མོས་རྒྱུན་དུ་སྤྱོད་པ་དང་བཞི་སྟེ། བྱང་ཆུབ་སེམས་དཔའ་སེམས་དཔའ་ཆེན་པོས་ཁམས་གསུམ་དུ་བགྲོད་ཅིང་སྤྱོད་པ་རྣམ་པ་བཞི་པོའི་རྣམ་གྲངས་སྤྱད་དེ། སེམས་ཅན་ལ་ཕན་པ་དང་བདེ་བར་བྱས་ཤིང་འཇིག་རྟེན་ལས་བཟླ་བར་བསྒོམས་ན་སངས་རྒྱས་
D264.067.0235b03.01ཀྱི་བདག་ཉིད་རྒྱུན་མི་འཆད་པར་འགྱུར་རོ། །དེའི་ཚེ་ཐེག་པ་ཆེན་པོའི་ཆོས་རྣམ་པ་བཞི་བཞིར་བཤད་པའི་ཚེ་ན་ལྷ་བཞི་ཁྲིས་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ། །མི་ལས་ཉི་ཁྲི་ལྔ་སྟོང་ནི་ཆོས་ལ་མི་སྐྱེ་བའི་བཟོད་པ་ཐོབ་བོ། །བྱང་ཆུབ་སེམས་དཔའ་བཞི་ཁྲི་བརྒྱད་སྟོང་ནི་ཆོས་ཀྱི་
D264.067.0235b04.01ཁམས་ཀྱི་བཟོད་པའི་ཕ་རོལ་ཏུ་ཕྱིན་པ་ཐོབ་སྟེ་སངས་རྒྱས་ཀྱི་ཡེ་ཤེས་ལ་མངོན་པར་ཆུད་དོ། །དེའི་ཚེ་དེའི་དུས་ན་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་མདོ་སྡེ་འདི་ལེགས་པར་
D264.067.0235b05.01ཟུང་ཤིག །ཆོངས་ཤིག་ཅེས་བཀའ་སྩལ་ནས་བྱང་ཆུབ་སེམས་དཔའ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་མདོ་སྡེ་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། མདོ་སྡེ་འདིའི་མིང་ནི་ཐར་པ་ཆེན་པོ་ཕྱོགས་སུ་
D264.067.0235b06.01རྒྱས་པ་བདུད་ཀྱི་ཡུལ་འཇོམས་པ། མུ་སྟེགས་ཀྱི་དཔུང་དང་བཅས་པར་གཞིག་པ། ཉོན་མོངས་པ་ཐམས་ཅད་སེལ་བ། ལོག་པར་ལྟ་བ་དང་། འདོད་པ་རྣམ་པ་ལྔའི་འཆིང་བ་འགྲོལ་བ། ཁམས་གསུམ་གྱི་བཙོན་ར་འདྲལ་བ། འཁོར་བ་ལས་ཐར་ཅིང་མྱ་ངན་ལས་འདའ་བའི་ཕྱོགས་སུ་
D264.067.0235b07.01