完整藏文原文 · 德格版页 当前仅加载第 67 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
བཞུགས། །རྒྱལ་བ་ཀུན་ལ་བདག་ཕྱག་འཚལ། །དེ་བཞིན་རྒྱལ་ལ་སྐྱབས་གསོལ་པའང་། །དུས་གསུམ་རྒྱལ་བ་མཆོད་པ་བཞིན། །དེ་ནས་ཕྱོགས་བཅུའི་སངས་རྒྱས་རྣམས་ཀྱིས་རྒྱལ་བུ་དགེ་མཐོང་དང་མི་སུམ་སྟོང་ལ་ཚིགས་སུ་བཅད་དེ་བསྟོད་པ། གང་ཞིག་
D264.067.0253a01.01སངས་རྒྱས་འགྲུབ་འདོད་པ། །མང་དུ་ཐོས་ལ་འབྲང་བར་བྱོས། །སློབ་དཔོན་དགེ་ལ་བཀུར་བྱས་ན། །སངས་རྒྱས་འགྲུབ་ལ་ཡུན་མི་རིང་། །གང་ཞིག་ཚུལ་ཁྲིམས་རྣམ་དག་སྤྱོད། །དེ་ནི་དགེ་སློང་ཡང་དག་ཡིན། །གང་ཞིག་སྟོང་པར་སྒོམ་ནུས་པ། །དེ་ནི་ཏིང་འཛིན་ཐོབ་ཅེས་
D264.067.0253a02.01བྱ། །གང་ཞིག་བརྩོན་འགྲུས་སྤྱོད་ནུས་པ། །དེ་ནི་བྱང་ཆུབ་སྤྱོད་པའོ། །གང་ཞིག་མྱ་ངན་འདའ་འགྱུར་བ། །དེ་ནི་དགའ་བ་ཡང་དག་པའོ། །ཚུལ་ཁྲིམས་འཛིན་པའི་དགེ་སློང་དང་། །རྣམ་དག་ཁྲིམས་འཛིན་དགེ་སློང་མ། །ཟླ་བ་ཕྱེད་ཅིང་གསོ་སྦྱོང་བྱོས། །ཆོས་གོས་
D264.067.0253a03.01རྣམ་པ་ལུས་གྱོན་ཏེ། །ལྷུང་བཟེད་གསེག་གཤང་ཐོགས་ནས་སུ། །རྣམ་དག་བསོད་སྙོམས་འགྲོ་བྱས་ན། །ལྷ་རྣམས་ཀུན་ཀྱང་དགའ་འགྱུར་བས། །ཐལ་མོ་སྦྱར་ཅིང་གུས་ཕྱག་འཚལ། །ངས་ཀྱང་ལྷ་དང་མི་རྣམས་ཀུན། །དེ་ཡི་བྱ་བ་བྱེད་དུ་གཞུག །དཔེར་ན་ལྷ་བྲན་
D264.067.0253a04.01ཐམས་ཅད་ཀྱིས། །ལྷ་ཡི་དབང་པོ་བརྒྱ་བྱིན་ལ། །རིམ་གྲོ་གུས་པར་བྱེད་པ་བཞིན། །ད་ལྟར་འཕྲལ་དུའང་ལན་ཐོབ་སྟེ། །ཕྱི་མའི་དུས་སུའང་དཔག་ཏུ་མེད། །རབ་ཏུ་བྱུང་ཞིང་ཁྲིམས་འཛིན་པ། །སངས་རྒྱས་དྲིན་ལན་ལོན་ཞེས་བྱ། །རྒྱལ་བུ་དགེ་མཐོང་འདི་ལྟ་སྟེ། །ང་དང་སེམས་
D264.067.0253a05.01དཔའ་མ་གཏོགས་པར། །འཇིག་རྟེན་པ་ཡི་མི་ཀུན་ཀྱང་། །རྣམ་དག་དད་པའི་སེམས་བསྐྱེད་དོ། །ཕྱོགས་བཅུའི་སངས་རྒྱས་དེ་དག་ཀུན། །མྱ་ངན་མི་འདའ་རྟག་ཏུ་བཞུགས། །ཆོས་དང་དགེ་འདུན་དེ་བཞིན་ཏེ། །དེ་ལྟར་མངོན་པར་ཤེས་པ་ནི། །སངས་རྒྱས་དྲིན་ལན་ལོན་ཞེས་བྱ། །
D264.067.0253a06.01རྒྱལ་བུ་དགེ་མཐོང་འདི་ལྟ་སྟེ། །འཇིག་རྟེན་པ་ཡི་མི་དག་ཀུན། །རྣམ་པར་འབྱེད་པའི་སེམས་མེད་ཅིང་། །ཐེག་པ་གཅིག་ལ་མ་མངོན་པར་ཤེས། །འདས་པ་དང་ནི་མ་འོངས་པ། །ཕྱོགས་བཅུ་དང་ནི་ད་ལྟའི་རྣམས། །སངས་རྒྱས་ཐེག་ཆེན་གཅིག་པུ་ལ། །གཉིས་སམ་གསུམ་
D264.067.0253a07.01