完整藏文原文 · 德格版页 当前仅加载第 34 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་ཡང་དོན་ནི་སེམས་པ་ཆེན་པོ་གངས་ཅན་གྱི་ནང་ནས་འོངས་པ་དང་དེ་རིང་ཆོས་ཀྱི་རིར་ཡོང་བ་མཐོང་ནས་ལྷའི་དབང་པོ་བརྒྱ་བྱིན་གྱིས་ལས་སྣ་ཚོགས་པའི་ལྷའི་བུ་ལ་མཁས་པ་བློ་གྲོས་བཟང་པོ་འདི་ནི་རབ་ཏུ་འབྱུང་བར་འདོད་པས་སོང་སྟེ། འདིའི་གནས་རྣམས་ཀྱིས་ཅིག་
D32.034.0187a01.01དེའི་ཚིག་ཐོས་ནས་དགའ་བའི་གནས་ཕུག་ལེགས་པའི་ལོ་མའི་ཁང་པར་འཆག་པའི་གནས་བྱས་སོ། །བཅོམ་ལྡན་འདས་ཀྱིས་ཡང་དེའི་ཚེ་བདག་གིས་བསམས་ནས་གོམས་པར་བྱས་པ་རྫོགས་པ་ལས་དེའི་དུས་སུ་དེའི་རྒྱུ་མཚན་གྱིས་ཤཱ་རིའི་བུ་དེ་ཆོས་ཀྱི་རི་དེར། གནས་བཟང་པོ་ནི་བདག་གིས་
D32.034.0187a02.01བྱས། ལོ་མའི་ཁང་པ་བཟང་པོར་ལྡན། །དེར་ནི་འཆག་ཅིང་གནས་ནས་ནི། །སྐྱོན་ལྔ་པོ་ནི་རྣམ་པར་སྤངས། །ཞེས་གསུངས་སོ། །འཆག་པའི་སྐྱོན་ལྔ་པོ་གང་ཞེ་ན། སྲ་ཞིང་མི་སྙོམས་པ་དང་། ནང་ན་ཤིང་རད་རོད་ཅན་དང་། ནགས་ཐིབས་པོ་དང་ཤིན་ཏུ་དོག་པ་དང་། ཤིན་ཏུ་ཡངས་པའོ། །
D32.034.0187a03.01སྲ་ཞིང་མི་སྙོམས་པའི་སའི་ཆར་འཆག་ཅིང་འཆག་པ་ན། རྐང་པ་ལ་འབྲུམ་བུ་འབྱུང་བ་དང་། སེམས་རྩེ་གཅིག་ཏུ་མི་གནས་པ་དང་། ལས་བྱེད་པའི་གནས་མི་འགྲུབ་ལ། སའི་སྟེང་མཉམ་ཞིང་འཇམ་པར་འཆག་པ་ནི་བདེ་ཞིང་ལས་བྱེད་པའི་གནས་རྫོགས་པ་དེའི་ཕྱིར་ཚ་བ་དང་མི་སྙོམས་
D32.034.0187a04.01པའི་སའི་ཆ་ནི་སྐྱོན་གཅིག་ཏུ་རིག་པར་བྱའོ། །འཆག་པའི་བར་དང་ནང་དང་ཐ་མར་ཤིང་ཡོད་པ་ན་བག་མེད་པར་འོང་ཞིང་འཆག་པ་ན་དཔྲལ་བ་དང་མགོ་ལ་གནོད་པ་བྱེད་པ་ནི་ནང་གི་ཤིང་གི་གནོད་པ་གཉིས་པའོ། །རྩྭ་དང་འཁྲི་ཤིང་ལ་སོགས་པ་ནགས་ཚལ་ཐིབས་པོའི་འཆག་སར་བྱེད་པ་ན་
D32.034.0187a05.01མུན་པ་ནག་པོའི་དུས་སུ་སྦྲུལ་ལ་སོགས་པའི་སྲོག་ཆགས་རྐང་པས་བརྫིས་ནས་འཆི་བའམ། དེས་མཆེ་བས་རྨུགས་ནས་གནོད་པ་སྐྱེལ་བ་ནི་ནགས་ཐིབས་པོའི་སྐྱོན་གསུམ་པའོ། །ཤིན་ཏུ་དོག་སའི་འཆག་སའི་མཆུ་རུ་ཁྲུ་གཅིག་པའམ་ཁྲུ་ཕྱེད་པའི་འཆག་ས་བྱེད་ན་ནང་དུ་གཅོད་པ་དང་
D32.034.0187a06.01སེན་མོའམ་སོར་མོ་འཆད་པར་འགྱུར་བ་ནི་ཤིན་ཏུ་དོག་པའི་སྐྱོན་བཞི་པའོ། །ཤིན་ཏུ་ཡངས་པའི་འཆག་སར་འཆག་པ་ན་སེམས་གཡེངས་པར་གྱུར་པ་དང་། སེམས་རྩེ་གཅིག་ཏུ་གནས་པ་མི་ཐོབ་པ་ནི་ཤིན་ཏུ་ཡངས་པའི་སྐྱོན་ལྔ་པའོ། །འཆག་སའི་མཐོ་ཚད་ཀྱི་སྟུགས་སུ་ཁྲུ་ཕྱེད་
D32.034.0187a07.01