完整藏文原文 · 德格版页 当前仅加载第 34 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
དང་དགྲ་སྟ་བླངས་ཏེ་སྐྱེས་བུ་ཆེན་པོའི་མདུན་དུ་གནས་པར་གྱུར་ནས། གང་སུ་ཞིག་ཁོ་བོ་ལ་གླ་བྱིན་ཏེ་ལས་ཀ་བྱེད་པ་ཡོད་ཅེས་སྨྲས་སོ། །སྐྱེས་བུ་ཆེན་པོས་གཟིགས་ཏེ། གང་ཞིག་ལས་ཀ་བྱེད་ནུས་ཞེས་གསུང་བ་དང་། བདག་གིས་མི་ཤེས་པའི་བཟོ་མེད་དོ། །ཁང་པའམ།
D32.034.0205b01.01བསྟི་གནས་སམ། གང་ཞིག་ཅུང་ཟད་བྱེད་པའི་བཟོ་དེ་བདག་གིས་བྱེད་ཀྱང་ཡང་ནུས་སོ་ཞེས་ཟེར་རོ། །བྱང་ཆུབ་སེམས་དཔས་སྨྲས་པ། དེའི་ཕྱིར་ང་ལ་ལས་སུ་བྱ་བ་ཡོད་དོ། །ཁོ་བོས་སང་འཕགས་པ་ལས་བྱེ་བ་ཕྲག་བརྒྱ་པའི་དགེ་སློང་གི་དགེ་འདུན་མགྲོན་དུ་གཉེར་ཏོ། །
D32.034.0205b02.01དེ་རྣམས་བཞུགས་པའི་གནས་བྱེད་པར་ནུས་སམ། སྨྲས་པ་བདག་གིས་བགྱིའོ། །བདག་ལ་གླ་སྟེར་བར་ནུས་སམ། བུ་བདག་གིས་ནུས་སོ། །ལེགས་སོ་ཞེས་བྱ་བ་ལེགས་པར་བྱས་སོ། །ཕྱིན་ནས་ས་ཕྱོགས་གཅིག་བལྟས་ནས་དཔག་ཚད་བཅུ་གཉིས་སམ་བཅུ་གསུམ་
D32.034.0205b03.01པའི་ཚད་ཀྱིས་ཕྱོགས་གཅིག་ཏུ་ཟད་པར་སྔོན་པོའི་དཀྱིལ་འཁོར་བཞིན་དུ་སྟེང་མཉམ་པར་བྱས་སོ། །དེས་འདི་རྣམས་ཀྱི་གནས་ཙམ་དུ་རིན་པོ་ཆེ་སྣ་བདུན་ལས་བྱུང་བའི་བསྟི་གནས་ས་འོག་ནས་ཕྱུང་ནས་བྱའོ་ཞེས་བསམ་ཞིང་བལྟའོ། །དེ་མ་ཐག་པར་ས་གཞི་བརྟོལ་ནས་བསྟི་གནས་
D32.034.0205b04.01གྲུབ་བོ། །དེ་ནི་གསེར་ལས་བྱུང་བའི་ཀ་བ་རྣམས་ལ་དངུལ་ལས་བྱུང་བའི་ཀ་ཞུའི་སྟེང་དུ་གསེར་ལས་བྱུང་བའི་གདུང་ངོ་། །ནོར་བུའི་ཀ་བ་ལ་བྱི་རུའི་རང་བཞིན་ནོ། །བྱི་རུའི་ཀ་བ་ལ་ནོར་བུའི་རང་བཞིན་ནོ། །རིན་པོ་ཆེ་སྣ་བདུན་ལས་བྱུང་བའི་ཀ་བ་ལ་རིན་པོ་ཆེ་སྣ་བདུན་ལས་བྱུང་བའི་
D32.034.0205b05.01ཀ་ཞུ་ཉིད་དོ། །དེ་ནས་བསྟི་གནས་ཀྱི་བར་བར་དུ་གཡེར་ཁའི་དྲ་བ་འཕྱང་བ་ལ་བལྟ་ཞིང་དེ་བལྟས་ཙམ་ཉིད་ན་དྲ་བ་འཕྱང་བ། གང་ལ་རླུང་གིས་བསྐྱོད་པ་དེ་ལ་ཡན་ལག་ལྔ་པའི་རོལ་མོ་སྒྲ་སྙན་སྒྲོགས་ཏེ། ལྷའི་གླུ་དབྱངས་སྒྲོགས་པ་བཞིན་ནོ། །བར་བར་དུ་སྤོས་ཀྱི་ཕྲེང་བ་དང་མེ་
D32.034.0205b06.01ཏོག་གི་ཕྲེང་བ་འཕྱང་བ་ལ་སེམས་ཤིང་ཕྲེང་བ་འཕྱང་བ་ལའོ། །བྱེ་བ་སྟོང་ཕྲག་བརྒྱའི་དགེ་སློང་གི་དགེ་འདུན་གྱི་གྲངས་ཀྱིས་སྟན་དང་རྒྱབ་རྟེན་རྣམས་ས་གཞི་ལ་བརྟེན་ནས་བྱུང་བར་བསམས་སོ། །དེ་མ་ཐག་ཏུ་སའི་སྟེང་དུ་གྲུབ་བོ། །མཚམས་དང་མཚམས་རྣམས་སུ་རེ་རེར་ཆུའི་སྣོད་
D32.034.0205b07.01