完整藏文原文 · 德格版页 当前仅加载第 34 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཤུགས་ཀྱིས་ས་གཞི་འབུགས་པར་གྱུར་ཏོ། །ནགས་ཚལ་དང་ཤིང་ལ་སོགས་པའི་སྟེང་གི་ཆར་སྤྲིན་ཆེན་པོ་འོངས་ནས་སེམས་དཔའ་ཆེན་པོ་ཆུ་ཐིགས་གཅིག་ཙམ་གྱིས་ཀྱང་སྦང་བར་མ་ནུས་སོ། །དེ་ནས་རྡོའི་ཆར་བཀུག་ནས་ཆེས་ཆེ་བའི་རིའི་ཕུང་པོ་དུ་བར་བྱེད་ཅིང་འབར་བར་བྱས་ནས་ནམ་མཁའ་
D32.034.0234b01.01ནས་འོངས་ཏེ་བྱང་ཆུབ་སེམས་དཔའི་དྲུང་དུ་འོངས་ནས། ལྷའི་མེ་ཏོག་གི་ཆུན་བུའི་གཟུགས་འབབ་བོ། །དེ་ནས་མཚོན་ཆའི་ཆར་ཐམས་ཅད་བཀུག་ནས་མཚོན་སོ་གཅིག་པ་དང་སོ་གཉིས་པ་དང་རལ་གྲི་དང་མདུང་ཐུང་དང་སྤུ་གྲི་ལ་སོགས་པའི་མཚོན་ཆ་རྣམས་དུ་བར་བྱེད་ཅིང་འབར་བར་བྱས་ནས་ནམ་མཁའ་ལས་འོངས་ཏེ།
D32.034.0234b02.01བྱང་ཆུབ་སེམས་དཔའི་དྲུང་དུ་འོངས་ནས་ལྷའི་མེ་ཏོག་ཏུ་གྱུར་ཏོ། །དེ་ནས་སོལ་བའི་ཆར་བཀུག་ནས་རྒྱ་སྐྱེགས་ཀྱི་མེ་ཏོག་གི་ཁ་དོག་ཅན་གྱི་སོལ་བ་ནམ་མཁའ་ནས་འོངས་ནས་བྱང་ཆུབ་སེམས་དཔའི་ཞབས་དྲུང་དུ་ལྷའི་མེ་ཏོག་ཏུ་གྱུར་ནས་འབབ་བོ། །དེ་ནས་ཐལ་བའི་ཆར་པ་རྣམས་བཀུག་ནས་ཤིན་ཏུ་
D32.034.0234b03.01དྲོ་བ་མེའི་ཁ་དོག་ཅན་གྱི་ཐལ་བ་ནམ་མཁའ་ནས་འོངས་ནས་བྱང་ཆུབ་སེམས་དཔའི་ཞབས་དྲུང་དུ་ཙན་དན་གྱི་ཕྱེ་མ་ལྟར་གྱུར་པའི་ཆར་འབབ་བོ། །དེ་ནས་བྱེ་མའི་མར་བཀུག་ནས་ཤིན་ཏུ་ཕྲ་བའི་བྱེ་མ་རྣམས་དུ་བར་བྱེད་ཅིང་འབར་བར་བྱས་ནས་ནམ་མཁའ་ནས་འོངས་ཏེ་བྱང་ཆུབ་སེམས་དཔའི་ཞབས་དྲུང་དུ་
D32.034.0234b04.01ལྷའི་ཕྱེ་མ་ལྟར་གྱུར་ནས་ཆར་འབབ་བོ། །དེ་ནས་འཇིམ་པའི་ཆར་པ་རྣམས་བཀུག་ནས་འཇིམ་པ་རྣམས་དུ་བར་བྱེད་ཅིང་འབར་བར་བྱས་ནས་ནམ་མཁའ་ནས་འོངས་ཏེ་བྱང་ཆུབ་སེམས་དཔའི་ཞབས་དྲུང་དུ་ལྷའི་བྱུག་པར་གྱུར་ནས་འབབ་བོ། །དེ་ནས་འདི་བཞིན་དུ་འཇིགས་པར་བྱེད་པས་དོན་གྲུབ་
D32.034.0234b05.01འབྲོས་པར་བྱ་བའི་ཕྱིར་མུན་པ་ཉེ་བར་གནས་པར་བྱའོ། །དེ་ནི་ཡན་ལག་བཞི་དང་ལྡན་པའི་མུན་ནག་ཆེན་པོར་གྱུར་ནས་བྱང་ཆུབ་སེམས་དཔའི་དྲུང་དུ་སླེབ་ནས་ཉི་མའི་འོད་ཀྱིས་མུན་པ་བཅོམ་པ་བཞིན་དུ་མི་སྣང་བར་གྱུར་ནས་འདི་ལྟར་བདུད་དགུ་པོ་འདི་རླུང་དང་ཆར་དང་རྡོ་དང་མཚོན་ཆ་དང་སོལ་བ་
D32.034.0234b06.01དང་ཐལ་བ་དང་བྱེ་མ་དང་འཇིམ་པ་དང་མུན་པ་སྟེ། དེ་རྣམས་ཆར་དུ་བབས་ནས་བྱང་ཆུབ་སེམས་དཔའ་འབྲོས་པར་བྱེད་པར་མ་ནུས་སོ། །ཅིས་བརྗོད་ཅིང་ཅིའི་ཕྱིར་སྡོད། གཞོན་ནུ་འདི་ལ་ཟུང་ཅིག་རྒྱོབ་ཅིག་ཐོན་ཅིག་ཅེས་འཁོར་རྣམས་བོས་ནས་རང་གིས་ཀྱང་རིའི་འོག་པག་གླང་པོ་ཆེའི་རྒྱབ་ཏུ་
D32.034.0234b07.01