完整藏文原文 · 德格版页 当前仅加载第 34 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱིས། །དེ་ལ་ཁྱོད་ནི་གཡོ་མེད་པས། །ཡང་དག་བྱང་ཆུབ་ཐོབ་པར་འགྱུར། །ཇི་ལྟར་རི་བོའི་བྲག་ཆེན་པོ། །གཡོ་བ་མེད་ཅིང་ལེགས་པར་གནས། །རླུང་ཆེན་པོས་ནི་གཡོ་བ་མེད། །རང་གི་གནས་སུ་གནས་པ་ཉིད། །དེ་བཞིན་ཁྱོད་ཀྱིས་ལྷག་གནས་པར། །ཐམས་ཅད་དུ་
D32.034.0199b01.01ནི་མི་གཡོ་བར། །ལྷག་གནས་ཕ་རོལ་ཕྱིན་གྱུར་པས། །ཡང་དག་བྱང་ཆུབ་ཐོབ་པར་འགྱུར། །གཞན་ཡང་སངས་རྒྱས་སུ་བྱེད་པའི་ཆོས་འདི་འབའ་ཞིག་མ་ཡིན་པར་བལྟ་བར་བྱའོ། །ལྷག་པར་ཚོལ་བ་ན་དགུ་པ་བྱམས་པའི་ཕ་རོལ་ཏུ་ཕྱིན་པ་མཐོང་བས་དེ་ལྟ་བུའི་ཁམས་སུ་གྱུར་ཏོ། །
D32.034.0199b02.01མཁས་པ་བློ་གྲོས་བཟང་པོ་དཀའ་ཐུབ་པ་ཁྱོད་ཀྱིས་འདི་ནས་བཟུང་ནས་བྱམས་པའི་ཕ་རོལ་ཏུ་ཕྱིན་པ་ཡང་རྫོགས་པར་བྱའོ། །ཕན་པ་དང་མི་ཕན་པར་གྱུར་ཀྱང་སེམས་གཅིག་ཏུ་བྱའོ། །ཇི་ལྟར་ཆུ་ནི་སྡིག་པ་ཅན་གྱི་སྐྱེ་བོ་དང་དགེ་བའི་སྐྱེ་བོས་ཀྱང་བསིལ་བར་གྱུར་ཅིང་གཅིག་ཏུ་མཚུངས་པར་
D32.034.0199b03.01བྱས་ནས་རེག་གོ། །དེ་ལྟར་ན་འདི་ལྟར་ཁྱོད་ཀྱིས་ཀྱང་སེམས་ཅན་ཐམས་ཅད་ལ་བྱམས་པའི་སེམས་གཅིག་ཏུ་གྱུར་ནས་སངས་རྒྱས་ཐོབ་པར་འགྱུར་རོ། །དགུ་པ་བྱམས་པའི་ཕ་རོལ་ཏུ་ཕྱིན་པ་བརྟན་པར་བྱས་ཏེ་གནས་པར་གྱིས་ཤིག །དེའི་ཕྱིར་གསུངས་པ། འདི་ཙམ་འབའ་ཞིག་མ་
D32.034.0199b04.01ཡིན་གྱི། །གང་ཞིག་བྱང་ཆུབ་ཐོབ་འདོད་ཆོས། །གཞན་པ་ཡང་ནི་བཙལ་བར་བྱ། །གང་ཞིག་ཆོས་ནི་ཐོབ་བྱེད་པ། །དེ་ཡི་ཚེ་ན་ཚོལ་བ་མཐོང་། །དགུ་པ་བྱམས་པའི་ཕ་རོལ་ཕྱིན། །སྔོན་གྱི་སྐྱེས་བུ་ཆེན་པོ་ཡིས། །བསྙེན་དང་བརྟེན་པར་བྱས་པའོ། །རེ་ཞིག་དགུ་པ་འདི་ཡིས་ནི། །
D32.034.0199b05.01བྱམས་པར་བྱས་ཏེ་གནས་པར་གྱིས། །གལ་ཏེ་བྱང་ཆུབ་ཐོབ་འདོད་ན། །བྱམས་པ་མཚུངས་པ་མེད་པར་འགྱུར། །ཇི་ལྟར་ཆུ་ཞེས་བྱ་བ་ལ། །དགེ་འམ་སྡིག་པའི་སྐྱེ་བོ་ནི། །མཚུངས་པར་བསིལ་བར་གྱུར་ལ་རེག །རྡུལ་དང་དྲི་མ་སྤོང་བར་བྱེད། །དེ་ལྟར་ཁྱོད་ཀྱིས་མི་ཕན་དང་། །
D32.034.0199b06.01ཕན་ལའང་མཚུངས་པར་བྱམས་པར་བྱ། །བྱམས་པའི་ཕ་རོལ་ཕྱིན་གྱུར་ནས། །ཡང་དག་བྱང་ཆུབ་ཐོབ་པར་འགྱུར། །གཞན་ཡང་སངས་རྒྱས་སུ་བྱེད་པའི་ཆོས་འདི་འབའ་ཞིག་མ་ཡིན་པར་བལྟ་བར་བྱའོ། །ལྷག་པར་ཚོལ་བ་ན་བཅུ་པ་བཏང་སྙོམས་ཀྱི་ཕ་རོལ་ཏུ་ཕྱིན་པ་མཐོང་ནས་
D32.034.0199b07.01