完整藏文原文 · 德格版页 当前仅加载第 34 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
ཡུག་གི་སྟེང་དུ་རྒྱལ་མཚན་དང་བ་དན་བཙུགས་པའི་ཤམ་བུས་ལྷོའི་ཁོར་ཡུག་གི་སྟེང་དུ་ཆགས་སོ། །ལྷོའི་ཕྱོགས་ཀྱི་ཁོར་ཡུག་གི་སྟེང་དུ་རྒྱལ་མཚན་དང་བ་དན་བཙུགས་པའི་ཤམ་བུས་བྱང་གི་ཁོར་ཡུག་གི་སྟེང་དུ་ཆགས་སོ། །ས་གཞི་ལས་ལངས་པའི་རྒྱལ་མཚན་དང་བ་དན་ཚངས་པའི་གནས་སུ་ཆགས་སོ། །
D32.034.0236b01.01ཚངས་པའི་འཇིག་རྟེན་གྱི་གནས་སུ་བཅིངས་པའི་རྒྱལ་མཚན་དང་བ་དན་ས་གཞིའི་སྟེང་དུ་ཆགས་སོ། །སྟོང་ཕྲག་བཅུའི་ཁོར་ཡུག་ལ་མེ་ཏོག་གི་ཤིང་ལ་མེ་ཏོག་ཁ་བྱེའོ། །འབྲས་བུའི་ཤིང་ལ་འབྲས་བུ་མང་པོར་གྱུར་ཏོ། །སྡོང་པོ་རྣམས་ལ་སྡོང་པོའི་པད་མའི་མེ་ཏོག་ཁ་བྱེའོ། །ཡལ་ག་རྣམས་ལ་ཡལ་
D32.034.0236b02.01གའི་པད་མའི་མེ་ཏོག་གོ། །འཁྲི་ཤིང་རྣམས་ལ་འཁྲི་ཤིང་གི་པད་མའི་མེ་ཏོག་གོ། །ནམ་མཁའ་ནས་ཐུར་དུ་པད་མའི་མེ་ཏོག་འཕྱང་ངོ་། །ཐང་དང་རྡོའི་སྟེང་དུ་བརྟོལ་ནས་སྟེང་ནས་སྟེང་དུ་བདུན་བདུན་དུ་གྱུར་ཏེ་རྒྱུན་ཆགས་པའི་པད་མའི་མེ་ཏོག་ཅེས་བྱ་བ་ཕྱུང་ངོ་། །སྟོང་ཕྲག་བཅུའི་འཇིག་རྟེན་གྱི་
D32.034.0236b03.01ཁམས་ཁྱད་པར་དུ་འཕགས་པའི་མེ་ཏོག་གི་གདན་བཞིན་དུ་གྱུར་ཏོ། །ཁོར་ཡུག་གི་བར་དཔག་ཚད་སྟོང་ཕྲག་བརྒྱད་ཀྱི་འཇིག་རྟེན་གྱི་བར་གྱི་དམྱལ་བ་ཉི་མ་བདུན་གྱི་འོད་ཀྱིས་ཀྱང་སྣང་བར་བྱེད་པ་མེད་པས་ན་དཀོན་ནོ། །དེ་དང་མཚུངས་པའི་འཇིག་རྟེན་གྱི་བར་གྱི་དམྱལ་བ་དེ་མ་ཐག་ཏུ་སྣང་བར་གྱུར་ཏོ། །
D32.034.0236b04.01དཔག་ཚད་བརྒྱད་ཁྲི་བཞི་སྟོང་ཙམ་གྱིས་ཟབ་པའི་རྒྱ་མཚོ་ཆེན་པོའི་ཆུ་དངར་པོར་གྱུར་ཏོ། །ཆུ་ཀླུང་རྣམས་ནི་འགྲོ་བར་གནས་སོ། །དམུས་ལོང་རྣམས་ཀྱི་མིག་གིས་གཟུགས་མཐོང་ངོ་། །འོན་པ་རྣམས་ཀྱི་རྣ་བས་སྒྲ་ཐོས་སོ། །གོང་པོ་རྣམས་ཀྱིས་འགྲོ་ཤེས་པར་གྱུར་ཏོ། །བཅིངས་པའི་
D32.034.0236b05.01སེམས་ཅན་རྣམས་ནི་རྗེས་སུ་བཅིངས་པ་ལས་གྲོལ་བར་གྱུར་ཏོ། །འདི་ལྟར་ཚད་མེད་པའི་དཔལ་དུ་གྱུར་ནས་མཆོད་པ་དང་ཡ་མཚན་པའི་ཆོས་རབ་ཏུ་སྐྱེས་སོ། །ཐམས་ཅད་མཁྱེན་པའི་ཡེ་ཤེས་སོ་སོར་རིག་གོ། །སངས་རྒྱས་ཐམས་ཅད་ཀྱི་བཤད་པ་ཆེད་དུ་བརྗོད་པ་ཆེད་དུ་བརྗོད་དོ། །སྐྱེ་
D32.034.0236b06.01བའི་འཁོར་བ་མ་ལུས་པ། །དུག་མེད་རྣམ་པར་དུག་མེད་ཚོལ། །ཁྱིམ་མེད་པ་ནི་ཚོལ་བ་ན། །སྐྱེ་བའི་སྡུག་བསྔལ་ཡང་ཡང་དང་། །ཁྱིམ་མེད་པ་ནི་མཐོང་བར་གྱུར། །སླར་ཡང་ཁྱིམ་ནི་བྱེད་པ་མེད། །དེ་ཡི་སྡུག་བསྔལ་ཐམས་ཅད་བཅོམ། །དུག་གི་མིང་ཅན་ཁྱིམ་
D32.034.0236b07.01