完整藏文原文 · 德格版页 当前仅加载第 34 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་སེམས་པ་ཉིད་ཀྱིས་རྣམ་པར་གྲོལ་བ་དང་བདེ་བས་སོ་སོར་རིག་པར་མཛད་ནས་བཞུགས་སོ། །དེའི་ཚེ་ལྷའི་བུའི་བདུད་དུས་འདི་རྣམས་ཀྱི་ཕྱི་མ་ལ་གྲིབ་མ་བཞིན་དུ་ཕྱོགས་གང་དུའང་མ་སྤངས་སོ། །བྱང་ཆུབ་སེམས་དཔའ་ལ་སྐྱོན་ཅུང་ཟད་ཀྱང་མ་མཐོང་ངོ་། །ད་ནི་ངའི་དབང་དུ་བྱ་
D32.034.0238a01.01བ་ལས་འདས་པས་ཡིད་མི་བདེ་བ་ཐོབ་པར་གྱུར་ཅིང་ལམ་ཆེན་པོར་གནས་ནས་རྣམ་པ་བཅུ་དྲུག་གི་རྒྱུ་མཚན་ལ་སེམས་ཤིང་ས་ལ་རི་མོ་བཅུ་དྲུག་འདྲིའོ། །བདག་གིས་འདི་བཞིན་དུ་སྦྱིན་པའི་ཕ་རོལ་དུ་ཕྱིན་པ་མ་རྫོགས་པ་དེའི་ཕྱིར་བདག་འདི་དང་འདྲ་བར་མ་གྱུར་ཏོ་ཞེས་རི་མོ་གཅིག་བྲིས་སོ། །དེ་བཞིན་དུ་
D32.034.0238a02.01བདག་འདི་དང་མཚུངས་པར་ཚུལ་ཁྲིམས་ཀྱི་ཕ་རོལ་དུ་ཕྱིན་པ་དང་། ངེས་འབྱུང་གི་ཕ་རོལ་དུ་ཕྱིན་པ་དང་། ཤེས་རབ་ཀྱི་ཕ་རོལ་དུ་ཕྱིན་པ་དང་། བརྩོན་འགྲུས་ཀྱི་ཕ་རོལ་དུ་ཕྱིན་པ་དང་། བཟོད་པའི་ཕ་རོལ་དུ་ཕྱིན་པ་དང་། བདེན་པའི་ཕ་རོལ་དུ་ཕྱིན་པ་དང་། ལྷག་པར་གནས་པའི་ཕ་རོལ་དུ་
D32.034.0238a03.01ཕྱིན་པ་དང་། བྱམས་པའི་ཕ་རོལ་དུ་ཕྱིན་པ་དང་། བཏང་སྙོམས་ཀྱི་ཕ་རོལ་དུ་ཕྱིན་པ་རྣམས་མ་རྫོགས་སོ། །དེའི་ཕྱིར་བདག་འདི་དང་མཚུངས་པར་མ་གྱུར་ཏོ་སྙམ་ནས་རི་མོ་བཅུ་བྲིས་སོ། །བདག་འདི་དང་མཚུངས་པའི་ཐུན་མོང་མ་ཡིན་པའི་དབང་པོ་མཆོག་གི་གོང་མའི་ཡེ་ཤེས་སོ་སོར་རིག་པ་ཉེ་བར་གནས་
D32.034.0238a04.01པར་གྱུར་པའི་ཕ་རོལ་དུ་ཕྱིན་པ་བཅུ་མ་རྫོགས་པ་དེའི་ཕྱིར་བདག་འདི་དང་མཚུངས་པར་མ་གྱུར་ཏོ་སྙམ་ནས་རི་མོ་བཅུ་དྲུག་བྲིས་སོ། །དེ་བཞིན་དུ་བདག་འདི་དང་མཚུངས་པའི་ཐུན་མོང་མ་ཡིན་པའི་བསམ་པའི་བག་ལ་ཉལ་དང་ཡེ་ཤེས་ཀྱི་ཐུགས་རྗེ་ཆེན་པོ་དང་། སྙོམས་པར་འཇུག་པའི་ཡེ་
D32.034.0238a05.01ཤེས་དང་། སོ་སོར་ཆོ་འཕྲུལ་གྱི་ཡེ་ཤེས་དང་སྒྲིབ་པ་མེད་པའི་ཡེ་ཤེས་དང་། ཐམས་ཅད་མཁྱེན་པའི་ཡེ་ཤེས་སོ་སོར་གནས་པ་ཉེ་བར་གནས་པར་གྱུར་པའི་ཕ་རོལ་དུ་ཕྱིན་པ་བཅུ་མ་རྫོགས་པའི་དེའི་ཕྱིར་བདག་འདི་དང་མཚུངས་པར་མ་གྱུར་ཏོ་སྙམ་ནས་རི་མོ་བཅུ་དྲུག་བྲིས་སོ། །འདི་ལྟར་འདིའི་
D32.034.0238a06.01རྒྱུ་མཚན་སེམས་ཤིང་ལམ་ཆེན་པོར་རི་མོ་བཅུ་དྲུག་བྲིས་ནས་གནས་སོ། །དེའི་ཚེ་སྲེད་མ་དང་། ཀུན་དུ་དགའ་མ་དང་། དགའ་མ་སྡེ་གསུམ་པོ་ནི་བདུད་ཀྱི་བུ་མོ་བདག་ཅག་གི་ཕ་ནི་མ་མཐོང་བར་གྱུར་པས་དེ་མ་ཐག་པར་གན་ཡོད་དམ་ཞེས་བལྟ་ཞིང་རྒྱུ་བ་ན་དེ་ཡིད་མི་བདེ་བ་ཐོབ་པར་གྱུར་ཏེ། ས་
D32.034.0238a07.01