完整藏文原文 · 德格版页 当前仅加载第 34 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་ཁབ་ནང་བྱོན། །གྲོལ་ཞིང་གྲོལ་བའི་གྲོགས་སྔོན་བཅས། །བྲམ་ཟེ་རྣམ་གྲོལ་རལ་པ་དང་། །སེང་གེའི་གཟུགས་ཀྱིས་འཐོན་ནས་ནི། །བཅོམ་ལྡན་རྒྱལ་པོའི་ཁབ་ནང་བྱོན། །བསྒྲལ་ཞིང་བསྒྲལ་བའི་གྲོགས་སྔོན་བཅས། །བྲམ་ཟེ་རྣམ་གྲོལ་རལ་པ་དང་། །སེང་གེའི་གཟུགས་
D32.034.0242b01.01ཀྱིས་འཐོན་ནས་ནི། །རྒྱལ་པོའི་ཁབ་ནང་བཅོམ་ལྡན་བྱོན། །བཅུ་པོ་གསུང་བའི་སྟོབས་བཅུ་པ། །ཆོས་བཅུ་ལ་མཁས་བཅུ་ལ་གནས། །སྟོང་ཕྲག་བཅུ་ཡི་འཁོར་དང་ལྡན། །བཅོམ་ལྡན་རྒྱལ་པོའི་ཁབ་ནང་བྱོན། །ཚིགས་སུ་བཅད་པ་འདིས་ནི་སྟོན་པ་ལ་བསྔགས་པས་བསྟོད་ཅིང་
D32.034.0242b02.01སྔུན་དུ་འགྲོ་བའི་མི་རྣམས་ཀྱིས་བྲམ་ཟེའི་ཁྱེའུའི་གཟུགས་ཀྱི་དཔལ་མཐོང་ནས་བྲམ་ཟེའི་ཁྱེའུ་འདི་ཤིན་ཏུ་གཟུགས་བཟང་བའོ། །སླར་ཡང་སྔར་མཐོང་བ་མེད་དོ་ཞེས་བསམས་ནས་བྲམ་ཟེའི་ཁྱེའུ་འདི་གང་ན་གནས་པ་ཡིན། གང་ཞིག་གི་ཡིན་ཞེས་སྨྲས་སོ། །དེ་ཐོས་ནས་བྲམ་ཟེའི་ཁྱེའུས་
D32.034.0242b03.01སྨྲས་པ། གང་ཞིག་བསྟན་པ་ཐམས་ཅད་འདུལ། །གང་ཟག་ཟླ་མེད་སངས་རྒྱས་ཏེ། །དགྲ་བཅོམ་བདེ་གཤེགས་འཇིག་རྟེན་དུ། །དེ་ནི་བདག་གི་ཉེ་བར་གནས། །ཚིགས་སུ་བཅད་པ་བརྗོད་དེ་སྟོན་པས་བརྒྱ་བྱིན་གྱིས་སྐབས་ཕྱེ་བའི་ལམ་དུ་དགེ་སློང་སྟོང་ཕྲག་གཅིག་འཁོར་དུ་བྱས་
D32.034.0242b04.01ནས་རྒྱལ་པོའི་ཁབ་ཀྱི་ནང་དུ་གཤེགས་སོ། །རྒྱལ་པོས་སངས་རྒྱས་ལ་སོགས་པའི་དགེ་འདུན་ལ་སྦྱིན་པ་ཆེན་པོ་ཕུལ་ལོ། །བཙུན་པ་བདག་དཀོན་མཆོག་གསུམ་སྤངས་ནས་སྡོད་པར་མི་ནུས་སོ། །དུས་དང་དུས་མ་ཡིན་པར་བཅོམ་ལྡན་འདས་དང་ཉེ་བར་འོང་བར་འདོད་དོ། །ཤིང་དངར་
D32.034.0242b05.01ཅན་གྱི་སྐྱེད་མོས་ཚལ་ཤིན་ཏུ་ཐག་རིང་ངོ་། །སླར་ཡང་བདག་ཅག་གི་འོད་མའི་ཚལ་ཞེས་བྱ་བ་འདི་ཤིན་ཏུ་ཉེ་བས་གཤེགས་པ་དང་། འོང་བ་ཤིན་ཏུ་ཉེ་བས་སངས་རྒྱས་ལ་འོས་པའི་གནས་ལགས་པས་བཞེས་པར་ཞུ། དེས་གསེར་གྱི་རིལ་བ་སྤྱི་བླུགས་ལ་མེ་ཏོག་གི་དྲིས་བསྒོས་ཏེ།
D32.034.0242b06.01ནོར་བུའི་ཁ་དོག་ཅན་གྱི་ཆུ་བླངས་ནས་འོད་མའི་ཚལ་ཡོངས་སུ་གཏོང་ཞིང་སྟོབས་བཅུ་པའི་ཕྱག་ཏུ་ཆུ་སྦྲེང་ནས། དེར་ཀུན་དགའ་ར་བ་བཞེས་ནས་སངས་རྒྱས་ཀྱི་བསྟན་པའི་གཞི་ཞེས་བརྗོད་ཅིང་ས་གཞི་ཆེན་པོ་གཡོས་སོ། །འཛམ་བུའི་གླིང་གི་ནང་ནས་འོད་མའི་ཚལ་སྤངས་པའི་ས་གཞི་གཡོས་
D32.034.0242b07.01