完整藏文原文 · 德格版页 当前仅加载第 34 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
བསྡུས་ནས་སངས་རྒྱས་འདོད་པའི་སྨོན་ལམ་བཏབ་ནས་ཉལ་ལོ། །བཅོམ་ལྡན་འདས་མར་མེ་མཛད་ཀྱིས་ཀྱང་བྱོན་ནས་བློ་གྲོས་བཟང་པོ་དཀའ་ཐུབ་པའི་མགོའི་གམ་དུ་བཞུགས་ཏེ་ནོར་བུ་སེང་གེའི་ཁང་པའི་གཟེབ་ཀྱི་སྒོར་སྟོན་པ་བཞིན་དུ་ཁ་དོག་ལྔ་པ་རབ་ཏུ་དངས་པ་དང་ལྡན་པའི་སྤྱན་གྱིས་
D32.034.0193b01.01གཟིགས་ནས་འཇིམ་པའི་སྟེང་ན་ཉལ་བའི་བློ་གྲོས་བཟང་པོ་དཀའ་ཐུབ་པ་གཟིགས་སོ། །དཀའ་ཐུབ་པ་འདི་སངས་རྒྱས་ཐོབ་པའི་ཕྱིར་དུ་སྨོན་ལམ་འདེབས་ཤིང་ཉལ་ལོ། །འདིའི་དོན་དུ་གཉེར་བ་འགྲུབ་བམ་མི་འགྲུབ་སྙམ་དུ་དགོངས་ནས་མ་འོངས་པའི་ཡེ་ཤེས་ཀྱིས་རྟོག་ཅིང་དཔྱོད་དོ། །འདི་ནས་
D32.034.0193b02.01བསྐལ་པ་གྲངས་མེད་པ་བཞི་དང་འབུམ་ཕྲག་གཅིག་ལྷག་ནས་གཽ་ཏམ་ཞེས་བྱ་བའི་སངས་རྒྱས་སུ་འགྱུར་ཞེས་རྟོགས་ནས་འཁོར་གྱི་ནང་དུ་ལུང་སྟོན་པས་བཀའ་སྩལ་པ། མཆོག་གི་དཀའ་ཐུབ་ཀྱི་དཀའ་ཐུབ་པ་འདི་འཇིམ་པའི་སྟེང་ན་ཉལ་བ་ཁྱེད་རྣམས་ཀྱིས་མཐོང་ངམ། གསོལ་པ། བཙུན་པ་དེ་
D32.034.0193b03.01བཞིན་དུ་མཐོང་ངོ་། །བཀའ་སྩལ་པ། འདིས་སངས་རྒྱས་ཐོབ་པར་བསམས་ནས་ཉལ་ཏོ། །གསོལ་པ། འདིའི་དོན་དུ་གཉེར་བ་འགྲུབ་པར་འགྱུར་ལགས་སམ། བཀའ་སྩལ་པ། འདི་ནས་བསྐལ་པ་གྲངས་མེད་པ་བཞི་དང་འབུམ་ཕྲག་གཅིག་ལྷག་འདས་ནས་གཽ་ཏམ་ཞེས་བྱ་བའི་སངས་རྒྱས་སུ་
D32.034.0193b04.01འགྱུར་རོ། །དེ་ལ་སླར་ཡང་གྲོང་ཁྱེར་སེར་སྐྱའི་གནས་སུ་འཁྲུངས་པར་འགྱུར་རོ། །ལྷ་མོ་སྒྱུ་འཕྲུལ་མ་ཆེན་མོ་ཞེས་བྱ་བ་ནི་ཡུམ་མོ། །རྒྱལ་པོ་ཟས་གཙང་མ་ཞེས་བྱ་བ་ནི་ཡབ་བོ། །ཉན་ཐོས་ཀྱི་མཆོག་ནི་གནས་བརྟན་ཉེ་རྒྱལ་དང་ཉན་ཐོས་གཉིས་པ་ནི་གནས་བརྟན་པང་ནས་སྐྱེས་སོ། །སངས་རྒྱས་
D32.034.0193b05.01ཀྱི་ཉེ་གནས་ནི་ཀུན་དགའ་བོ་ཞེས་བྱ་བའོ། །ཉན་ཐོས་མའི་མཆོག་ནི་གནས་བརྟན་མ་དགེ་མ་ཞེས་བྱ་བ་དང་ཉན་ཐོས་མ་གཉིས་པ་ནི་གནས་བརྟན་མ་ཨུད་པ་ལའི་མདོག་ཅན་ཞེས་བྱ་བར་འགྱུར་རོ། །ཡེ་ཤེས་ཡོངས་སུ་སྨིན་པར་གྱུར་ཏེ། ངེས་པར་འབྱུང་བ་ཆེན་པོ་བྱས་ནས་དཀའ་ཐུབ་ཆེན་པོ་རྫོགས་
D32.034.0193b06.01པར་བྱས་ཏེ། ནྱ་གྲོ་དྷའི་ཤིང་དྲུང་དུ་འོ་ཐུག་བླངས་ནས་ཆུ་ཀླུང་ནཻ་ར་ཛ་རའི་འགྲམ་དུ་གསོལ་ལོ། །བྱང་ཆུབ་ཀྱི་སྙིང་པོར་གཤེགས་ཏེ་ཨ་ཤྭཏྠའི་ཤིང་དྲུང་དུ་མངོན་པར་རྫོགས་པར་འཚང་རྒྱ་བར་འགྱུར་རོ། །དེའི་ཕྱིར་གསུངས་པ། མར་མེ་མཛད་པ་འཇིག་རྟེན་མཁྱེན། །སེམས་ཅན་ཕན་ཕྱིར་འཇིག་རྟེན་བྱུང་། །
D32.034.0193b07.01