完整藏文原文 · 德格版页 当前仅加载第 34 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཁྲིད་དེ་མྱུར་བ་ཉིད་དུ་དཔག་ཚད་དྲུག་ཅུའི་ལམ་དུ་སོང་ནས་སྟོབས་བཅུ་པ་འཁོར་བཞིའི་ནང་དུ་བཞུགས་ནས་ཆོས་སྟོན་པའི་དུས་སུ་གཙུག་ལག་ཁང་དུ་ཞུགས་སོ། །དེ་རྒྱལ་པོས་བཏང་བའི་དོན་རེ་ཞིག་བཞག་ནས་འཁོར་ཐམས་ཅད་ཀྱི་མཐར་འཁོད་དེ་སྟོན་པའི་ཆོས་བསྟན་པ་ཐོས་ནས་ཇི་ལྟར་འཁོད་
D32.034.0243b01.01པ་ཉིད་བཞིན་དུ་སྐྱེས་བུ་སྟོང་ཕྲག་གཅིག་དང་ལྷན་ཅིག་ཏུ་དགྲ་བཅོམ་པ་ཐོབ་ནས་རབ་ཏུ་འབྱུང་བར་ཞུགས་སོ། །བཅོམ་ལྡན་འདས་ཀྱིས་བཙུན་པ་རྣམས་འདིར་ཤོག་ཅིག་ཅེས་ཕྱག་བརྐྱང་ངོ་། །ཐམས་ཅད་དེ་ཉིད་དུ་རྫུ་འཕྲུལ་ལས་བྱུང་བའི་ལྷུང་བཟེད་དང་ཆོས་གོས་གསུམ་བཟུང་ནས། ལོ་བརྒྱ་
D32.034.0243b02.01ལོན་པའི་གནས་བརྟན་ལྟ་བུར་གྱུར་ཏོ། །དགྲ་བཅོམ་པ་ཐོབ་པའི་དུས་ནས་བཟུང་སྟེ། སླར་ཡང་འཕགས་པ་ཞེས་བྱ་བ་རེ་ཞིག་བར་མར་གནས་པར་གྱུར་ཏོ། །རྒྱལ་པོས་བཏང་བའི་སྤྲིང་ཡིག་སྟོབས་བཅུ་པ་ལ་མ་བརྗོད་དོ། །རྒྱལ་པོས་བཏང་བའི་མི་རྣམས་ལས་གཅིག་ཀྱང་མ་བྱུང་
D32.034.0243b03.01ཞིང་སྤྲིང་ཡིག་ཀྱང་མ་ཐོས་སོ། །འདིར་ཤོག་ལ་ཁྱེད་སོང་ཞིག་དང་དེ་ལྟ་བུའི་ངེས་པས་བློན་པོ་གཞན་གཅིག་བཏང་ངོ་། །དེས་སོང་ནས་ཡང་སྔར་བཞིན་དུ་འཁོར་དང་བཅས་པ་དགྲ་བཅོམ་པ་ཐོབ་ནས་ཅང་མི་གསུང་བར་གནས་སོ། །རྒྱལ་པོས་དེ་ལྟ་བུར་ངེས་པས་སྐྱེས་བུ་སྟོང་ཕྲག་རེ་རེའི་
D32.034.0243b04.01འཁོར་དང་བཅས་པའི་བློན་པོ་དགུ་བཏང་ངོ་། །ཐམས་ཅད་རང་གི་དོན་རྫོགས་པར་བྱས་ནས་ཅང་མི་སྨྲ་བར་གྱུར་ཏེ་དེ་ཉིད་དུ་གནས་སོ། །རྒྱལ་པོས་སྤྲིང་ཡིག་ཙམ་གྱི་ལོ་རྒྱུས་ཀྱང་མ་ཐོབ་པོ་ཞེས་བསམས་ནས་མི་འདི་རྣམས་ང་ལ་མི་དགའ་བའི་རྒྱུ་མཚན་གྱིས་སྤྲིང་ཡིག་ཙམ་གྱི་ལོ་རྒྱུས་ཀྱང་མི་
D32.034.0243b05.01བརྗོད་དོ། །སུ་ཞིག་ངའི་ཚིག་བཞིན་བྱེད་པར་སེམས། རྒྱལ་པོས་མི་ཐམས་ཅད་ལ་བརྟགས་པས་ནག་པོ་འཆར་ཀ་མཐོང་ངོ་། །དེ་ཡང་རྒྱལ་པོའི་དོན་ཐམས་ཅད་སྒྲུབ་པར་བྱེད་པའི་བློན་པོ་ཡིན་ནོ་ནང་མི་ཡིན་ནོ། །ཤིན་ཏུ་ཐུགས་ཆེས་པ་ཡིན་ནོ། །དེ་བཞིན་གཤེགས་པ་དང་
D32.034.0243b06.01ལྷན་ཅིག་ལ་ཉིན་གཅིག་ཏུ་སྐྱེས་པ་ཡིན་ནོ། །དེ་དང་ལྷན་ཅིག་ཏུ་བརྩེ་བའི་གྲོགས་པོ་ཡིན་ནོ། །དེ་ནས་བློན་པོ་རྒྱལ་པོས་བོས་ཏེ། བུ་ནག་པོ་འཆར་ཀ་བདག་གི་སྲས་བལྟ་བར་འདོད་པས་སྐྱེས་བུ་སྟོང་ཕྲག་དགུ་བཏང་སྟེ་མི་གཅིག་ཀྱང་མ་འོངས་ནས་སྤྲིང་ཡིག་ཙམ་གྱི་ལོ་རྒྱུས་ཅི་
D32.034.0243b07.01