完整藏文原文 · 德格版页 当前仅加载第 34 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལ་སོགས་པ་བསོད་ནམས་ཆེན་པོ་བྱེད་ཅིང་ཚེའི་མཐར་ཤི་འཕོས་ཏེ་དགའ་ལྡན་དུ་སྐྱེས་སོ་ཞེས་པ་མར་མེ་མཛད་ཀྱི་ཞབས་དྲུང་ནས་བཟུང་སྟེ་ཇི་སྲིད་དགའ་ལྡན་དུ་སྐྱེས་པ་དེ་རྣམས་ཀྱི་བར་ནི་རིང་པོའི་གཞི་ཞེས་བྱ་བར་རིག་པར་བྱའོ། །གཞན་ཡང་བྱང་ཆུབ་སེམས་
D32.034.0216a01.01དཔའ་དགའ་ལྡན་དུ་བཞུགས་པ་ཉིད་ནས་སངས་རྒྱས་ཀྱི་སྒྲ་ཆེར་སྒྲོགས་པ་ཞེས་བྱ་བ་སྐྱེས་པ་ན་འཇིག་རྟེན་འདིར་སྒྲ་ཆེར་སྒྲོགས་པ་གསུམ་བྱུང་སྟེ། བསྐལ་པའི་སྒྲ་ཆེར་སྒྲོགས་པ་དང་། སངས་རྒྱས་ཀྱི་སྒྲ་ཆེར་སྒྲོགས་པ་དང་། འཁོར་ལོས་སྒྱུར་བའི་སྒྲ་ཆེར་སྒྲོགས་པའོ། །དེ་
D32.034.0216a02.01ལ་ལོ་འབུམ་ཕྲག་གཅིག་གི་མཐར་བསྐལ་པ་འཇིག་པར་འགྱུར་རོ་ཞེས་པ་འཇིག་རྟེན་གྱི་མིང་དུ་བརྗོད་པ་ནི་འདོད་པ་ན་སྤྱོད་པའི་ལྷ་མགོ་གཡོགས་ཀྱིས་མ་བསྒྲིབས་པ་དང་། སྐྲ་གྲོལ་བ་དང་། ངུ་བའི་ཁ་ཅན་ལག་པས་མིག་གི་མཆི་མ་འཕྱི་བ་གོས་དམར་པོ་གྱོན་པ་ལྷག་པར་གཟུགས་
D32.034.0216a03.01མི་སྡུག་པའི་ཆ་བྱད་འཛིན་པར་གྱུར་པའི་མི་རྣམས་ལམ་ལ་འགྲོ་ཞིང་འདི་ལྟར་བརྗོད་དོ། །འཇིག་རྟེན་པ་འདི་ནས་ལོ་འབུམ་ཕྲག་གཅིག་འདས་ནས་བསྐལ་པ་འཇིག་པར་འགྱུར་རོ། །འདི་ཡི་འཇིག་རྟེན་རྣམས་འཇིག་པར་འགྱུར་རོ། །རྒྱ་མཚོ་ཆེན་པོ་ཡང་བསྐམས་པར་འགྱུར་རོ། །
D32.034.0216a04.01ས་གཞི་ཆེན་པོ་འདི་དང་རིའི་རྒྱལ་པོ་རི་རབ་ཀྱང་ཐལ་བར་འགྱུར་ཅིང་འཇིག་གོ། །ཚངས་པའི་འཇིག་རྟེན་གྱི་བར་དུ་འཇིག་རྟེན་འཇིག་པར་འགྱུར་རོ་ཞེས་བརྗོད་དོ། །འཇིག་རྟེན་པ་རྣམས་བྱམས་པ་སྒོམས་ཤིག །སྙིང་རྗེ་སྒོམས་ཤིག །དགའ་བ་སྒོམས་ཤིག །བཏང་སྙོམས་སྒོམས་
D32.034.0216a05.01ཤིག །མ་ལ་རིམ་གྲོ་གྱིས་ཤིག །ཕ་ལ་རིམ་གྲོ་གྱིས་ཤིག །རིགས་ཀྱི་གཙོ་བོ་ལ་རིམ་གྲོ་གྱིས་ཤིག་ཅེས་པ་འདི་ནི་བསྐལ་པའི་སྒྲ་ཆེར་སྒྲོགས་པ་ཞེས་བྱ་བའོ། །ལོ་སྟོང་ཕྲག་གཅིག་འདས་ནས་སླར་ཡང་སངས་རྒྱས་ཐམས་ཅད་མཁྱེན་པ་འཇིག་རྟེན་དུ་བྱོན་ནོ་ཞེས་བརྗོད་པ་
D32.034.0216a06.01འདི་འཇིག་རྟེན་སྐྱོང་བའི་ལྷ་རྣམས་འདི་ནས་འཇིག་རྟེན་པ་རྣམས་ལོ་སྟོང་ཕྲག་གཅིག་འདས་ནས་གཞན་ཡང་སངས་རྒྱས་འཇིག་རྟེན་དུ་བྱོན་ནོ་ཞེས་རྗོད་ཅིང་སྒྲ་ཆེར་སྒྲོགས་པས་རྒྱུ་བ་འདི་ནི་སངས་རྒྱས་ཀྱི་སྒྲ་ཆེར་སྒྲོགས་པ་ཞེས་བྱ་བ་ཡིན་ནོ། །གཞན་ཡང་ལོ་བརྒྱ་འདས་ནས་འཁོར་
D32.034.0216a07.01