完整藏文原文 · 德格版页 当前仅加载第 34 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
དཔག་ཚད་སུམ་བརྒྱའོ། །ཞེང་དུ་དཔག་ཚད་ཕྱེད་དང་སུམ་བརྒྱའོ། །མཐའ་བསྐོར་ལ་དཔག་ཚད་དགུ་བརྒྱའོ། །ཡུལ་ཕྱོགས་དེ་རྣམས་སུ་ནི་སངས་རྒྱས་དང་། རང་སངས་རྒྱས་དང་ཉན་ཐོས་མཆོག་རྣམས་དང་། ཉན་ཐོས་ཆེན་པོ་བརྒྱད་ཅུ་དང་། འཁོར་ལོས་སྒྱུར་བའི་རྒྱལ་པོ་དང་།
D32.034.0217b01.01གཞན་ཡང་སྐྱེས་བུ་ཆེན་པོར་གྲགས་པའི་རིགས་དང་། བྲམ་ཟེའི་རིགས་དང་། ཤིང་སཱ་ལ་ཆེན་པོ་ལྟ་བུའི་ཁྱིམ་བདག་རྣམས་འཁྲུངས་པའི་གནས་སོ། །དེ་རྣམས་ལས་གྲོང་ཁྱེར་སེར་སྐྱ་ཞེས་བྱ་བ་འདིའོ། །དེར་བདག་འཁྲུང་བར་རིགས་སོ་ཞེས་ཐུགས་ཀྱིས་ངེས་པར་བྱས་སོ། །དེ་
D32.034.0217b02.01ནས་རིགས་ལ་གཟིགས་པ་ཞེས་བྱ་བ་ནི་སངས་རྒྱས་ཞེས་བྱ་བ་རྗེའུའི་རིགས་སམ། གདོལ་པའི་རིགས་ལ་མི་འཁྲུང་ངོ་། །སླར་ཡང་འཇིག་རྟེན་པ་མོས་པའི་རྒྱལ་རིགས་སམ་བྲམ་ཟེའི་རིགས་གཉིས་ལ་འཁྲུང་ངོ་། །ད་ལྟ་ནི་རྒྱལ་རིགས་ལ་འཇིག་རྟེན་པ་སེམས་སོ། །དེ་ལ་འཁྲུང་ངོ་། །
D32.034.0217b03.01བདག་གི་ཡབ་ནི་ཟས་གཙང་མ་ཞེས་བྱ་བའི་རྒྱལ་པོ་ཡིན་ཏེ་རིགས་ལ་གཟིགས་སོ། །དེ་ནས་ཡུམ་ལ་གཟིགས་ཏེ་འདོད་པ་དང་ཆང་ལ་དགའ་བ་ནི་སངས་རྒྱས་ཀྱི་ཡུམ་ཞེས་བྱ་བ་མ་ཡིན་ནོ། །གཞན་ཡང་བསྐལ་པ་འབུམ་ཕྲག་གཅིག་ལ་ཕ་རོལ་ཏུ་ཕྱིན་པ་རྫོགས་པར་བྱས་ནས་འཁྲུང་ངོ་། །
D32.034.0217b04.01ཉམས་པ་མེད་པའི་ཚུལ་ཁྲིམས་ལྔ་པོ་ཉིད་ལེན་ནོ། །ལྷ་མོ་སྒྱུ་འཕྲུལ་ཆེན་མོ་ཞེས་བྱ་བ་འདི་དེ་དང་འདྲ་བ་བདག་གི་ཡུམ་ཡིན་ནོ། །གཞན་ཡང་གང་དེ་ཙམ་གྱི་ཚེའོ། །ཟླ་བ་བཅུའི་མགོ་ནས་ཞག་བདུན་དུ་གཟིགས་སོ། །འདི་ནི་ཆེན་པོ་ལྔ་ལ་གཟིགས་སོ། །གཟིགས་ནས་དྲང་སྲོང་ཆེན་
D32.034.0217b05.01པོ་བདག་གི་དུས་ཏེ་སངས་རྒྱས་སུ་འགྱུར་བའི་ལྷ་རྣམས་ཀྱིས་ཚིག་གིས་གནང་ངོ་། །ཁྱེད་རྣམས་གཤེགས་པར་ཞུ་ཞེས་ལྷ་དེ་རྣམས་བཏང་ནས་དགའ་ལྡན་གྱི་ལྷ་རྣམས་ཀྱིས་ཡོངས་སུ་བསྐོར་ཏེ། དགའ་ལྡན་གྱི་དགའ་བའི་ཚལ་དུ་ཞུགས་སོ། །འཇིག་རྟེན་གྱི་ལྷ་ཐམས་ཅད་
D32.034.0217b06.01དགའ་བའི་ཚལ་ན་ཡོད་པ་ཉིད་དོ། །དེ་ལ་འདིའི་ལྷ་འདི་ནས་ཤི་འཕོས་ནས་བདེ་བའི་འགྲོ་བར་སྐྱེས་ཏེ་འདི་ནས་ཤི་འཕོས་ནས་བདེ་བའི་འགྲོ་བར་སྐྱེས་སོ། །སྔར་བྱས་པའི་དགེ་བའི་ལས་བྱས་པ་རྗེས་སུ་དྲན་ཞིང་རྒྱུའོ། །དེ་དེ་ལྟར་ལྷ་རྣམས་ཀྱིས་དགེ་བ་རྗེས་སུ་དྲན་པ་རྣམས་འཁོར་
D32.034.0217b07.01