完整藏文原文 · 德格版页 当前仅加载第 34 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
རང་མ་རེག་པར་སོ་སོར་འབྱིན་ཏོ། །ཕྱོགས་ཐམས་ཅད་རབ་ཏུ་དངས་པར་གྱུར་ཏོ། །སེམས་ཅན་རྣམས་བདེ་བ་བསྐྱེད་པའི་ཕྱིར་རླུང་འཇམ་པོ་ལྡང་བར་གྱུར་ཏོ། །དུས་མ་ཡིན་པར་སྤྲིན་ལ་ཆར་འབབ་བོ། །ས་ལ་ཆུ་བྱུང་ནས་ཕྱོགས་ཐམས་ཅད་ཆུར་གྱུར་ཏོ། །བྱ་རྣམས་ནམ་མཁའ་ལ་འགྲོ་བ་སྤོང་ངོ་། །
D32.034.0219a01.01ཆུ་ཀླུང་རྣམས་འགྲོ་བ་མེད་པར་གནས་སོ། །རྒྱ་མཚོ་ཆེན་པོའི་ཆུ་ནི་དངར་བར་གྱུར་ཏོ། །གནས་ཐམས་ཅད་ཉིད་དུ་ཁ་དོག་ལྔ་པའི་པད་མས་སའི་སྟེང་ཐམས་ཅད་ཁྱབ་པར་གྱུར་ཏོ། །ཐང་དང་ཆུ་ལས་སྐྱེས་པའི་མེ་ཏོག་རྣམས་ཁ་བྱེ་བར་གྱུར་ཏོ། །ལྗོན་ཤིང་རྣམས་ཀྱི་སྡོང་པོ་ལ་སྡོང་པོའི་པད་མའི་མེ་ཏོག་གོ། །ཡལ་
D32.034.0219a02.01ག་རྣམས་ལ་ཡལ་གའི་པད་མའི་མེ་ཏོག་གོ། །འཁྲི་ཤིང་རྣམས་ལ་འཁྲི་ཤིང་གི་པད་མའི་མེ་ཏོག་ཁ་བྱེའོ། །ཐང་དང་རྡོའི་སྟེང་དུ་བརྟོལ་ནས་སྟེང་ནས་སྟེང་དུ་བདུན་བདུན་དུ་གྱུར་ནས་དན་དྲ་པད་མ་ཞེས་བྱ་བ་ཕྱུང་ངོ་། །ནམ་མཁའ་ནས་ཐུར་དུ་པད་མ་འཕྱང་ངོ་། །ཐམས་ཅད་དུ་མེ་ཏོག་གི་ཆར་འབབ་བོ། །ནམ་
D32.034.0219a03.01མཁའ་ལ་ལྷའི་རོལ་མོའི་སྒྲ་སྒྲོགས་སོ། །སྟོང་ཕྲག་བཅུའི་འཇིག་རྟེན་གྱི་ཁམས་ཐམས་ཅད་མེ་ཏོག་དང་བདུག་སྤོས་དང་དྲི་ཆབ་མཆོག་ཏུ་སྐལ་བ་བཟང་བར་གྱུར་ཏོ། །འདི་ལྟར་བྱང་ཆུབ་སེམས་དཔའ་མངལ་དུ་ཞུགས་པ་ཉིད་ནས་བྱང་ཆུབ་སེམས་དཔའ་དང་། བྱང་ཆུབ་སེམས་དཔའི་ཡུམ་གྱི་ཉེ་བར་འཚེ་བ་
D32.034.0219a04.01བཟློག་པའི་ཕྱིར་རལ་གྲི་ལག་ཏུ་ཐོགས་པའི་ལྷའི་བུ་བཞིས་སྲུང་བར་བྱེད་དོ། །བྱང་ཆུབ་སེམས་དཔའི་ཡུམ་ནི་སྐྱེས་པ་ལ་འདོད་ཆགས་མི་སྐྱེ་ཞིང་། རྙེད་པ་དང་གྲགས་པ་ཐོབ་པར་གྱུར་ཏོ། །སྐྱིད་པ་སྐུ་ལ་དུབ་པ་མེད་པར་བྱང་ཆུབ་སེམས་དཔའ་དེ་ཡང་རུམ་དུ་ཞུགས་ནས། ནོར་བུ་རིན་པོ་ཆེ་རབ་ཏུ་
D32.034.0219a05.01དངས་པ་སྲད་བུ་དམར་པོ་ལ་བརྒྱུས་པ་བཞིན་དུ་མཐོང་ངོ་། །གང་གི་ཕྱིར་ཡང་བྱང་ཆུབ་སེམས་དཔའ་ཞུགས་པའི་རུམ་ཞེས་བྱ་བ་ནི་མཆོད་རྟེན་གྱི་ནང་བཞིན་དུ་སེམས་ཅན་གཞན་གྱིས་རེག་པ་དང་ལོངས་སྤྱོད་པར་མི་ནུས་སོ། །དེའི་ཕྱིར་བྱང་ཆུབ་སེམས་དཔའི་ཡུམ་བྱང་ཆུབ་སེམས་དཔའ་འཁྲུངས་ནས་ཞག་
D32.034.0219a06.01བདུན་ནས་དུས་ལས་འདས་ནས་དགའ་ལྡན་དུ་སྐྱེ་བར་འགྱུར་རོ། །ཇི་ལྟར་ཡང་བུད་མེད་གཞན་ཟླ་བ་བཅུ་ལས་དམན་པའམ། ལྷག་པའམ། འདུག་པའམ། ཉལ་ནས་སྐྱེའོ། །བྱང་ཆུབ་སེམས་དཔའི་ཡུམ་ནི་དེ་ལྟ་བུ་མ་ཡིན་ཏེ། དེ་ཡང་བྱང་ཆུབ་སེམས་དཔའ་ཟླ་བ་བཅུར་རུམ་དུ་བསྲུངས་
D32.034.0219a07.01