完整藏文原文 · 德格版页 当前仅加载第 34 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
བར་ཞི་བར་བྱ་བའི་ཕྱིར་སྟེང་གི་ནམ་མཁའ་ལ་འདུག་ནས་སོ་སོར་ཆོ་འཕྲུལ་བསྟན་ཏོ། །བྱང་ཆུབ་ཀྱི་སྙིང་པོར་མཛད་པའི་ཆོ་འཕྲུལ་དང་། ཉེ་དུ་དང་འདུས་པའི་དུས་སུ་མཛད་པའི་ཆོ་འཕྲུལ་དང་། ཀློག་པའི་མདོ་དང་འདུས་པར་མཛད་པའི་ཆོ་འཕྲུལ་ཐམས་ཅད་ཨ་མྲ་སྲུང་བ་དང་ཨ་མྲའི་ཤིང་གི་དྲུང་
D32.034.0237b01.01དུ་མཛད་པའི་སོ་སོའི་ཆོ་འཕྲུལ་དང་མཚུངས་པར་གྱུར་ཏོ། །འདི་ལྟར་སྟོན་པས་འདི་ལྟ་བུའི་ཆོ་འཕྲུལ་མཛད་ནས་ལྷ་རྣམས་ཀྱི་རྣམ་པར་རྟོག་པ་ཉེ་བར་ཞི་བར་མཛད་དོ། །འདུག་སྟངས་ཀྱིས་བྱང་ཤར་གྱི་ཆར་འཁོད་དེ་འདིའི་འདུག་སྟངས་ཀྱིས་ཐམས་ཅད་མཁྱེན་པའི་ཡེ་ཤེས་སོ་སོར་རྟོག་པར་བྱེད་
D32.034.0237b02.01དོ། །བསྐལ་པ་གྲངས་མེད་པ་བཞི་དང་འབུམ་ཕྲག་གཅིག་གིས་ཕ་རོལ་དུ་ཕྱིན་པ་ཡོངས་སུ་རྫོགས་པའི་འབྲས་བུ་ལྷག་པར་རྟོགས་པའི་འདུག་སྟངས་ཀྱིས་མིག་མི་འཛུམས་པར་ལྟ་ཞིང་ཞག་བདུན་དུ་འཁོད་དོ། །དེའི་གནས་སུ་མིག་མི་འཛུམས་པའི་མཆོད་རྟེན་ཞེས་བྱ་བ་བྱུང་ངོ་། །དེ་ནས་
D32.034.0237b03.01འདུག་སྟངས་ལ་འཁོད་པའི་གནས་ཀྱི་བར་དུ་འཆག་པར་བྱས་ནས་ཤར་དང་ནུབ་ཏུ་རིན་པོ་ཆེ་ལ་འཆག་པས་ཞག་བདུན་དུ་འཁོད་དོ། །གནས་དེར་རིན་པོ་ཆེ་ལ་འཆག་པའི་མཆོད་རྟེན་ཞེས་བྱ་བ་བྱུང་ངོ་། །གཞན་ཡང་ཞག་བདུན་པ་བཞི་པ་ལ་བྱང་ཆུབ་ཤིང་གི་བྱང་ཤར་གྱི་ཆར་ལྷ་རྣམས་ཀྱིས་རིན་
D32.034.0237b04.01པོ་ཆེའི་ཁང་པ་སྤྲུལ་ལོ། །དེར་འདུག་སྟངས་ཀྱིས་བཞུགས་ནས་ཆོས་མངོན་པའི་སྡེ་སྣོད་མ་ལུས་པར་འདི་རྣམས་མཐའ་ཡས་པའི་ཚུལ་གྱིས་ཀུན་གནས་པར་སེམས་ཤིང་ཞག་བདུན་བཞུགས་སོ། །ཆོས་མངོན་པ་པ་སླར་ཡང་འདི་སྐད་སྨྲའོ། །རིན་པོ་ཆེའི་ཁང་པ་ཞེས་བྱ་བ་རིན་པོ་ཆེ་ལས་བྱུང་
D32.034.0237b05.01བའི་ཁང་པ་ཡིན་ནོ་ཞེས་ཟེར་རོ། །སྡུད་པར་བྱེད་པ་པོ་རྣམས་སླར་ཡང་འདི་སྐད་གསུང་སྟེ། རབ་ཏུ་བྱེད་པ་བདུན་གྱི་ཆོས་མངོན་པ་རྗེས་སུ་དྲན་པར་བྱེད་པའི་རིན་པོ་ཆེའི་ཁང་པ་ཡིན་ཞེས་གསུང་ངོ་། །གང་གི་ཕྱིར་སླར་ཡང་འདིར་ཚིག་གཉིས་ཀ་ཡང་འཐད་དོ། །དེའི་ཕྱིར་འདི་གཉིས་ཀ་
D32.034.0237b06.01ཡང་གཟུང་བར་བྱའོ། །དེ་ནས་སླར་ཡང་གནས་དེ་རིན་པོ་ཆེའི་ཁང་པའི་མཆོད་རྟེན་ཞེས་བྱ་བ་བྱུང་ངོ་། །འདི་ལྟར་བྱང་ཆུབ་ཤིང་དང་ཉེ་བ་ཉིད་དུ་ཞག་བདུན་པ་བཞི་པ་སོང་ནས་ཞག་བདུན་པ་ལྔ་པ་ལ་བྱང་ཆུབ་ཤིང་གི་དྲུང་ནས་ར་ལུག་སྐྱོང་བའི་ཤིང་ནྱ་གྲོ་དྷ་དང་ཉེ་བར་གཤེགས་ནས་དེར་ཡང་ཆོས་ལ་
D32.034.0237b07.01