完整藏文原文 · 德格版页 当前仅加载第 34 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
པ་འདི་བཞེས་ཏེ་སྡེ་གཞན་ནི་མེད་དོ། །སིཾ་གྷ་གླིང་གི་གཙུག་ལག་ཁང་ཆེན་པོ་སྤངས་ནས་ས་གཞི་ཆེན་པོ་གཡོས་པ་འདི་བཞེས་ཏེ། སྡེ་གཞན་ནི་མེད་དོ། །སྟོན་པས་འོད་མའི་ཚལ་གྱི་ཀུན་དགའ་ར་བ་བཞེས་ནས་རྒྱལ་པོ་ལ་རྗེས་སུ་ཡི་རང་བར་མཛད་ཅིང་སྟན་
D32.034.0243a01.01ལས་བཞེངས་ཏེ། དགེ་སློང་གི་དགེ་འདུན་འཁོར་དུ་བྱས་ནས་འོད་མའི་ཚལ་དུ་བྱོན་ནོ། །དེའི་ཚེ་དེའི་དུས་ན་ཤཱ་རིའི་བུ་དང་། མཽད་གལ་གྱི་བུ་ཀུན་དུ་རྒྱུ་གཉིས་པོ་རྒྱལ་པོའི་ཁབ་ལ་བརྟེན་ནས་གནས་ཤིང་བདུད་རྩི་ཚོལ་བར་སེམས་སོ། །དེའི་ནང་ནས་ཤཱ་རིའི་བུས་གནས་བརྟན་རྟ་ཐུལ་
D32.034.0243a02.01བསོད་སྙོམས་ལ་ཞུགས་པ་མཐོང་བས་སེམས་རབ་ཏུ་དངས་པར་གྱུར་ཏེ་བཟའ་བ་བྱིན་ནས་ཆོས་རྣམས་གང་དག་རྒྱུ་ལས་བྱུང་བ་དང་ཞེས་པའི་ཚིགས་བཅད་ཐོས་པས་རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ། །རང་གི་གྲོགས་པོ་ཀུན་དུ་རྒྱུ་མཽད་གལ་ལ་ཡང་ཚིགས་སུ་བཅད་པ་དེ་ཉིད་སྨྲས་སོ། །
D32.034.0243a03.01དེས་ཀྱང་རྒྱུན་དུ་ཞུགས་པའི་འབྲས་བུ་ཐོབ་བོ། །དེ་གཉིས་ཀྱིས་ཀྱང་རང་ཉིད་རྒྱལ་བ་ལ་བལྟས་ནས་རང་གི་འཁོར་དང་བཅས་པ་སྟོན་པའི་དྲུང་དུ་རབ་ཏུ་བྱུང་ངོ་། །དེ་རྣམས་ལས་མཽད་གལ་གྱི་བུ་ཆེན་པོ་ཞག་བདུན་ནས་དགྲ་བཅོམ་པ་ཐོབ་བོ། །གནས་བརྟན་ཤཱ་རིའི་བུས་ཟླ་བ་ཕྱེད་ནས་དགྲ་
D32.034.0243a04.01བཅོམ་པ་ཐོབ་སྟེ་དེ་གཉིས་པོ་ཡང་སྟོན་པའི་ཉན་ཐོས་ཀྱི་མཆོག་ཏུ་གནས་པར་བཟུང་ངོ་། །གནས་བརྟན་ཤཱ་རིའི་བུས་དགྲ་བཅོམ་པ་ཐོབ་པའི་ཉིན་མོ་ཉིད་བཅོམ་ལྡན་འདས་ཀྱི་ཉན་ཐོས་ཀྱི་འདུས་པ་དང་པོར་བྱས་སོ། །སླར་ཡང་དེ་བཞིན་གཤེགས་པས་འོད་མའི་ཚལ་དེ་ཉིད་དུ་བཞུགས་སོ། །དེའི་
D32.034.0243a05.01ཚེ་རྒྱལ་པོ་ཆེན་པོ་ཟས་གཙང་གིས་བདག་གི་སྲས་ལོ་དྲུག་ཏུ་དཀའ་བ་སྤྱད་ནས་མཆོག་གི་ཡང་དག་པར་རྫོགས་པའི་བྱང་ཆུབ་སྟེ། ཆོས་ཀྱི་འཁོར་ལོ་བསྐོར་ནས་རྒྱལ་པོའི་ཁབ་ཀྱི་འོད་མའི་ཚལ་དུ་བཞུགས་སོ་ཞེས་པ་ཐོས་ནས་བློན་པོ་ཕན་ཚུན་རྣམས་བོས་ཏེ་འདིར་ཤོག་ཅིག་སྐྱེས་བུ་སྟོང་ཕྲག་
D32.034.0243a06.01གཅིག་གིས་འཁོར་ཁྲིད་དེ་རྒྱལ་པོའི་ཁབ་ཏུ་སོང་ལ་ངའི་ཚིག་གིས་ཁྱེད་ཀྱི་ཡབ་རྒྱལ་པོ་ཟས་གཙང་ཁྱེད་བལྟ་བར་འདོད་ཅེས་བརྗོད་པས་བདག་གི་སྲས་ཁྲིད་ལ་ཤོག་ཅེས་སྨྲས་སོ། །བློན་པོས་ཀྱང་ལྷ་དེ་བཞིན་དུ་བགྱིའོ་ཞེས་རྒྱལ་པོའི་གསུང་སྤྱི་བོས་བླངས་ནས་སྐྱེས་བུ་སྟོང་ཕྲག་གཅིག་གི་འཁོར་
D32.034.0243a07.01