完整藏文原文 · 德格版页 当前仅加载第 34 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་སྣ་ཚོགས་པ་ཡི་ཚོགས། །དེ་མ་ཐག་ཏུ་ཆར་པ་འབེབས། །དེ་རྣམས་དེ་རིང་ཆར་འབེབས་པས། །ངེས་པར་ཁྱོད་ནི་སངས་རྒྱས་འགྱུར། །རྒྱ་མཚོ་ཆེན་པོ་མ་གཡོ་ཞིང་། །འཇིག་རྟེན་སྟོང་ཕྲག་བཅུ་པོ་གཡོ། །དེ་རྣམས་དེ་རིང་གྱུར་པས་ན། །ངེས་པར་ཁྱོད་ནི་སངས་རྒྱས་འགྱུར། །སྟོང་
D32.034.0195b01.01ཕྲག་བཅུ་ཡི་དམྱལ་བ་རྣམས། །དེ་མ་ཐག་ཏུ་བསྲེག་དང་བྲལ། །དེ་རྣམས་དེ་རིང་ཞི་བས་ན། །ངེས་པར་ཁྱོད་ནི་སངས་རྒྱས་འགྱུར། །ཉི་མ་དྲི་མ་མེད་པ་དང་། །རྒྱུ་སྐར་ཐམས་ཅད་མཐོང་བ་དང་། །དེ་རྣམས་དེ་རིང་མཐོང་བས་ན། །ངེས་པར་ཁྱོད་ནི་སངས་རྒྱས་འགྱུར། །ཆར་པ་འབབ་པར་མ་གྱུར་
D32.034.0195b02.01ཀྱང་། །ས་ནི་སྣུམ་བག་བཅས་པ་དང་། །དེ་རྣམས་དེ་རིང་ས་ལ་གྱུར། །ངེས་པར་ཁྱོད་ནི་སངས་རྒྱས་འགྱུར། །རྒྱུ་སྐར་ཚོགས་ནི་རྣམ་པར་གསལ། །ནམ་མཁའི་དབྱིངས་སུ་རྒྱུ་སྐར་རྣམས། །ཟླ་བ་དང་ནི་འགྲོགས་པ་བཞིན། །ངེས་པར་ཁྱོད་ནི་སངས་རྒྱས་འགྱུར། །ས་ཁུང་རི་ཁུང་སྲོག་ཆགས་
D32.034.0195b03.01རྣམས། །སེམས་གཅིག་པས་ནི་ཕ་རོལ་མཐོང་། །དེ་རིང་དེ་རྣམས་སེམས་དགའ་བས། །ངེས་པར་ཁྱོད་ནི་སངས་རྒྱས་འགྱུར། །སེམས་ཅན་རྣམས་ནི་མི་དགའ་མེད། །དེ་མ་ཐག་ཏུ་དགའ་བར་འགྱུར། །དེ་རིང་དེ་རྣམས་དགའ་བས་ན། །ངེས་པར་ཁྱོད་ནི་སངས་རྒྱས་འགྱུར། །དེ་ཚེ་ནད་རྣམས་
D32.034.0195b04.01ཉེ་བར་ཞི། །འདོད་པའི་ནད་ནི་མེད་པའོ། །དེ་རིང་དེ་རྣམས་མཐོང་བས་ན། །ངེས་པར་ཁྱོད་ནི་སངས་རྒྱས་འགྱུར། །དེ་ཚེ་ཆགས་པ་བསྲབས་པ་དང་། །སྐྱོན་དང་རྨོངས་པ་རྣམ་པར་ཞིག །དེ་རིང་དེ་ཀུན་དོར་བས་ན། །ངེས་པར་ཁྱོད་ནི་སངས་རྒྱས་འགྱུར། །དེ་ཡི་ཚེ་ན་འཇིགས་མེད་པ། །དེ་རིང་
D32.034.0195b05.01དེ་རྣམས་མཐོང་བས་ན། །བདག་གི་རྟགས་དེ་ཀུན་གྱིས་ཤེས། །ངེས་པར་ཁྱོད་ནི་སངས་རྒྱས་འགྱུར། །སྟེང་འོག་རྡུལ་ནི་གོ་བཟློག་འགྲོ། །དེ་རིང་ཡང་ནི་དེ་རྣམས་མཐོང་། །བདག་གི་རྟགས་དེ་ཀུན་གྱིས་ཤེས། །ངེས་པར་ཁྱོད་ནི་སངས་རྒྱས་འགྱུར། །དྲི་རྣམས་ངན་པ་སོང་བ་དང་། །ལྷ་
D32.034.0195b06.01ཡི་དྲི་ནི་འོང་བ་དང་། །དེ་རིང་དེ་རྣམས་དྲི་ལྡང་བས། །ངེས་པར་ཁྱོད་ནི་སངས་རྒྱས་འགྱུར། །ལྷ་རྣམས་ཐམས་ཅད་མཐོང་བ་དང་། །གཟུགས་མེད་པ་རྣམས་སྤངས་པ་ནི། །དེ་རིང་དེ་ཀུན་མཐོང་བས་ན། །ངེས་པར་ཁྱོད་ནི་སངས་རྒྱས་འགྱུར། །དམྱལ་བ་རྣམས་ནི་ཇི་སྲིད་པ། །དེ་ཡི་ཚེ་ན་
D32.034.0195b07.01