完整藏文原文 · 德格版页 当前仅加载第 34 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཕ་རོལ་ཏུ་ཕྱིན་པ་སྟེ། དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ། །བུ་ཞི་བ་ཆེན་པོའི་སྐྱེས་རབས་ལས། བདེན་པའི་ཚིག་ནི་རྗེས་སུ་བསྲུང་། །བདག་གི་སྲོག་ནི་སྤངས་ནས་སུ། །རྒྱལ་རིགས་བརྒྱ་ཕྲག་གྲོལ་བར་བྱས། །བདག་གི་བདེན་པའི་ཕར་ཕྱིན་འདི། །
D32.034.0215b01.01དེ་ལྟར་སྲོག་སྤངས་ནས་བདེན་པ་རྗེས་སུ་བསྲུང་བ་དེ་ནི་བདེན་པའི་ཕ་རོལ་ཏུ་ཕྱིན་པ་སྟེ། དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ། །ལྐུགས་པ་དང་གཞོགས་ཕྱེད་ན་བའི་ཚུལ་གྱི་སྐྱེས་རབས་ལས། ཕ་མ་བདག་ལ་མི་དགོས་ཤིང་། །ནོར་དང་གྲགས་པའང་དགོས་པ་
D32.034.0215b02.01མེད། །བདག་ནི་ཐམས་ཅད་མཁྱེན་ལ་དགའ། །དེ་ཕྱིར་བརྟུལ་ཞུགས་གནས་པའོ། །དེ་ལྟར་སྲོག་གི་འདོད་པ་ཡོངས་སུ་བཏང་ནས་བརྟུལ་ཞུགས་ལ་ལྷག་པར་གནས་པ་ནི། ལྷག་པར་གནས་པའི་ཕ་རོལ་ཏུ་ཕྱིན་པ་སྟེ། དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ། །
D32.034.0215b03.01རྒྱལ་པོ་གཅིག་གི་སྐྱེས་རབས་ལས། གང་ཞིག་བདག་ལ་སྐྲག་བྱེད་མེད། །བདག་གིས་གང་ལའང་འཇིགས་མ་བྱས། །བྱམས་པའི་སྟོབས་ཀྱི་སྟེང་གནས་ཞིང་། །དེ་ཚེ་སྟོང་པ་ཉིད་ལ་དགའ། །དེ་ལྟར་སྲོག་ཡོངས་སུ་གཏོང་བ་ལ་མི་བལྟ་ཞིང་བྱམས་པར་བྱེད་པ་དེའི་བྱམས་པ་
D32.034.0215b04.01ནི་ཕ་རོལ་ཏུ་ཕྱིན་པ་སྟེ། དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ། །ངང་པའི་སྤུ་ཡི་སྐྱེ་རབས་ལས། དུར་ཁྲོད་དུ་ནི་གནས་པར་སེམས། །རུས་གོང་ལ་ནི་བརྟེན་བྱས་ནས། །བདག་གི་གནས་སུ་ཉེ་བར་འོངས། །གཟུགས་ལ་ལྟ་བ་ཉུང་བ་མེད། །དེ་ལྟར་གྲོང་གི་ཁྱེའུ་ལ་རྡོ་ལ་སོགས་པ་
D32.034.0215b05.01བླངས་ནས་རྡུང་བ་ཉིད་དང་། མེ་ཏོག་ཕྲེང་བ་དང་། སྤོས་ཀྱིས་ཉེ་བར་སྤྱོད་པ་ལ་སོགས་པས་བདེ་བ་དང་། སྡུག་བསྔལ་བསྐྱེད་ཀྱང་བཏང་སྙོམས་སུ་འདོར་བ་དེ་ནི་བཏང་སྙོམས་ཀྱི་ཕ་རོལ་ཏུ་ཕྱིན་པ་སྟེ། དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ། །དེ་རྣམས་འདིར་མདོར་བསྡུས་པའོ། །རྒྱ་ཆེར་ཡང་
D32.034.0215b06.01སླར་འདིའི་དོན་སྤྱོད་པའི་སྡེ་སྣོད་ལས་བླང་བར་བྱའོ། །དེ་ལྟར་ཕ་རོལ་ཏུ་ཕྱིན་པ་རྫོགས་ནས་ཐམས་ཅད་སྒྲོལ་གྱི་བདག་ཉིད་དུ་གནས་སོ། །སེམས་མེད་པ་ཡི་ས་གཞི་ཡིས། །བདེ་དང་སྡུག་བསྔལ་མི་ཤེས་ཀྱང་། །བདག་གི་སྦྱིན་པའི་སྟོབས་དེ་ཡིས། །ལན་བདུན་དུ་ནི་རབ་ཏུ་གཡོས། དེ་ལྟར་ས་གཞི་ཆེན་པོ་གཡོ་
D32.034.0215b07.01