完整藏文原文 · 德格版页 当前仅加载第 34 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཁྱོད་ཀྱི་དྲིན་གྱིས་སངས་རྒྱས་སུ་གྱུར་ནས་ལྷ་དང་བཅས་པའི་འཇིག་རྟེན་ཐམས་ཅད་བསྒྲལ་བར་བྱའོ། །དེ་ནས་བསྔགས་ལྡན་གྱི་རྒྱབ་ཏུ་ཆིབས་སོ། །བསྔགས་ལྡན་གྱི་སྐེ་ནས་བཟུང་ནས་མཆུ་རུ་ཁྲུ་{བཅྭ་,བཅོ་}བརྒྱད་པ། དེ་དང་འཐུན་པའི་མཐོ་ཚད་དང་ལྡན་ཞིང་མཐུ་དང་མགྱོགས་
D32.034.0227a01.01པ་དང་ལྡན་ལ་དུང་ཕྱིས་པའི་ཁ་དོག་ལྟར་ཐམས་ཅད་དཀར་བ་དང་མཚུངས་པའོ། །གལ་ཏེ་ཚེར་ཚེར་སྒྲོགས་པའམ་རྨིག་པའི་སྒྲ་སྒྲོགས་པའི་སྒྲས་གྲོང་ཁྱེར་ཐམས་ཅད་གྲག་པར་འགྱུར་བའོ། །དེའི་ཕྱིར་ལྷ་རང་གི་མཐུས་དེ་སུས་ཀྱང་མི་ཐོས་པར་དེ་འདི་ལྟར་སྒྲ་སྒྲོགས་པ་བཀག་གོ། །ཁྲབ་ཁྲབ་འགྲོ་
D32.034.0227a02.01བའི་རྐང་ལག་གི་རྨིག་པ་རེ་རེ་ལྷའི་ལག་པའི་མཐིལ་དུ་ཉེ་བར་བཞག་གོ། །བྱང་ཆུབ་སེམས་དཔས་རྟའི་རྒྱབ་ཀྱི་དབུས་སུ་བཞུགས་སོ། །བློན་པོ་འདུན་པ་རྟའི་མཇུག་མ་ནས་ཟུང་ཅིག་ཅེས་མཚན་ཕྱེད་ཀྱི་དུས་སུ་སྒོ་ཆེན་པོ་དང་ཉེ་བར་ཕྱིན་ཏོ། །དེའི་ཚེ་སླར་ཡང་འདི་ལྟར་རྒྱལ་པོ་ཆེན་པོས་འདི་ལྟར་བྱང་
D32.034.0227a03.01ཆུབ་སེམས་དཔའ་གང་གི་དུས་སུ་ཡང་གྲོང་ཁྱེར་ཆེན་པོའི་སྒོ་ཕྱེ་ནས་ཕྱི་རོལ་དུ་འགྲོ་བར་མི་ནུས་པར་ཕྱེད་སྒོ་མའི་སྒོ་གླེགས་རེ་རེ་ལ་མི་སྟོང་ཕྲག་རེ་རེས་དབྱེ་དགོས་པར་བསྐོས་སོ། །བྱང་ཆུབ་སེམས་དཔའ་སྟོབས་དང་ལྡན་པས་གླང་པོ་ཆེའི་གྲངས་བྱེ་བ་སྟོང་ཕྲག་བཅུའི་གླང་པོ་ཆེའི་སྟོབས་འཛིན་ནོ། །མིའི་གྲངས་
D32.034.0227a04.01ཀྱིས་མི་བྱེ་བ་འབུམ་ཕྲག་གཅིག་གི་མིའི་སྟོབས་འཛིན་ནོ། །བྱང་ཆུབ་སེམས་དཔས་བསམས་པ། གལ་ཏེ་སྒོ་མ་ཕྱེད་ན་ད་ནི་བསྔགས་ལྡན་གྱི་རྒྱབ་ཏུ་བཞུགས་པ་ཉིད་ནི་བློན་པོ་འདུན་པས་རྔ་མ་ནས་བཟུང་བ་དང་ལྷན་ཅིག་ཉིད་དུ་བསྔགས་ལྡན་བརླ་བཙིར་ནས་ཁྲུ་{བཅྭ་,བཅོ་}བརྒྱད་པའི་ལྕགས་རིའི་མཐོ་ཚད་ལ་
D32.034.0227a05.01མཆོངས་ཏེ་འདའ་བར་བསམས་སོ། །བློན་པོ་འདུན་པས་བསམས་པ། གལ་ཏེ་སྒོ་མ་ཕྱེད་ན་བདག་གིས་འཕགས་པ་སྲས་དཔུང་པ་ལ་ཁྱེར་ནས་ལག་པ་གཡས་པས་བསྔགས་ལྡན་གྱི་གསུས་པ་མཆན་ཁུང་དུ་བཅུག་ནས་ལྕགས་རི་ལ་མཆོངས་ཏེ་འདའ་བར་བསམས་སོ། །བསྔགས་ལྡན་གྱིས་
D32.034.0227a06.01བསམས་པ། གལ་ཏེ་སྒོ་མ་ཕྱེད་ན་བདག་གིས་རང་གི་བདག་པོ་ཇི་ལྟར་རྒྱབ་ཏུ་བཞུགས་པ་དེ་བཞིན་ཉིད་དུ་བློན་པོ་འདུན་པས་རྔ་མ་ནས་བཟུང་ནས་ལྷན་ཅིག་ཏུ་གནས་པ་ཉིད་དུ་ཁུར་ནས་ལྕགས་རི་ལ་མཆོངས་ཏེ་འདའ་བར་བསམས་སོ། །གལ་ཏེ་སྒོ་མ་ཕྱེད་པར་གྱུར་ན་ཇི་ལྟར་བསམས་པ་དེ་བཞིན་དུ་གསུམ་
D32.034.0227a07.01