完整藏文原文 · 德格版页 当前仅加载第 34 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
ལོས་སྒྱུར་བའི་རྒྱལ་པོ་བྱོན་ནོ་ཞེས་བརྗོད་པ་ནི་ལྷ་ཉིད་དེ། འཇིག་རྟེན་པ་རྣམས་ལོ་བརྒྱ་འདས་ནས་འཁོར་ལོས་སྒྱུར་བའི་རྒྱལ་པོ་འཇིག་རྟེན་དུ་བྱོན་ཞེས་སྒྲ་ཆེར་རྗོད་ཅིང་རྒྱུ་བ་འདི་ནི་འཁོར་ལོས་སྒྱུར་བའི་སྒྲ་ཆེར་སྒྲོགས་པ་ཞེས་བྱ་བ་ཡིན་ནོ། །གསུམ་པོ་འདི་ནི་སྒྲ་ཆེར་སྒྲོགས་པ་ཡིན་
D32.034.0216b01.01ནོ། །དེ་རྣམས་ལས་སངས་རྒྱས་ཀྱི་སྒྲ་ཆེར་སྒྲོགས་པ་ཐོས་ནས་སྟོང་ཕྲག་བཅུའི་ཁོར་ཡུག་གི་ལྷ་ཐམས་ཅད་གནས་གཅིག་ཏུ་འདུས་ཏེ། ཆེ་གེ་མོ་ཞེས་བྱ་བའི་བྱང་ཆུབ་སེམས་དཔའ་སངས་རྒྱས་སུ་འགྱུར་བར་རྟོགས་ནས་ཞུ་བའི་ཕྱིར་ཉེ་བར་སོང་སྟེ། ཞུས་ནས་ཀྱང་སྔར་གྱི་མཚན་མ་
D32.034.0216b02.01སྐྱེས་པ་ལ་ཞུས་སོ། །དེའི་ཚེ་སླར་ཡང་ཐམས་ཅད་ཀྱི་རེ་རེའི་ཁོར་ཡུག་གི་རྒྱལ་པོ་ཆེན་པོ་བཞིའི་རིས་དང་། བརྒྱ་བྱིན་དང་འཐབ་བྲལ་དང་དགའ་ལྡན་དང་འཕྲུལ་དགའ་དང་གཞན་འཕྲུལ་དབང་བྱེད་དང་། ཚངས་པ་ཆེན་པོ་དང་བཅས་པའི་ལྷ་དང་། ཁོར་ཡུག་གི་ལྷ་རྣམས་འདུས་
D32.034.0216b03.01པའོ། །དགའ་ལྡན་གྱི་གནས་སུ་བྱང་ཆུབ་སེམས་དཔའི་དྲུང་དུ་སོང་སྟེ། དྲང་སྲོང་ཆེན་པོ་ཁྱོད་ཀྱིས་ཕ་རོལ་དུ་ཕྱིན་པ་བཅུ་རྫོགས་པ་ནི་བརྒྱ་བྱིན་གྱི་ཕུན་སུམ་ཚོགས་པར་བྱ་བའི་ཕྱིར་མ་ཡིན། བདུད་ཀྱི་ཕྱིར་མ་ཡིན། ཚངས་པའི་ཕྱིར་དོན་དུ་གཉེར་བ་རྫོགས་པར་བྱ་བའི་ཕྱིར་མ་ཡིན་
D32.034.0216b04.01འཁོར་ལོས་སྒྱུར་བའི་ཕུན་སུམ་ཚོགས་པའི་ཕྱིར་དོན་དུ་གཉེར་བ་རྫོགས་པར་བྱ་བའི་ཕྱིར་མ་ཡིན་ནོ། །གཞན་ཡང་འཇིག་རྟེན་བསྒྲལ་བའི་ཕྱིར་དང་། ཐམས་ཅད་མཁྱེན་པ་དོན་དུ་གཉེར་བའི་ཕྱིར་རྫོགས་པར་བྱེད་དོ། །དེ་རྣམས་ནི་ད་ལྟའི་དུས་ནས་དྲང་སྲོང་ཆེན་པོ་སངས་རྒྱས་
D32.034.0216b05.01སུ་འགྱུར་བའི་དུས་ནི་དྲང་སྲོང་ཆེན་པོ་སངས་རྒྱས་སུ་འགྱུར་ཞེས་ཞུས་སོ། །སེམས་དཔའ་ཆེན་པོ་ལྷ་ལ་གནང་བ་མ་བྱིན་ཏེ། དུས་དང་གླིང་དང་ཡུལ་དང་རིགས་དང་ཡུམ་དང་། ཚེ་དང་ཚེའི་བྱེ་བྲག་ལྷག་མ་ལས་མེད་དོ། །ཆེན་པོ་ལྔ་པོ་ཞེས་བྱ་བ་ལེགས་པར་གཟིགས་ཤིང་གཟིགས་
D32.034.0216b06.01སོ། །དེ་ལ་དུས་དང་དུས་མ་ཡིན་པ་ཞེས་བྱ་བ་སྟེ། དང་པོ་དུས་ལ་གཟིགས་སོ། །དེ་ལ་ལོ་འབུམ་ཕྲག་གཅིག་གི་ཐོག་མ་ནས་འཕེལ་བ་ནི་ཚེའི་དུས་དང་དུས་མ་ཡིན་པའོ། །གང་གི་ཕྱིར་དེའི་ཚེ་སེམས་ཅན་རྣམས་ཀྱི་སྐྱེ་བ་དང་རྒ་བ་དང་ན་བ་དང་འཆི་བ་རྣམས་ལ་གཟིགས་སོ། །
D32.034.0216b07.01