完整藏文原文 · 德格版页 当前仅加载第 34 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་ཅིང་ས་ལ་མལ་སྟན་ཆེན་པོ་བཤམས་ཏེ་དེ་ལ་བཞུགས་པའི་བྲམ་ཟེ་རྣམས་ལ་མར་གསར་དང་སྦྲང་རྩི་དང་ཀ་ར་རྣམས་དང་བསྲེས་པའི་འོ་ཐུག་རྣམས་གསེར་དང་དངུལ་ལས་བྱས་པའི་སྡེར་མ་བཀང་སྟེ་གསེར་དང་དངུལ་གྱི་སྡེར་མས་སོ་སོར་བཀབ་ནས་བྲམ་ཟེ་རྣམས་ལ་ཕུལ་ལོ། །གཞན་ཡང་རྒྱལ་པོ་གྱོན་
D32.034.0218b01.01པ་དང་མཚུངས་པའི་གོས་དང་གསེར་རྒྱ་མ་ལ་སོགས་པ་བྱིན་ནས་དེ་རྣམས་ཚིམ་པར་བྱས་སོ། །དེ་ནས་དེ་ཐམས་ཅད་འདོད་པ་ཐམས་ཅད་ཀྱིས་ཚིམ་པར་གྱུར་ནས་རྨི་ལམ་བཤད་དེ་ཅི་འདྲ་བར་འགྱུར་ཞེས་དྲིས་སོ། །བྲམ་ཟེ་རྣམས་ཀྱིས་སྨྲས་པ། རྒྱལ་པོ་ཆེན་པོ་འཇིགས་པར་མ་བྱེད་ཅིག །ཁྱོད་ཀྱི་ལྷ་མོའི་
D32.034.0218b02.01ལྟོའི་ནང་དུ་སེམས་ཅན་ཞུགས་ཏེ། དེ་ཡང་ནང་གི་དེ་སྐྱེས་བུའོ། །མངལ་གྱི་ནང་གི་དེ་བུ་མོ་ནི་མ་ཡིན་ནོ། །དེ་ཁྱེད་ཀྱི་སྲས་པོར་འགྱུར་རོ། །དེ་གལ་ཏེ་ཁྱིམ་ན་གནས་ན་འཁོར་ལོས་སྒྱུར་བའི་རྒྱལ་པོར་འགྱུར་རོ། །གལ་ཏེ་ཁྱིམ་སྤངས་ནས་རབ་ཏུ་བྱུང་ན་སངས་རྒྱ་བར་འགྱུར་རོ། །འཇིག་རྟེན་དུ་བཟློག་
D32.034.0218b03.01ནས་སླར་ཁྱིམ་ན་གནས་ནས་སྐྱེ་བ་མེད་དོ། །གཞན་ཡང་བྱང་ཆུབ་སེམས་དཔའ་ཡུམ་གྱི་མངལ་དུ་ཞུགས་པ་དེ་མ་ཐག་ཏུ་ཐུན་གཅིག་ཉིད་ལ་སྟོང་ཕྲག་བཅུའི་འཇིག་རྟེན་གྱི་ཁམས་ཐམས་ཅད་ཡང་དག་པར་གཡོས་སོ། །ཡང་དག་པར་རབ་ཏུ་གཡོས་སོ། །ཡང་དག་པར་སྒྲ་སྒྲོགས་སོ། །མཚན་མ་སུམ་
D32.034.0218b04.01ཅུ་རྩ་གཉིས་སྔོན་གྱི་མཚན་མར་གྱུར་ཏོ། །སྟོང་ཕྲག་བཅུའི་ཁོར་ཡུག་རྣམས་སུ་སྣང་བ་ཚད་མེད་པར་ཁྱབ་ཅིང་གནས་སོ། །དེ་ཡང་དེའི་དཔལ་བལྟ་བ་འདི་ལྟ་བུ་སྟེ་ལོང་བ་རྣམས་ཀྱིས་མིག་ཐོབ་བོ། །འོན་པ་རྣམས་ཀྱིས་རྣ་བས་སྒྲ་ཐོས་སོ། །ལྐུགས་པ་རྣམས་ཀྱིས་སྨྲ་ཤེས་སོ། །སྒུར་པོ་རྣམས་དྲང་པོར་
D32.034.0218b05.01གྱུར་ཏོ། །གོང་པོ་རྣམས་ཀྱིས་འགྲོ་ཤེས་པར་གྱུར་ཏོ། །བཅིངས་པའི་སེམས་ཅན་ཐམས་ཅད་ནི་རྗེས་སུ་བཅིངས་པ་ལས་གྲོལ་བར་གྱུར་ཏོ། །དམྱལ་བ་ཐམས་ཅད་ཀྱི་མེ་ཞི་བར་གྱུར་ཏོ། །{ཡི་དགས་,ཡི་དྭགས་}ཀྱི་ཡུལ་པ་རྣམས་བཀྲེས་པ་དང་སྐོམ་པ་ཞི་བར་གྱུར་ཏོ། །དུད་འགྲོ་རྣམས་ཕན་ཚུན་འཇིགས་པ་མེད་
D32.034.0218b06.01པར་གྱུར་ཏོ། །སེམས་ཅན་ཐམས་ཅད་ཀྱི་ནད་ཞི་བར་གྱུར་ཏོ། །སེམས་ཅན་ཐམས་ཅད་དགའ་བཞིན་དུ་སྨྲ་བར་གྱུར་ཏོ། །རྟ་རྣམས་སྐད་སྙན་པའི་རྣམ་པར་གྱུར་ཏོ། །གླང་པོ་རྣམས་ནི་སྒྲ་སྒྲོགས་སོ། །རོལ་མོ་རྣམས་རང་བྱུང་གི་སྒྲ་སྒྲོགས་སོ། །མི་རྣམས་ཀྱི་རྐང་པ་དང་ལག་པའི་རྒྱན་རང་
D32.034.0218b07.01