完整藏文原文 · 德格版页 当前仅加载第 34 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
ནོ། །དགེ་སྦྱོང་གི་ཡོ་བྱད་འདི་བཟུང་ནས་འགྲོའོ་ཞེས་བསམས་སོ། །ཆོས་གོས་གསུམ་དང་ལྷུང་བཟེད་དང་། །སྤུ་གྲི་ཁབ་དང་སྐ་རགས་དང་། །ཆུ་ཚགས་དང་བཅས་བརྒྱད་ཡིན་ནོ། །དགེ་སྦྱོང་རྣམས་ལ་རིགས་ཤིང་མཁོ། །དགེ་སྦྱོང་གི་མཁོ་བའི་ཡོ་བྱད་བརྒྱད་པོ་འདི་བསླངས་ནས་
D32.034.0229a01.01ཕུལ་ལོ། །བྱང་ཆུབ་སེམས་དཔས་མཆོད་པར་འོས་པའི་རྒྱལ་མཚན་གྱོན་ནས་རབ་ཏུ་འབྱུང་བ་མཆོག་གི་ཆ་བྱད་བསླངས་ཏེ་འདུན་པ་ལ་བདག་གི་ཚིག་གིས་མ་དང་ཡབ་ལ་བདག་ལ་ནད་མེད་པར་གྱུར་ཏོ་ཞེས་སྨྲོས་ཤིག་ཅེས་པས་བཏང་ངོ་། །འདུན་པས་བྱང་ཆུབ་སེམས་དཔའ་ལ་ཕྱག་བྱས་བསྐོར་བ་བྱས་
D32.034.0229a02.01ནས་སོང་ངོ་། །སླར་ཡང་བསྔགས་ལྡན་གྱིས་འདུན་པ་དང་བྱང་ཆུབ་སེམས་དཔའ་གསུང་གླེང་བྱེད་ཅིང་འདུག་པ་ཐོས་ན། བདག་ནི་ཇོ་བོ་དང་ཕྲད་པར་མི་འགྱུར་ཞེས་བསམས་སོ། །མིག་ལམ་དུ་སྤངས་ནས་མྱ་ངན་ལ་ཤིན་ཏུ་གནས་པ་བསྲན་པར་མ་ནུས་ཏེ་སྙིང་གས་ནས་དུས་ལས་འདས་ཏེ་སུམ་ཅུ་རྩ་
D32.034.0229a03.01གསུམ་གྱི་གནས་སུ་བསྔགས་ལྡན་ཞེས་བྱ་བའི་ལྷའི་བུར་སྐྱེས་སོ། །འདུན་པ་ལ་དང་པོའི་མྱ་ངན་དུ་གྱུར་པ་གཅིག་གོ། །སླར་ཡང་བསྔགས་ལྡན་དུས་ལས་འདས་པའི་རྒྱུ་མཚན་གྱིས་མྱ་ངན་གཉིས་པས་གཟིར་ཏེ། ངུ་ཞིང་སྨྲེ་སྔགས་འདོན་ཞིང་གྲོང་ཁྱེར་དུ་སོང་ངོ་། །བྱང་ཆུབ་སེམས་དཔའ་དེའི་ཕྱོགས་
D32.034.0229a04.01ཉིད་དུ་རྗེས་སུ་དགའ་བ་ཞེས་བྱ་བའི་ཨ་མྲའི་ཚལ་ཡོད་དོ། །དེར་ཉི་མ་བདུན་ནས་རབ་ཏུ་འབྱུང་བའི་བདེ་བས་གནས་ཤིང་ཉིན་མཚན་འདའོ། །ཉི་མ་གཅིག་ཉིད་ལ་དཔག་ཚད་སུམ་ཅུའི་ལམ་དུ་ཞབས་ཀྱིས་གཤེགས་ནས་རྒྱལ་པོའི་ཁབ་ཏུ་བྱོན་ནོ། །བྱོན་ནས་སྒོ་མཐར་ཆགས་སུ་བསོད་སྙོམས་
D32.034.0229a05.01ལ་གཤེགས་ཏེ་གྲོང་ཁྱེར་པ་ཐམས་ཅད་ཀྱིས་བྱང་ཆུབ་སེམས་དཔའི་སྐུ་མཐོང་ནས་གླང་པོ་ཆེ་ནོར་སྐྱོང་ཞུགས་པའི་རྒྱལ་པོའི་ཁབ་བཞིན་དང་ལྷ་མ་ཡིན་གྱི་དབང་པོ་ཞུགས་པའི་ལྷའི་གྲོང་ཁྱེར་བཞིན་དུ་ཀུན་དུ་འཁྲུགས་པར་གྱུར་ཏེ། རྒྱལ་པོའི་མི་འོངས་ཤིང་། ལྷ་འདི་ལྟ་བུའི་གཟུགས་ཀྱི་སེམས་ཅན་
D32.034.0229a06.01གཅིག་གྲོང་ཁྱེར་ན་བསོད་སྙོམས་བྱེད་དེ། ལྷ་འམ་མིའམ་འདབ་{བཟངས་ཏེ་,བཟང་སྟེ་}འདི་གང་ཡིན་བདག་ཅག་གིས་མ་ཤེས་སོ་ཞེས་སྨྲས་སོ། །རྒྱལ་པོ་ཁང་{བཟངས་ཀྱི་,བཟང་གི་}སྟེང་དུ་འཁོད་ནས་སྐྱེས་བུ་ཆེན་པོ་མཐོང་སྟེ་ཡ་མཚན་དང་རྨད་དུ་བྱུང་བ་སྐྱེས་སོ། །མི་གཅིག་བོས་ནས་སོང་ལ་རྟོགས་ཤིག །
D32.034.0229a07.01