完整藏文原文 · 德格版页 当前仅加载第 34 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་པར་ནི་སླར་ཡང་འདི་རབ་ཏུ་འབྱུང་བའི་མདོ་དང་བཅས་པར་དོན་དང་གཏམ་འདི་ནི་བལྟ་ཞིང་རིག་པར་བྱའོ། །བྱང་ཆུབ་སེམས་དཔས་ཀྱང་རྒྱལ་པོ་ལ་དམ་བཅའ་བྱིན་ནས་{གོ་རིམས་,གོ་རིམ་}བཞིན་དུ་སྤྱོད་པ་ལ་གཤེགས་ཤིང་ཀུན་ནས་ཚོན་དང་ནག་པོ་ཅན་དང་། འཆར་བྱེད་གསེར་དང་། དགའ་
D32.034.0230a01.01བྱེད་བུའི་གནས་སུ་ཉེ་བར་གཤེགས་ནས་སྙོམས་པར་འཇུག་པ་བསྐྱེད་དེ་སངས་རྒྱས་ཐོབ་པའི་ལམ་ནི་འདི་མ་ཡིན་ནོ། །དེ་ལ་སྙོམས་པར་འཇུག་པ་སྐྱེས་ཀྱང་དགྱེས་པར་མ་གྱུར་ནས་ལྷ་དང་བཅས་པའི་འཇིག་རྟེན་པའི་རང་གི་སྟོབས་དང་བརྩོན་འགྲུས་རྣམས་ལ་ལེགས་པར་བལྟ་བར་འདོད་པས་དཀའ་བ་ཆེན་པོ་
D32.034.0230a02.01སྤྱོད་པའི་བསམ་པས་ལྟེང་རྒྱས་སུ་བྱོན་ཏེ་ས་ཕྱོགས་འདི་ནི་ཤིན་ཏུ་དགའ་བ་ཡིན་ནོ་སྙམ་ནས་དེ་ཉིད་དུ་ཉེ་བར་གནས་པར་བྱས་ཏེ་དཀའ་བ་ཆེན་པོ་སྤྱོད་དོ། །དེ་ཡང་ཀཽཎྜི་ནྱ་ལ་སོགས་པ་རབ་ཏུ་བྱུང་བ་ལྔ་གྲོང་དང་གྲོང་རྡལ་དང་རྒྱལ་པོའི་ཕོ་བྲང་རྣམས་སུ་བསོད་སྙོམས་ལ་རྒྱུ་ཞིང་བྱང་ཆུབ་སེམས་དཔའི་
D32.034.0230a03.01གནས་དེར་འོངས་སོ། །དེ་ནས་ལོ་དྲུག་ཏུ་དཀའ་བ་ཆེན་པོ་སྤྱད་དོ། །ད་ནི་སངས་རྒྱས་སུ་འགྱུར་རོ་ད་ནི་སངས་རྒྱས་སུ་འགྱུར་རོ་ཞེས་ཞུས་པའི་གནས་ལ་བྱི་དོར་ལ་སོགས་པ་བྱེད་ཅིང་སྐུ་ལ་རིམ་གྲོ་བྱེད་པར་གྱུར་ཏེ་ཉེ་བར་གནས་པར་གྱུར་ཏོ། །བྱང་ཆུབ་སེམས་དཔའ་ཡང་ཕྱི་མའི་མཐར་ཐུག་པར་
D32.034.0230a04.01དཀའ་བ་སྤྱད་པར་བསམས་སོ། །ཏིལ་གཅིག་དང་འབྲས་ཀྱི་ཉག་མ་གཅིག་ལ་སོགས་པའི་ཉི་མ་འདའ་ཞིང་ཐམས་ཅད་དུ་ཡང་ཁ་ཟས་ཐམས་ཅད་སྤངས་སོ། །ལྷ་རྣམས་ཀྱིས་ཀྱང་བ་སྤུའི་བུ་ག་རེ་རེ་ནས་མདངས་སྟོན་ཏོ། །དེ་ནས་དེའི་ཁ་ཟས་མེད་པར་སྐུ་རིད་པར་གྱུར་ཏེ། གསེར་གྱི་ཁ་དོག་ཅན་གྱི་
D32.034.0230a05.01སྐུ་ཡང་ནག་པོར་གྱུར་ཏོ། །སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱང་མི་སྣང་བར་གྱུར་ཏོ། །ཉི་མ་གཞན་ལ་ཡང་རླུང་དལ་བུས་བསམ་གཏན་བྱེད་ཅིང་སྐུ་ལ་ཟུག་གཟེར་ཆེན་པོ་སྐྱེས་ནས་འདུ་ཤེས་མེད་པར་གྱུར་ཏེ་འཆག་པའི་གནས་སུ་འགྱེལ་ལོ། །དེ་ནས་ལྷ་གཅིག་གིས་དགེ་སྦྱོང་གཽ་ཏ་མ་
D32.034.0230a06.01དུས་ལས་འདས་སོ་ཞེས་བརྗོད་དོ། །གཅིག་གིས་འགྱེལ་བ་ན་དགྲ་བཅོམ་པ་ཐོབ་བོ་ཞེས་བརྗོད་དོ། །དེར་གང་ཞིག་གིས་དུས་ལས་འདས་སོ་ཞེས་བརྗོད་ནས་དེ་སོང་སྟེ་རྒྱལ་པོ་ཆེན་པོ་ཟས་གཙང་ལ་སྨྲས་པ་ཁྱེད་ཀྱི་སྲས་དུས་ལས་འདས་སོ། །བདག་གི་སྲས་སངས་རྒྱས་མ་ཐོབ་པར་དུས་ལས་འདས་སམ།
D32.034.0230a07.01