完整藏文原文 · 德格版页 当前仅加载第 34 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེའི་བསྟི་གནས་སུ་བཞུགས་ནས་ཞག་བདུན་དུ་དགའ་བ་པཱ་ན་ཞེས་བྱ་བའི་སྦྱིན་པ་བྱིན་ནོ། །དགའ་བ་ཅན་ཞེས་པ་ནི་ཆེས་ཆེ་བའི་སྣོད་ཤིན་ཏུ་ཆེ་བ་འོ་མས་བཀང་ནས་ཚང་བང་ཆེན་པོའི་སྟེང་དུ་བཞག་ནས་མེས་འོ་མ་ཤིན་ཏུ་བསྐ་བར་བསྐོལ་ཏེ་འབྲས་ཅུང་ཟད་བཏབ་ནས་
D32.034.0206b01.01བཙོས་ཏེ་སྦྲང་དང་དཀར་བའི་ཕྱེ་མ་དང་མར་གསར་པ་རྣམས་བཙོས་པའི་བཟའ་བའི་འོ་ཐུག་ནི་དགའ་བ་བཱ་ན་ཞེས་བརྗོད་དོ། །མི་རྣམས་ཀྱིས་འདྲེན་པར་མ་ནུས་ན་ལྷ་རྣམས་ཀྱིས་ཀྱང་བར་བར་དུ་འདྲེན་ནོ། །དཔག་ཚད་བཅུ་གཉིས་སམ་བཅུ་གསུམ་པའི་ཚད་ཀྱི་གནས་སུ་དགེ་
D32.034.0206b02.01སློང་རྣམས་མ་ཤོང་ན། སླར་ཡང་དགེ་སློང་དེ་རྣམས་རང་རང་གི་མཐུས་བཞུགས་སོ། །ཞག་བདུན་གྱི་མཐར་དགེ་སློང་ཐམས་ཅད་ཀྱི་ལྷུང་བཟེད་བཀྲུས་ནས་སྨན་གྱི་ཕྱིར་དུ་མར་གསར་པ་དང་ཞུན་མར་དང་སྦྲང་དང་བུ་རམ་བསྐོལ་བའི་ཆུ་རྣམས་ཀྱིས་ལྷུང་བཟེད་བཀང་ནས་ཆོས་
D32.034.0206b03.01གོས་གསུམ་དང་བཅས་པ་ཕུལ་ལོ། །དགེ་འདུན་གཞོན་ནུ་རྣམས་ཀྱིས་དགེ་སློང་གིས་ཐོབ་པའི་ཆོས་གོས་ཀྱི་རྒྱུའི་རས་འབུམ་ཕྲག་གཅིག་རི་བ་ཐོབ་པར་གྱུར་ཏོ། །སྟོན་པས་རྗེས་སུ་ཡི་རང་བ་མཛད་དོ། །སྐྱེས་བུ་འདིས་འདི་ལྟ་བུའི་ཚུལ་གྱིས་སྦྱིན་པ་ཆེན་པོ་བྱིན་ནོ། །གང་
D32.034.0206b04.01གི་དོན་དུ་འགྱུར་ཞེས་རྟོག་པར་བྱེད་དོ། །མ་འོངས་པའི་བསྐལ་པ་འབུམ་ཕྲག་གཅིག་ལྷག་པའི་གྲངས་མེད་པ་གཉིས་འདས་པ་ན་གཽ་ཏ་མ་ཞེས་བྱ་བའི་སངས་རྒྱས་སུ་འགྱུར་ཞེས་གཟིགས་ཏེ། སྐྱེས་བུ་ཆེན་པོ་བོས་ནས་ཁྱོད་ཀྱི་དུས་འདི་རྣམས་འདས་ནས་གཽ་ཏ་མ་ཞེས་བྱ་བའི་
D32.034.0206b05.01སངས་རྒྱས་སུ་འགྱུར་རོ་ཞེས་ལུང་བསྟན་ནོ། །སྐྱེས་བུ་ཆེན་པོས་ལུང་བསྟན་པ་ཐོས་ནས་བདག་ནི་སངས་རྒྱས་སུ་འགྱུར་བས། བདག་ཁྱིམ་ན་གནས་པ་ལ་དོན་མེད་ཀྱིས་རབ་ཏུ་འབྱུང་ངོ་སྙམ་དུ་བསམས་སོ། །དེ་དེ་ལྟ་བུའི་ཚུལ་དང་ལྡན་པས་མཆིལ་མ་དོར་བ་བཞིན་
D32.034.0206b06.01དུ་ཁྱིམ་སྤངས་ནས་སྟོན་པའི་དྲུང་དུ་རབ་ཏུ་བྱུང་ཞིང་བྱུང་ནས་སངས་རྒྱས་ཀྱི་གསུང་རབ་བསླབས་ནས་མངོན་པར་ཤེས་པ་དང་། སྙོམས་པར་འཇུག་པ་བསྐྱེད་དེ། ཚེའི་མཐར་ཚངས་པའི་འཇིག་རྟེན་དུ་སྐྱེས་སོ། །གཞན་ཡང་བཅོམ་ལྡན་འདས་བཀྲ་ཤིས་བཟང་པོའི་གྲོང་
D32.034.0206b07.01