完整藏文原文 · 德格版页 当前仅加载第 34 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་བརྟན་བརླངས་པ་ལ་ཆོས་སྦྱིན་ནོ་ཞེས་གཙུག་ལག་ཁང་དུ་བཞུགས་སོ། །ལྷག་མ་བཞི་པོ་བསོད་སྙོམས་ལ་སོང་ངོ་། །གནས་བརྟན་བརླངས་པས་ཉི་མ་ཕྱེད་ཀྱི་ནང་དུ་རྒྱུན་དུ་ཞུགས་པའི་འབྲས་བུ་ཐོབ་བོ། །འདི་ལྟ་བུའི་ཐབས་ཉིད་ཀྱིས་སླར་ཡང་ཉི་མ་ཕྱི་མ་ལ་གནས་བརྟན་བཟང་ལྡན་དང་། སླར་ཡང་ཉི་མ་
D32.034.0241a01.01ཕྱི་མ་ལ་གནས་བརྟན་མིང་ཅན་དང་། སླར་ཡང་ཉི་མ་ཕྱི་མ་ལ་གནས་བརྟན་རྟ་ཐུལ་རྣམས་དེ་ཐམས་ཅད་ཀྱིས་རྒྱུན་དུ་ཞུགས་པའི་འབྲས་བུ་ཐོབ་པར་བྱས་ནས་ཚེས་ཉི་ཤུ་ལ་དགེ་སློང་ལྔ་པོ་འདུས་པ་ལ་བདག་མེད་པའི་མཚན་ཉིད་ཀྱི་མདོ་སྡེ་རྣམས་བཤད་དོ། །བཤད་པའི་མཐར་གནས་བརྟན་ལྔ་སྡེས་དགྲ་བཅོམ་པའི་འབྲས་བུ་
D32.034.0241a02.01ཐོབ་བོ། །དེ་ནས་སྟོན་པས་རིགས་ཀྱི་བུ་གྲགས་པ་ཉེ་བར་མི་རྟེན་པར་གཟིགས་ནས། དེའི་མཚན་མོའི་ཆར་སྡུག་བསྔལ་བའི་སེམས་ཀྱིས་ཁྱིམ་སྤངས་ནས་འཐོན་པ་ལ་གྲགས་པ་འདིར་ཤོག་ཅེས་བོས་ནས་མཚན་མོ་དེ་ཉིད་ཀྱི་ཆ་ལ་རྒྱུན་དུ་ཞུགས་པའི་འབྲས་བུ་དང་སླར་ཡང་ཉི་མ་གཉིས་པ་ལ་དགྲ་བཅོམ་པའི་འབྲས་
D32.034.0241a03.01བུ་གྲུབ་པར་བྱེད་དོ། །གཞན་ཡང་སླར་དེའི་གྲོགས་པོ་ལྔ་བཅུ་རྩ་བཞིས་རབ་ཏུ་བྱུང་ཞིང་དགེ་སློང་དུ་གྱུར་ནས་དགྲ་བཅོམ་པ་བྱེད་དོ། །འདི་ལྟར་འཇིག་རྟེན་དུ་དགྲ་བཅོམ་པ་དྲུག་ཅུ་རྩ་གཅིག་ཏུ་གྱུར་ཏོ། །སྟོན་པས་དབྱར་བཞུགས་ནས་དགག་དབྱེ་བྱས་ཏེ་དགེ་སློང་དྲུག་ཅུ་པོ་རྣམས་ཕྱོགས་ཕྱོགས་སུ་བཏང་
D32.034.0241a04.01ནས། རང་ཉིད་ལྟེང་རྒྱས་སུ་གཤེགས་པའི་བར་གྱི་ལམ་ན་རས་བལ་ཅན་གྱི་ཚལ་ནི་དཔག་ཚད་བཅུ་པའོ། །གཞོན་ནུ་བཟང་སྡེ་བཏུལ་ལོ། །དེ་རྣམས་ལས་ཐམས་ཅད་ཀྱི་མཐའི་ཕྱི་མ་རྒྱུན་དུ་ཞུགས་པར་གྱུར་ལ། ཐོག་མ་ནི་ཕྱིར་མི་འོང་དུ་གྱུར་ཏོ། །དེ་རྣམས་ཀྱང་དགེ་སློང་གི་གཟུགས་ཀྱིས་
D32.034.0241a05.01རབ་ཏུ་བྱུང་བ་བགྱིས་ནས་ཕྱོགས་ཕྱོགས་སུ་བཏང་སྟེ་ལྟེང་རྒྱས་སུ་གཤེགས་སོ། །སྟོང་ཕྲག་ཕྱེད་དང་གསུམ་གྱི་ཆོ་འཕྲུལ་ལྟ་ཞིང་ལྟེང་རྒྱས་འོད་སྲུང་ལ་སོགས་པའི་སྤུན་གསུམ་པོ་དང་རལ་པ་ཅན་སྟོང་ཕྲག་གཅིག་བཏུལ་བ་དགེ་སློང་གི་གཟུགས་ཀྱིས་རབ་ཏུ་བྱུང་བར་བྱས་ནས་རི་བོ་ག་ཡའི་རྩེ་མོ་ན་སྡོད་པ་
D32.034.0241a06.01རྣམས་ལ་ཉི་མའི་རྣམ་གྲངས་ཀྱི་མདོ་སྡེ་བསྟན་ནས་དགྲ་བཅོམ་པར་བྱས་ཏེ། དེས་དགྲ་བཅོམ་པ་སྟོང་ཕྲག་རྣམས་འཁོར་དུ་བྱས་ནས་རྒྱལ་པོ་གཟུགས་ཅན་སྙིང་པོ་ལ་ཁས་བླངས་བྱིན་པ་དགྲོལ་བར་བྱ་བའི་དགོངས་པས་རྒྱལ་པོའི་ཁབ་ཀྱི་གྲོང་ཁྱེར་དང་ཉེ་བའི་ཤིང་དངར་གྱི་ཚལ་དུ་བྱོན་ནོ། །སྐྱེད་མོས་ཚལ་སྐྱོང་
D32.034.0241a07.01