完整藏文原文 · 德格版页 当前仅加载第 34 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་འགྲེང་བ་ལ་སྐྱེའོ། །འདི་ནི་བྱང་ཆུབ་སེམས་དཔའི་ཡུམ་ཐམས་ཅད་ཀྱི་ཆོས་ཉིད་དོ། །ལྷ་མོ་སྒྱུ་འཕྲུལ་མ་ཆེན་མོ་ཡང་སྣོད་ཀྱི་ནང་གི་འབྲུ་མར་བཞིན་དུ་བྱང་ཆུབ་སེམས་དཔའ་ཟླ་བ་བཅུར་རུམ་དུ་འཚོ་ཞིང་རུམ་ཡོངས་སུ་རྫོགས་ནས་གཉེན་གྱི་གྲོང་དུ་འགྲོའོ་ཞེས་རྒྱལ་པོ་ཆེན་པོ་ཟས་གཙང་གི་དྲུང་
D32.034.0219b01.01དུ་སྨྲས་སོ། །ལྷ་རིགས་ཀྱི་རྒྱུད་ཀྱི་གྲོང་ཁྱེར་ཆེན་པོ་ལྷ་བསྟན་དུ་བདག་འགྲོ་བར་འདོད་དོ། །རྒྱལ་པོས་ལེགས་སོ་ཞེས་བརྗོད་ནས་གནང་ངོ་། །སེར་སྐྱའི་གཞི་དང་། གྲོང་ཁྱེར་ལྷ་བསྟན་གཉིས་ཀྱི་བར་གྱི་ལམ་མཚུངས་པར་བྱས་ནས། ཆུ་ཤིང་དང་། བུམ་པ་གང་བ་དང་། རྒྱལ་མཚན་དང་བ་དན་ལ་
D32.034.0219b02.01སོགས་པའི་རྒྱན་འཛུགས་སུ་བཅུག་ནས་ལྷ་མོ་གསེར་གྱི་དོ་ལི་ལ་བཞུགས་ཏེ། བློན་པོ་སྟོང་ཕྲག་གཅིག་གིས་བཏེག་སྟེ་འཁོར་མང་པོ་དང་བཅས་པ་བཏང་ངོ་། །གྲོང་ཁྱེར་གཉིས་ཀྱི་བར་དུ་ཡང་གཉིས་ཀའི་གྲོང་ཁྱེར་པ་གནས་པའི་ལུམྦི་ནཱིའི་ཚལ་ཞེས་བྱ་བ་ལ་བཀྲ་ཤིས་པའི་ཤིང་སཱ་ལའི་ཤིང་ཡོད་དོ། །དེའི་དུས་
D32.034.0219b03.01སུ་རྩ་བ་ནས་རྩེ་མོའི་ཡལ་གའི་བར་ཐམས་ཅད་དུ་བར་མ་ཆད་པར་མེ་ཏོག་ཁ་བྱེ་བར་གྱུར་ཏོ། །ཡལ་གའི་བར་ཉིད་དང་། མེ་ཏོག་གི་བར་ཁ་དོག་སྣ་ལྔ་པའི་བུང་བ་མང་པོ་ལྡིང་བ་དང་། རྣམ་པ་སྣ་ཚོགས་པའི་བྱ་མང་པོའི་ཚོགས་ནི་སྙན་པའི་སྒྲ་དབྱངས་སྒྲོགས་ཤིང་སྤྱོད་དོ། །ལུམྦི་ནཱིའི་ཚལ་ཐམས་ཅད་ནི་ཤིང་
D32.034.0219b04.01རྟ་སྣ་ཚོགས་པའི་ཚལ་བཞིན་དུ་མཐུ་དང་དབང་ཕྱུག་ནི་རྒྱལ་པོའི་མཛེས་པར་བྱས་པའི་འདུན་ས་ལྟ་བུ་དེ་ལྷ་མོས་གཟིགས་ནས་ཤིང་སཱ་ལའི་ཚལ་དུ་རྩེ་བར་བསམས་པ་སྐྱེས་སོ། །བློན་པོ་རྣམས་ཀྱིས་ལྷ་མོ་བཏེག་ནས་ཤིང་སཱ་ལའི་ཚལ་དུ་བཞུགས་སོ། །དེ་བཀྲ་ཤིས་པའི་ཤིང་སཱ་ལའི་རྩ་བར་གཤེགས་པ་
D32.034.0219b05.01ཏེ་དེས་ཤིང་སཱ་ལའི་ཡལ་ག་གཟུང་བར་སེམས་པར་གྱུར་ཏེ། དེས་ཤིང་སཱ་ལའི་ཡལ་ག་ཤིན་ཏུ་ལེགས་པ་མེ་ལ་བསྲོས་ནས་བཀུག་པ་བཞིན་དུ་མདུད་པ་ལ་ལྷ་མོའི་ལག་པར་ཉེ་བར་འཕྱང་ངོ་། །དེའི་ལག་པ་བརྐྱང་ནས་ཡལ་གའི་རྩེ་མོ་བཟུང་ངོ་། །དེ་མ་ཐག་ཏུ་ལས་ཀྱི་རླུང་གིས་བསྐྱོད་དོ། །དེ་ནས་དེའི་
D32.034.0219b06.01ཕྱོགས་ཀུན་དུ་ཡོལ་བ་བྱས་ནས་སྐྱེ་བོ་ཐམས་ཅད་ཕྱིར་རིང་དུ་གྱུར་ཏེ་ཤིང་སཱ་ལའི་ཡལ་ག་བཟུང་ནས་འདུག་པ་ཉིད་ལ་དེ་ལྟར་དེའི་མངལ་ནས་བལྟམས་པར་གྱུར་ཏོ། །དེ་མ་ཐག་རྣམ་པར་དག་པའི་སེམས་དང་ལྡན་པའི་ཚངས་པ་བཞི་པོས་གསེར་གྱི་དྲ་བ་བླངས་ནས་སླེབ་བོ། །དེ་རྣམས་ཀྱིས་དེར་
D32.034.0219b07.01