完整藏文原文 · 德格版页 当前仅加载第 34 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་པ་བདག་གིས་ཐོས། །དེ་མ་ཐག་ཏུ་དགའ་བ་སྐྱེས། །སངས་རྒྱས་སངས་རྒྱས་ཞེས་བརྗོད་པ། །ཡིད་བདེ་དགའ་བ་སྐྱེས་པར་གྱུར། །ཚིམ་ཞིང་དགའ་བ་སྐྱེས་པའི་སེམས། །དེ་རུ་འཁོར་ཏེ་རྣམ་པར་བསམ། །འདིར་ནི་ས་བོན་བསྐྲུན་བྱས་ནས། །དེ་མ་ཐག་ཏུ་བདག་ལ་སྐྱེ། །གལ་
D32.034.0192a01.01ཏེ་སངས་རྒྱས་ཆེད་བྱི་དོར། །མ་བཅོས་གནས་གཅིག་བདག་ལ་བྱིན། །བདག་ཀྱང་བྱི་དོར་བྱེད་པ་ཡིན། །མི་མཉམ་པ་ནི་འཆོས་པའོ། །དེ་ཚེ་ལམ་ནི་བྱི་དོར་བྱ། །བདག་ལ་མ་བཅོས་གནས་གཅིག་བྱིན། །སངས་རྒྱས་སངས་རྒྱས་ཞེས་བསམ་ཞིང་། །དེ་ཚེ་བདག་ནི་ལམ་འདི་འཆོས། །བདག་གི་གནས་ནི་མ་
D32.034.0192a02.01གྲུབ་པར། །ཐུབ་པ་ཆེན་པོ་མར་མེ་མཛད། །མངོན་ཤེས་དྲུག་པོ་མཚུངས་ལྡན་པར། །འབུམ་ཕྲག་བཞི་པོ་རྣམས་ལ་ནི། །དྲི་མ་མེད་ཅིང་ཟག་པ་ཟད། །རྒྱལ་བ་ལམ་དུ་བྱོན་པར་གྱུར། །བསུ་བ་བྱེད་པ་པོ་རྣམས་ནི། །རོལ་མོ་རྣམས་ནི་དཀྲོལ་བ་དང་། །ལྷ་དང་མི་རྣམས་ཡི་རང་བྱེད། །ལེགས་སོ་ཞེས་པའི་
D32.034.0192a03.01ཚིག་བྱིན་ནོ། །ལྷ་ཡིས་མི་རྣམས་མཐོང་བ་དང་། །མི་རྣམས་ཀྱིས་ཀྱང་ལྷ་རྣམས་མཐོང་། །དེ་གཉིས་ཀྱིས་ནི་ཐལ་མོ་སྦྱོར། །དེ་བཞིན་གཤེགས་དང་ཐབས་ཅིག་འགྲོ། །ལྷ་དང་ལྷ་ཡི་རོལ་མོ་དང་། །མི་དང་མི་ཡི་རོལ་མོ་དང་། །གཉིས་ཀ་ཡང་ནི་རོལ་མོ་དཀྲོལ། །དེ་བཞིན་གཤེགས་དང་ཐབས་
D32.034.0192a04.01ཅིག་འགྲོ། །ལྷ་མི་མེ་ཏོག་མན་དཱ་ར། །པད་མ་པ་རི་ཚད་ཏྲ་ཀ། །ཕྱོགས་དང་མཚམས་སུ་མེ་ཏོག་འཐོར། །ལྷ་རྣམས་མཁའ་ལ་གནས་ནས་སོ། །ཙམ་པ་ཀྃ་ཤཱ་ལ་ལྃ་ནི་པཾ། །ནཱ་གཱ་པུནྣཱ་གཱ་ཀེ་ཏ་ཀྃ། །སྟེང་གི་ཕྱོགས་དང་མཚམས་སུ་འཐོར། །ས་སྟེང་འགྲོ་བ་མི་རྣམས་སོ། །དེར་ནི་བདག་གི་སྐྲ་བཀྲོལ་ནས། །
D32.034.0192a05.01ཤིང་ཤུན་ཆོས་གོས་གཟིག་ལྤགས་ནི། །འཇིམ་པའི་སྟེང་དུ་བཏིང་ནས་སུ། །ཁ་བུབ་ཏུ་ནི་བདག་གིས་ཉལ། །འཇིམ་པའི་སྟེང་ནས་མི་གཤེགས་པར། །བདག་ནི་གནོན་ཅིང་སངས་རྒྱས་རྣམས། །སློབ་མ་འཁོར་བཅས་གཤེགས་སུ་གསོལ། །བདག་ལ་ཕན་པར་འགྱུར་བ་ཡིན། །དེ་འཇིམ་པའི་སྟེང་དུ་
D32.034.0192a06.01ཉལ་ནས་སླར་ཡང་མིག་གིས་བལྟ་ཞིང་སྟོབས་བཅུ་དང་ལྡན་པའི་མར་མེ་མཛད་སངས་རྒྱས་ཀྱི་འབྱོར་པ་ཡང་དག་པར་བལྟས་ནས་དེ་ལྟར་བསམས་སོ། །གལ་ཏེ་བདག་གི་ཉོན་མོངས་པ་ཐམས་ཅད་གཞོམ་པར་འདོད་པ་དང་། དགེ་འདུན་རྣམས་ཀྱི་གཞོན་ནུར་འགྱུར་བར་བྱ་བ་དང་། དགའ་བ་ཅན་གྱི་གྲོང་ཁྱེར་
D32.034.0192a07.01