完整藏文原文 · 德格版页 当前仅加载第 34 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
གི་འཁོར་ནམ་མཁའི་དབྱིངས་སུ་གཤེགས་པ་ལ་བལྟ་བར་འདོད་དོ། །སླར་ཡང་འདི་ལྟར་བརྗོད་ཅིང་འདི་ལྟ་བུའི་རྣམ་པ་བཞིའི་སྐྱེས་བུ་གཞོན་ནུའི་མིག་ལམ་དུ་འོང་བ་བསྲུང་ཞིང་ཕྱོགས་བཞིར་རྒྱང་གྲགས་བཞི་བཞིར་བསྲུང་བ་བཞག་གོ། །དེའི་ཉི་མ་ལ་ཡང་བཀྲ་ཤིས་པའི་གནས་སུ་འདུས་པའི་
D32.034.0223a01.01རིགས་ཀྱི་ཉེ་དུ་སྟོང་ཕྲག་བརྒྱད་ཅུ་པོ་རེ་རེའི་བུ་བརྒྱ་ཡོངས་སུ་སྟེར་བར་བསམས་སོ། །འདི་སངས་རྒྱས་སུ་འགྱུར་རམ་རྒྱལ་པོར་འགྱུར་རམ་བདག་གི་བུ་རེ་རེ་སྟེར་རོ། །གལ་ཏེ་སངས་རྒྱས་པར་གྱུར་ན་རྒྱལ་རིགས་ཀྱི་དགེ་སྦྱོང་ཉིད་ཀྱིས་མདུན་རྒྱབ་ཐམས་ཅད་དུ་བསྐོར་ནས་འགྲོ་བ་ཡིན་ནོ། །གལ་ཏེ་རྒྱལ་པོར་གྱུར་
D32.034.0223a02.01ན་རྒྱལ་རིགས་ཀྱི་གཞོན་ནུ་ཉིད་ཀྱིས་མདུན་རྒྱབ་ཀུན་ནས་བསྐོར་ནས་འགྲོའོ་ཞེས་སྨྲ་ཞིང་འབུལ་ལོ། །རྒྱལ་པོས་ཀྱང་བྱང་ཆུབ་སེམས་དཔའ་ལ་གཟུགས་མཆོག་དང་ལྡན་པ་སྐྱོན་ཐམས་ཅད་སྤངས་པའི་ནུ་མ་སྣུན་པ་ཉིད་གནས་པ་བྱིན་ནོ། །བྱང་ཆུབ་སེམས་དཔའ་འཁོར་མཐའ་ཡས་པ་དཔལ་དང་སྐལ་བ་འཕེལ་
D32.034.0223a03.01བ་དང་ལྡན་ནོ། །དེ་ནས་ཉི་མ་གཅིག་ལ་རྒྱལ་པོའི་འབྲས་འདེབས་པ་ལ་བཀྲ་ཤིས་བྱེད་དོ། །དེའི་ཉི་མ་ལ་གྲོང་ཁྱེར་ཐམས་ཅད་དུ་ལྷ་གཤེགས་པ་བཞིན་དུ་བརྒྱན་ནོ། །བྲན་དང་ལས་བྱེད་པ་ལ་སོགས་པས་གོས་ལེགས་པོ་གྱོན་ནས་སྤོས་དང་མེ་ཏོག་གི་ཕྲེང་བ་ལ་སོགས་པས་བརྒྱན་པར་བྱས་ནས་རྒྱལ་
D32.034.0223a04.01པོའི་ཕོ་བྲང་གི་ནང་དུ་འདུས་སོ། །རྒྱལ་པོའི་གཞིས་རྣམས་ལ་ཞིང་རྨོ་བ་སྟོང་ཕྲག་གཅིག་རིགས་སོ། །སླར་ཡང་དེའི་ཉི་མ་ལ་གཅིག་གིས་དམན་པའི་ཞིང་རྨོ་བ་བརྒྱད་བརྒྱ་དང་བཅས་པའི་གླང་གི་གཉའ་ཤིང་གི་ཐག་པ་དངུལ་ལས་བྱས་པ་དང་། རྒྱལ་པོ་འཛིན་པའི་ཞིང་རྨོ་བའི་ཐོང་པ་སླར་ཡང་གསེར་ལས་
D32.034.0223a05.01བྱས་པར་གྱུར་ཏོ། །གླང་གི་རྭ་གཉིས་ལ་གསེར་གྱིས་བསྐུས་སོ། །ཁ་དང་སྐེའི་ཐག་པ་ནི་གསེར་ལའང་བྱས་སོ། །རྒྱལ་པོའི་འཁོར་ཆེན་པོ་དང་བཅས་པ་བྱོན་ནས་སྲས་བླངས་ཏེ་གཤེགས་སོ། །གཞིས་ཁའི་གནས་ན་ཤིང་འཛམ་བུ་གཅིག་ལ་ལོ་མ་མང་པོས་གྲིབ་མ་སྟུག་པོར་གྱུར་པ་
D32.034.0223a06.01ཞིག་ཡོད་པའི་འོག་ཏུ་གཞོན་ནུའི་མལ་སྟན་ཆེན་པོ་བྱས་ནས་སྟེང་དུ་བླ་རེས་གསེར་གྱི་སྐར་མ་དང་མཚུངས་པ་བྲེས་ཏེ། ལྕགས་རི་ལྟར་ཡོལ་བས་ཕྱོགས་ཀུན་ནས་བསྐོར་ཏོ། །རྒྱལ་པོ་རྒྱན་ཐམས་ཅད་ཀྱིས་བརྒྱན་པར་བྱས་ནས་བློན་པོ་འཁོར་དང་བཅས་པ་ཞིང་རྨོ་བའི་གནས་སུ་གཤེགས་ཏེ།
D32.034.0223a07.01