完整藏文原文 · 德格版页 当前仅加载第 34 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
གདུགས་དཀར་པོ་ཁོར་ཡུག་གི་སྟེང་དུ་བཙུགས་ནས་ཚངས་པའི་འཇིག་རྟེན་དུ་སོང་ངོ་། །ལྷ་གཅིག་གིས་ཀྱང་འཁོད་པར་མ་ནུས་ཏེ། སྐྱེས་བུ་ཆེན་པོ་ཉིད་གཅིག་པུ་བཞུགས་སོ། །བདུད་ཀྱིས་རང་གི་འཁོར་ལ་སྨྲས་པ། བུ་ཟས་གཙང་གི་བུ་དོན་གྲུབ་དང་འདྲ་བའི་སྐྱེས་བུ་གཞན་མེད་
D32.034.0234a01.01པས། བདག་གིས་དེའི་མདུན་དུ་གཡུལ་འགྱེད་པར་མི་ནུས་ཀྱིས། རྒྱབ་ཀྱི་ཕྱོགས་སུ་གཡུལ་བགྱིའོ་ཞེས་སྨྲས་སོ། །སྐྱེས་བུ་ཆེན་པོས་ཀྱང་ཕྱོགས་གསུམ་ལ་གཟིགས་པས་ལྷ་ཐམས་ཅད་བྲོས་པའི་ཕྱིར་གནས་ཐམས་ཅད་སྟོང་པར་མཐོང་ངོ་། །གཞན་ཡང་བྱང་ཕྱོགས་སུ་གཟིགས་པས་བདུད་ཀྱི་དམག་
D32.034.0234a02.01རྣམས་བདག་གཞོམ་པའི་ཕྱིར་འོང་བ་གཟིགས་སོ། །འདི་རྣམས་ཀྱི་དམག་གི་ཚོགས་བདག་གཅིག་པུའི་ཕྱིར་རྩོལ་བ་ཆེན་པོས་ཕ་རོལ་གནོན་པར་བྱེད་ཅིང་གནས་འདིར་འོངས་ཏེ། བདག་གི་མའམ་ཕའམ་སྤུན་ནམ་སུ་ཡང་རུང་བའི་གཉེན་ལས་གཞན་མེད་དོ། །གཞན་ཡང་གང་གི་ཕྱིར་ཕ་རོལ་དུ་
D32.034.0234a03.01ཕྱིན་པ་བཅུ་པོ་ཉིད་བདག་གིས་དུས་ཡུན་རིང་པོར་གཉེར་ལ་དགའ་བ་བཞིན་གོམས་པ་དེའི་ཕྱིར་བདག་གིས་ཕ་རོལ་དུ་ཕྱིན་པ་ཉིད་ཀྱིས་ཕུབ་བྱས་ནས། ཕ་རོལ་དུ་ཕྱིན་པ་ཉིད་ཀྱི་མཚོན་ཐོགས་ཏེ། འདིའི་དམག་གི་ཚོགས་རྣམས་གཞོམ་པར་རིགས་སོ་སྙམ་ནས་ཕ་རོལ་དུ་ཕྱིན་པ་བཅུ་པོ་ཐུགས་ལ་
D32.034.0234a04.01བསམས་ནས་བཞུགས་སོ། །དེ་ནས་ལྷའི་བུའི་བདུད་ཀྱིས་དོན་གྲུབ་དེ་མ་ཐག་ཏུ་འབྲོས་པར་བྱེད་པར་རིགས་སོ་ཞེས་སྨྲས་ནས་རླུང་གི་དཀྱིལ་འཁོར་ཉེ་བར་གནས་ནས་འོངས་སོ། །དེ་མ་ཐག་ཁོ་ནར་ཤར་ཕྱོགས་ལ་སོགས་པའི་རླུང་གི་དཀྱིལ་འཁོར་རྣམས་ལངས་ནས་འོངས་ཏེ་དཔག་ཚད་ཕྱེད་དང་ཡང་གཉིས་ལ་
D32.034.0234a05.01སོགས་པའི་ཚད་ཀྱི་རིའི་ཕུང་པོ་བླངས་ནས་ནགས་ཐིབས་པོ་དང་ཤིང་ལ་སོགས་པ་ས་ལ་བཏོན་ཞིང་། ཐམས་ཅད་དུ་གྲོང་དང་གྲོང་རྡལ་ཕྱེ་མ་དང་རྣམ་པར་ཕྱེ་མར་བྱེད་པའི་ནུས་པ་ནི་སྐྱེས་བུ་ཆེན་པོའི་བསོད་ནམས་ཀྱི་གཟི་བརྗིད་ཀྱི་མཐུས་གྱེས་ཏེ། བྱང་ཆུབ་སེམས་དཔའི་དྲུང་དུ་འོངས་ནས་བླ་གོས་ཀྱི་གྲྭ་
D32.034.0234a06.01ཙམ་ཡང་བསྒུལ་བར་མི་ནུས་སོ། །དེ་ནས་ཆུ་ཡིས་གཞོམ་པའི་ཕྱིར་འོངས་ནས་གསོད་པར་བསམས་པ་ན་ཆར་པ་ཆེན་པོ་འབབ་ཅིང་གནས་སོ། །དེའི་མཐུས་སྟེང་ནས་སྟེང་དུ་བརྒྱ་ཕྲག་དུ་མ་བརྩེགས་པ་དང་། སྟོང་ཕྲག་དུ་མ་བརྩེགས་པའི་སྤྲིན་ཆེན་པོ་འདུས་ནས་ཆར་འབེབས་སོ། །ཆར་པའི་རྒྱུན་
D32.034.0234a07.01