完整藏文原文 · 德格版页 当前仅加载第 34 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འཇུག་པར་འདོད་དོ། །གཞན་གྱི་ཆ་ལུགས་ཀྱིས་ཀྱང་ཉོན་མོངས་པ་འདི་གཞོམ་པར་བྱས་ནས་མྱ་ངན་ལས་འདས་པ་ཐོབ་པ་ལ་དོན་མེད་དོ། །སྟོབས་བཅུ་དང་ལྡན་པའི་མར་མེ་མཛད་བདག་གིས་ཇི་ལྟ་བ་བཞིན་དུ་བྱའོ། །མཆོག་གི་བྱང་ཆུབ་ཐོབ་ནས་སྐྱེ་བོ་མང་པོ་འཁོར་བའི་རྒྱ་མཚོ་ལ་གྲུར་ཞུགས་ནས་ཕ་རོལ་
D32.034.0192b01.01དུ་བསྒྲལ་བར་བྱས་ནས། ཕྱིས་མྱ་ངན་ལས་འདས་པ་ཐོབ་པར་བྱ་བ་འདི་ནི་བདག་གིས་རིགས་པའོ། །དེ་ནས་ཆོས་བརྒྱད་པོ་གཅིག་ཏུ་བསྡུ་སྟེ་སངས་རྒྱས་འདོད་པར་སྨོན་པས་སེམས་ལ་བལྟ་ཞིང་ཉལ་ལོ། །དེའི་ཕྱིར་གསུངས་པ། ས་གཞི་ལ་ནི་ཉལ་ནས་ནི། །བདག་གིས་དེ་ལྟར་བསམས་པ་ནས། །བདག་
D32.034.0192b02.01ནི་དེ་རིང་འདོད་པ་ཡི། །བདག་གིས་ཉོན་མོངས་གཞོམ་པའོ། །བདག་ནི་ཆ་ལུགས་གཞན་གྱིས་ཀྱང་། །འདིར་ནི་ཆོས་འདི་མངོན་དུ་བྱ། །ཐམས་ཅད་མཁྱེན་པ་ཐོབ་གྱུར་ནས། །ལྷ་དང་བཅས་པ་སངས་རྒྱས་འགྱུར། །བདག་ཉིད་གཅིག་པུ་གྲོལ་ནས་ཅི། །སྐྱེས་བུ་མཐུ་ལྡན་མཐོང་བ་དང་། །ཐམས་ཅད་མཁྱེན་
D32.034.0192b03.01པ་ཐོབ་གྱུར་ནས། །ལྷ་དང་མི་རྣམས་ཡང་དག་བསྒྲལ། །བདག་གི་འདི་ཡི་གཞི་ཡིས་ནི། །མཐུ་དང་ལྡན་པ་མཐོང་བ་དང་། །ཐམས་ཅད་མཁྱེན་པ་ཐོབ་ནས་ནི། །སྐྱེ་བོ་མང་པོ་བདག་གིས་བསྒྲལ། །འཁོར་བའི་མདུད་པ་བཅད་ནས་ནི། །སྲིད་གསུམ་པོ་ནི་ཟད་བྱས་ལ། །ཆོས་ཀྱི་གྲུ་ཡི་ནང་ཞུགས་
D32.034.0192b04.01ནས། །ལྷ་དང་མི་རྣམས་ཡང་དག་བསྒྲལ། །གང་ཞིག་སླར་ཡང་སངས་རྒྱས་དོན་དུ་གཉེར་བའི་ཕྱིར་རོ། །མི་ཡི་ལུས་ནི་མཚན་མར་ལྡན། །སྟོན་པའི་ལྟ་བའི་རྒྱུ་དང་ནི། །རབ་བྱུང་ཡོན་ཏན་ལྡན་པ་དང་། །རིགས་པ་དང་ནི་འདུན་པ་དང་། །ཆོས་བརྒྱད་པོ་ནི་བསྡུས་ནས་སུ། །སྨོན་ལམ་མངོན་པར་
D32.034.0192b05.01འཕེལ་བའོ། །མིའི་ལུས་ལ་གནས་ཤིང་སངས་རྒྱས་ཉིད་དོན་དུ་གཉེར་བ་ནི་དོན་དུ་གཉེར་བ་ཕུན་སུམ་ཚོགས་པ་འགྲུབ་བོ། །ཀླུའམ་མཁའ་ལྡིང་ངམ་ལྷ་རྣམས་ཀྱིས་དེ་དོན་དུ་གཉེར་ཡང་མི་འགྲུབ་བོ། །མིའི་ལུས་སུ་གྱུར་ཅིང་སྐྱེས་བུའི་མཚན་གནས་པས་ནི་དེ་དོན་དུ་གཉེར་བ་འགྲུབ་བོ། །བུད་
D32.034.0192b06.01མེད་དམ་ཟ་མའམ་མ་ནིང་ངམ་མཚན་གཉིས་པས་ནི་འགྲུབ་པ་མ་ཡིན་ནོ། །སྐྱེས་བུར་གྱུར་ནས་དེའི་ལུས་སུ་འདོད་པ་དང་དགྲ་བཅོམ་པ་ཐོབ་པར་བྱ་བའི་ཕྱིར་དུ་ཡོངས་སུ་རྫོགས་པར་འགྲུབ་བོ། །གཞན་གྱིས་ནི་མ་ཡིན་ནོ། །སྒྱུ་དང་ལྡན་ཞིང་གལ་ཏེ་འཚོ་བ་དང་ལྡན་པའི་སངས་རྒྱས་ཀྱི་དྲུང་དུ་གཉེར་
D32.034.0192b07.01