完整藏文原文 · 德格版页 当前仅加载第 34 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་གྱི་བདེ་བ་དང་། འབྲས་བུའི་བདེ་བ་ཉིད་ཀྱིས་ཉིན་མཚན་འདའོ། །དེ་ནས་དེའི་བདུན་ཕྲག་བདུན་གྱི་མཐར་གཅིག་གིས་དམན་པའི་ལྔ་བཅུའི་མཐའི་ཉི་མ་ལ་དེར་བཞུགས་ནས་ཞལ་ཤོལ་བའི་ཐུགས་སྐྱེས་སོ། །ལྷའི་དབང་པོ་བརྒྱ་བྱིན་གྱིས་ཨ་རུ་ར་མཆོག་བླངས་ནས་ཕུལ་ལོ། །
D32.034.0239b01.01སྟོན་པས་དེ་གསོལ་བས་སྐུ་དངས་པར་གྱུར་ཏོ། །དེ་ནས་བརྒྱ་བྱིན་ཉིད་ཀྱིས་སོ་རྩིའི་སོ་ཤིང་ཉིད་ཀྱི་སོ་ཤིང་དང་། ཞལ་ཤོལ་བའི་ཆུ་ཕུལ་ལོ། །སྟོན་པས་སོ་ཤིང་བླངས་ནས་ས་བྲུད་དེ་མཚོ་ཆེན་པོ་མ་དྲོས་པའི་ཆུས་ཞལ་བཤལ་ལོ། །དེ་ཉིད་དུ་ཤིང་རཱ་ཛ་ཡ་ཏ་ནའི་དྲུང་དུ་བཞུགས་སོ། །དེའི་
D32.034.0239b02.01ཚེ་ག་གོན་དང་བཟང་པོ་ཞེས་བྱ་བའི་ཚོང་དཔོན་གཉིས་ཤིང་རྟ་ལྔ་བརྒྱ་དང་བཅས་པ་ལྷོ་ཕྱོགས་ཀྱི་ལྗོངས་ནས་ཡུལ་དབུས་སུ་འགྲོ་བ་ན་རང་ཉིད་ཀྱི་སྔར་གྱི་གཉེན་ལྷར་གྱུར་པས་ཤིང་རྟ་ཐམས་ཅད་བྱིང་ནས་འགྲོ་བར་མི་ནུས་པར་བྱིན་གྱིས་བརླབས་པས་སྟོན་པ་ལ་ཁ་ཟས་སྟེར་བའི་ཕྱིར་སྤྲོ་བ་སྐྱེས་སོ། །སྦྲང་བསྲུབས་
D32.034.0239b03.01པའི་ཁུར་བའི་གོང་བུ་བླངས་ནས་བཙུན་པ་བཅོམ་ལྡན་འདས་བཟའ་བ་འདི་ཐུགས་རྗེ་ཆེན་པོ་སྐྱེད་ལ་སོ་སོར་བཞེས་པར་ཞུ་ཞེས་སྟོན་པའི་དྲུང་དུ་ཉེ་བར་འཁོད་དོ། །བཅོམ་ལྡན་འདས་འོ་ཐུག་བཞེས་པའི་ཉིན་མོ་ཉིད་ལྷུང་བཟེད་མི་སྣང་བའི་ཕྱིར་དེ་བཞིན་གཤེགས་པ་རྣམས་ཀྱི་ཡང་ཕྱག་གིས་ལེན་ནམ་འོན་ཀྱང་ལྷུང་བཟེད་
D32.034.0239b04.01ཀྱིས་བླང་ཞེས་བསམས་སོ། །དེ་ནས་སེམས་ཀྱིས་ཤེས་ནས་ཕྱོགས་བཞིའི་རྒྱལ་པོ་ཆེན་པོ་བཞི་པོ་རྣམས་ཀྱིས་ནོར་བུ་ཨིན་དྲ་ནཱི་ལའི་ལྷུང་བཟེད་བླངས་པ། བཅོམ་ལྡན་འདས་ཀྱིས་མ་གནང་ངོ་། །སླར་ཡང་སྲན་མ་མུད་གའི་ཁ་དོག་ཅན་གྱི་རྡོ་ལས་བྱུང་བའི་ལྷུང་བཟེད་བཞི་ཕུལ་ལོ། །བཅོམ་ལྡན་
D32.034.0239b05.01འདས་ཀྱིས་ལྷའི་བུ་བཞི་པོ་རྣམས་ལ་རྗེས་སུ་བརྩེ་བས་ལྷུང་བཟེད་བཞི་པོ་བཞེས་ཏེ་སྟེང་ནས་སྟེང་དུ་བརྩེགས་ནས་བཞག་སྟེ་གཅིག་ཏུ་འགྱུར་བར་བྱིན་གྱིས་བརླབས་སོ། །བཞི་པོ་ཡང་བལྟ་བའི་ཕྱིར་དུ་ཁ་ལ་རི་མོ་བཞིར་གྱུར་ཏེ་ལྷུང་བཟེད་འབྲིང་པོའི་ཚད་གཅིག་ཏུ་གྱུར་ཏོ། །བཅོམ་ལྡན་འདས་ལ་དེའི་སོ་
D32.034.0239b06.01སོར་ཕུལ་བ་རིན་ཐང་མེད་པའི་རྡོ་ལས་བྱུང་བའི་ལྷུང་བཟེད་དུ་བཟའ་བའི་ཕྱིར་དུ་བཞེས་ནས་ཡོངས་སུ་ལོངས་སྤྱད་ནས་རྗེས་སུ་ཡི་རང་བར་མཛད་དོ། །ཚོང་དཔོན་སྤུན་གཉིས་སངས་རྒྱས་དང་ཆོས་ལ་སྐྱབས་སུ་འགྲོ་ཞིང་ཚིགས་གཉིས་པའི་དགེ་བསྙེན་དུ་གྱུར་ཏོ། །དེ་ནས་དེ་རྣམས་ཀྱིས་བཙུན་པ་མཆོད་པ་
D32.034.0239b07.01