完整藏文原文 · 德格版页 当前仅加载第 34 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
བྲེགས་ཤིང་ངུར་སྨྲིག་གི་གོས་གྱོན་ནས་སྣོད་ལག་ཏུ་ཁྱེར་ཏེ། བསོད་སྙོམས་ལ་འགྲོ་བ་མཛེས་སམ་མི་མཛེས་ཞེས་སྟེང་གི་སྒོ་ཆུང་ཕྱེ་ནས་བལྟའོ། །སྣ་ཚོགས་པའི་འདོད་ཆགས་དང་བྲལ་བ་ཡང་དག་པར་འབར་ཞིང་སྐུ་ལུས་ཀྱི་འོད་ཀྱིས་གྲོང་ཁྱེར་གྱི་སྟེང་ཐམས་ཅད་སྣང་བར་མཛད་དེ། འདོམ་གང་
D32.034.0246b01.01བའི་འོད་ཀུན་ནས་བསྐོར་ཞིང་རབ་ཏུ་གསལ་བ་དཔེ་བྱད་བཟང་པོ་བརྒྱད་ཅུ་དང་ལྡན་པ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན་པ་སངས་རྒྱས་ཀྱི་དཔལ་དཔེ་མེད་པར་རྣམ་པར་གསལ་བ་མཐོང་ངོ་། །གཙུག་ཏོར་ནས་བཟུང་ནས་ཞབས་ཀྱི་མཐིལ་གྱི་བར་དེ་སྲིད་དོ། །དབུ་སྐྲ་གཡས་
D32.034.0246b02.01འཁྱིལ་འཇམ་གནག་སྣུམ་པ་དང་། དཔྲལ་བ་དྲི་མེད་ཉི་མའི་མཐིལ་བཞིན་ནོ། །སྐུ་དང་འཚམ་པའི་ཤངས་ནི་མཐོ་བ་དང་། །མི་ཡི་སེང་གེ་འོད་ཟེར་གསལ་བར་མཛད། །འདི་ལྟ་བུ་ལ་སོགས་པའི་མིའི་སེང་གེ་ལ་ཚིགས་སུ་བཅད་པས་མངོན་པར་བསྟོད་དོ། །ཁྱེད་ཀྱི་སྲས་པོ་བསོད་
D32.034.0246b03.01སྙོམས་ལ་སྤྱོད་དོ་ཞེས་རྒྱལ་པོ་ལ་སྨྲས་སོ། །རྒྱལ་པོའི་སེམས་སྡུག་བསྔལ་བས་གོས་ནས་བཟུང་སྟེ་མྱུར་ཞིང་མྱུར་བར་ཕྱིར་འཐོན་ཏ་བཅོམ་ལྡན་འདས་ཀྱི་དྲུང་དུ་འཁོད་ནས་སྨྲས་པ་ཅི་བཙུན་པ་བདག་ཅག་ངོ་ཚ་བས་ཅིའི་དོན་དུ་བསོད་སྙོམས་མཛད། དགེ་སློང་འདི་རྣམས་ཀྱི་བཟའ་བ་བདག་གིས་སྟེར་
D32.034.0246b04.01བར་མི་ཤེས་བསམས་པ་ཡིན་ནམ་ཅི་ལགས། རྒྱལ་པོ་ཆེན་པོའི་རིགས་ཀྱི་སྤྱོད་པ་ཡིན་ནོ། །བཙུན་པ་བདག་ཅག་ཤཱཀྱའི་རིགས་ཞེས་བྱ་བའི་རིགས་སོ། །དེ་ལ་རྒྱལ་རིགས་གཅིག་ཀྱང་བསོད་སྙོམས་བྱེད་པའི་མིང་ཙམ་ཡང་མེད་དོ། །རྒྱལ་པོ་ཆེན་པོའི་རིགས་ཞེས་བྱ་བ་ནི་ཁྱོད་ཀྱི་
D32.034.0246b05.01རིགས་འདི་ཡིན་ནོ། །བཀའ་སྩལ་པ། རྒྱལ་པོ་ཆེན་པོ་མི་དགྱེས་པ་མ་མཛད་ཅིག །སླར་ཡང་བདག་ཅག་གི་མར་མེ་མཛད་དང་ཀཽཌི་ནྱ་དང་འོད་སྲུང་ཞེས་བྱ་བ་འདི་སངས་རྒྱས་ཀྱི་རིགས་ཡིན་ནོ། །འདི་རྣམས་དང་གཞན་སངས་རྒྱས་སྟོང་ཕྲག་དུ་མས་ཀྱང་བསོད་སྙོམས་སྤྱོད་ཅིང་འཚོ་བར་
D32.034.0246b06.01མཛད་ལ། སྲང་གི་དབུས་སུ་འཁོད་པ་ཉིད་དོ། །བག་མེད་ལྷག་མར་བྱེད་པ་མེད། །ཆོས་ལ་སྤྱོད་ཅིང་ལེགས་པར་སྤྱོད། །ཆོས་ལ་སྤྱད་ན་བདེ་བ་འབྱུང་། །འཇིག་རྟེན་འདི་དང་ཕྱི་མར་བ་དེ། །ཆོས་ཀྱི་རྐང་པའི་ཚིགས་སུ་བཅད་པ་འདི་བསྟན་ཅིང་བཤད་དོ། །ཚིགས་སུ་བཅད་
D32.034.0246b07.01