完整藏文原文 · 德格版页 当前仅加载第 34 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ཏེ། དེའི་འདུས་པ་དང་པོ་ནི་བྱེ་བ་སྟོང་ཕྲག་བརྒྱའི་དགེ་སློང་ངོ་། །གཉིས་པ་ལ་བྱེ་བ་སྟོང་ཕྲག་གཅིག་གོ། །གསུམ་པ་ལ་བྱེ་བ་ཕྲག་དགུ་བཅུའོ། །མའི་སྤུན་གྱི་གཞོན་ནུ་ཀུན་དགའ་བོ་ཞེས་བྱ་བ་བྱེ་བ་ཕྲག་དགུ་བཅུའི་འཁོར་དང་བཅས་པ་ནི་ཆོས་ཉན་པའི་ཕྱིར་
D32.034.0204a01.01དུའོ། །སྟོན་པའི་ཉེ་བར་གནས་པ་རྣམས་སོང་ངོ་། །སྟོན་པ་དེའི་སྔོན་གྱི་གཏམ་རྣམས་{གོ་རིམས་,གོ་རིམ་}བཞིན་དུ་བརྗོད་པར་བྱའོ། །དེ་འཁོར་དང་བཅས་པ་སོ་སོ་ཡང་དག་པར་རིག་པ་དང་དགྲ་བཅོམ་པ་ཐོབ་བོ། །སྟོན་པ་དེས་རིགས་ཀྱི་བུ་རྣམས་ལ་སྔར་གྱི་སྤྱོད་པ་རྣམས་ལ་བལྟ་ཞིང་རྫུ་
D32.034.0204a02.01འཕྲུལ་ལས་བྱུང་བའི་ལྷུང་བཟེད་དང་ཆོས་གོས་རྣམས་གཟིགས་ཏེ། ཕྱག་གཡས་པ་བརྐྱང་ནས་དགེ་སློང་རྣམས་ཚུར་ཤོག་ཅིག་ཅེས་གསུངས་པ་དང་། ཐམས་ཅད་དེ་མ་ཐག་ཉིད་དུ་རྫུ་འཕྲུལ་ལས་བྱུང་བའི་ལྷུང་བཟེད་དང་ཆོས་གོས་བཟུང་ནས་གནས་བརྟན་ལོ་དྲུག་ཅུ་ལོན་པ་
D32.034.0204a03.01བཞིན་དུ་གྱུར་ཏེ། ཆོ་ག་ཕུན་སུམ་ཚོགས་པར་གྱུར་ནས་སྟོན་པ་ལ་ཕྱག་བྱས་ཏེ་འཁོར་དུ་གྱུར་ཏོ། །ཇི་ལྟར་གཞན་ཡང་སངས་རྒྱས་གཞན་རྣམས་ལ་ཀུན་ནས་ཁྲུ་བརྒྱད་ཅུ་པའི་སྐུ་ཚད་ཉིད་ཀྱི་འོད་དུ་གྱུར་ཏོ། །བཅོམ་ལྡན་འདས་དེ་ཉིད་ཀྱི་སྐུའི་འོད་དེ་ལྟ་བུ་ཉིད་མ་ཡིན་གྱི། དུས་རྟག་ཏུ་
D32.034.0204a04.01སྟོང་ཕྲག་བཅུའི་འཇིག་རྟེན་གྱི་ཁམས་སུ་འཕྲོ་ཞིང་གནས་ཏེ། ཤིང་དང་ས་དང་རི་དང་རྒྱ་མཚོ་ལ་སོགས་པའི་ཕྱོགས་ལྷག་མ་རྣམས་དང་ཚང་བང་ལ་{སྩོགས་,སོགས་}པ་གསེར་གྱིས་སྤྲས་པ་བཞིན་ནོ། །སྐུ་ཚེའི་ཚད་ནི་སྟོང་ཕྲག་དགུ་བཅུའོ། །དེ་རྣམས་ཀྱི་ལུས་ལ་ཟླ་བ་དང་ཉི་མ་ལ་སོགས་པ་ལ་རང་གི་
D32.034.0204a05.01འོད་ཀྱི་སྣང་བའི་ནུས་པ་མེད་དོ། །མཚན་མོ་དང་ཉིན་མོའི་བྱེ་བྲག་མི་ཤེས་སོ། །སེམས་ཅན་རྣམས་ཀྱི་ཉིན་མོ་ཉི་མ་ཤར་བ་བཞིན་དུ་སངས་རྒྱས་ཀྱི་འོད་ཀྱིས་རྟག་ཏུ་འགྲོ་བར་བྱེད་དོ། །མཚན་མོ་མེ་ཏོག་ཟུམ་པ་དང་སྔ་དྲོའི་དུས་སུ་བྱ་རྣམས་སྐད་འབྱིན་པ་ལ་སོགས་པ་ལ་བརྟེན་ནས་འཇིག་རྟེན་
D32.034.0204a06.01པས་ཉིན་མཚན་ཤེས་པར་བྱེད་དོ། །ཡང་དག་པར་རྫོགས་པའི་སངས་རྒྱས་གཞན་རྣམས་ལ་ཅིའི་ཕྱིར་འདི་ལྟ་བུ་མེད་པ་ཡིན་ནམ། མེད་པ་ནི་མ་ཡིན་ཏེ། དེ་རྣམས་ཀྱིས་ཀྱང་དགོངས་པར་གྱུར་ན་སྟོང་ཕྲག་བཅུའི་འཇིག་རྟེན་གྱི་ཁམས་སུ་གྱུར་པའམ་དེ་བས་ལྷག་པར་ཡང་འོད་འཕྲོ་བར་
D32.034.0204a07.01