完整藏文原文 · 德格版页 当前仅加载第 34 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
བདུན་ལས་ལྷག་པར་གྱུར་ནས་འདིའི་མཚན་ཉིད་རིག་པར་ལྡན་ནས་ཁྱིམ་དུ་གནས་པའི་མིང་ཡང་མེད་དོ། །ཐེ་ཚོམ་མེད་པར་སངས་རྒྱ་བར་འགྱུར་ཏེ་འགྲོ་བ་གཅིག་ལས་གཞན་མ་མཐོང་ངོ་། །དེའི་ཕྱིར་མཛུབ་མོ་གཅིག་བསྒྲེངས་ཏེ་འདི་ལྟར་ལུང་བསྟན་ནོ། །དེ་ནས་བྲམ་ཟེ་དེ་རྣམས་རང་གི་ཁྱིམ་དུ་འགྲོ་ཞིང་
D32.034.0222b01.01བུ་རྣམས་བོས་ཏེ། བུ་བདག་ཅག་རྣམས་རྒན་པོར་གྱུར་པས་རྒྱལ་པོ་ཆེན་པོ་ཟས་གཙང་གི་སྲས་ཐམས་ཅད་མཁྱེན་པ་ཐོབ་པར་གྱུར་པ་ན་བདག་ཅག་དང་མཇལ་བར་འགྱུར་རམ་མི་འགྱུར་ཆ་མེད་ཀྱིས། ཁྱོད་དེའི་སྲས་ཀྱིས་ཐམས་ཅད་མཁྱེན་པ་ཐོབ་པར་གྱུར་ནས་དེའི་བསྟན་པ་ལ་རབ་ཏུ་བྱུང་ཅིག་ཅེས་སྨྲས་སོ། །
D32.034.0222b02.01བྲམ་ཟེ་བདུན་པོ་རྣམས་ཀྱིས་ཀྱང་ཇི་སྲིད་ཚེ་གནས་ཀྱི་བར་ཇི་ལྟར་བྱས་པའི་ལས་རྟོགས་སོ། །བྲམ་ཟེའི་ཁྱེའུ་ཀཽཎྜི་ནྱ་ཉིད་ནད་མེད་པར་གྱུར་ནས་གནས་སོ། །དེའི་སེམས་དཔའ་ཆེན་པོ་བློ་དང་ལྡན་པ་ངེས་པར་འབྱུང་བ་ཆེན་པོས་མངོན་པར་བྱུང་ནས་{གོ་རིམས་,གོ་རིམ་}བཞིན་དུ་ལྟེང་རྒྱས་སུ་སོང་ངོ་། །ས་ཕྱོགས་འདི་ནི་
D32.034.0222b03.01ཉམས་དགའ་བས་རིགས་ཀྱི་བུས་ཕྱོགས་འདི་དཀའ་བ་སྤྱོད་པའི་གནས་སུ་རིག་པར་སེམས་སྐྱེས་པས་དེར་གནས་ཏེ་སྐྱེས་བུ་ཆེན་པོ་རབ་ཏུ་བྱུང་ངོ་ཞེས་ཐོས་ནས་བྲམ་ཟེའི་བུའི་གནས་སུ་ཉེ་བར་སོང་ངོ་ཞེས་སྨྲས་སོ། །གཞོན་ནུ་དོན་གྲུབ་རབ་ཏུ་བྱུང་ནས་ཐེ་ཚོམ་མེད་པར་དེ་སངས་རྒྱ་བར་འགྱུར་རོ། །གལ་ཏེ་ཁྱེད་
D32.034.0222b04.01རྣམས་ཀྱི་ཕ་ནད་མེད་པར་གནས་ན་དེ་རིང་ཕྱིན་ནས་རབ་ཏུ་བྱུང་བ་བྱེད་དོ། །གལ་ཏེ་ཁྱོད་ཀྱང་འདོད་ན་འདིར་འོངས་ནས་བདག་གིས་སྐྱེས་བུ་དེའི་རྗེས་སུ་རབ་ཏུ་འབྱུང་བར་བགྱིའོ། །དེ་ཐམས་ཅད་འདུན་པ་གཅིག་པར་མ་ནུས་པར་སྐྱེ་བོ་བཞི་པོ་ལས་ཀཽཎྜི་ནྱས་གཙོ་བོ་བྱས་ནས་སྐྱེ་བོ་ལྔ་པོ་རབ་ཏུ་བྱུང་སྟེ། དེ་
D32.034.0222b05.01རྣམས་ཀྱི་སྐྱེ་བོ་ལྔ་པོ་ནི་གནས་བརྟན་ལྔ་སྡེ་ཞེས་བྱ་བའི་རིགས་སུ་གྱུར་ཏོ། །གཞན་ཡང་དེའི་ཚེ་རྒྱལ་པོ་འདི་སྐད་དུ་གང་མཐོང་ནས་བདག་གི་བུ་རབ་ཏུ་འབྱུང་ཞེས་འདྲིའོ། །སྔོན་གྱི་མཚན་མ་བཞི་མཐོང་བས་དེ་གང་དང་རྒས་ཤིང་འཁོགས་པ་དང་ན་བ་དང་འཆི་བ་དང་རབ་ཏུ་བྱུང་བའོ། །རྒྱལ་པོས་འདི་རྣམས་
D32.034.0222b06.01བཟུང་ནས་འདི་ལྟ་བུའི་ཚུལ་བདག་གི་བུ་དང་ཉེ་བར་འོང་དུ་མ་འཇུག་ཅིག་བདག་གི་སྲས་ཀྱིས་སངས་རྒྱས་ཐོབ་ཀྱང་དོན་མེད་དོ། །བདག་གི་སྲས་སྟོང་ཕྲག་གཉིས་ཀྱི་གླིང་འཁོར་དང་བཅས་པའི་གླིང་ཆེན་པོ་བཞི་པོ་རྣམས་ཀྱི་དབང་ཕྱུག་གི་བདག་པོའི་རྒྱལ་པོ་བྱེད་ཅིང་དཔག་ཚད་སུམ་ཅུ་རྩ་དྲུག་གི་ཁོར་ཡུག་
D32.034.0222b07.01