完整藏文原文 · 德格版页 当前仅加载第 34 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱད་དོ། །དེ་བཞིན་དུ་གསུམ་པ་ལ་ཡང་ངོ་། །དེའི་ཚེ་བྱང་ཆུབ་སེམས་དཔའ་མཚམས་བཟང་ཞེས་བྱ་བ་རྫུ་འཕྲུལ་དང་ལྡན་པའི་དཀའ་ཐུབ་པར་གྱུར་ཏོ། །ལྷའི་འཇིག་རྟེན་གྱི་མན་དཱ་ར་བའི་མེ་ཏོག་གི་གདུགས་བླངས་ནས་སྟོན་པ་ལ་མཆོད་དོ། །དེ་ཡང་དེས་ལུང་བསྟན་
D32.034.0210b01.01ཏོ། །བཅོམ་ལྡན་འདས་དེའི་གྲོང་ཁྱེར་ནི་མཛེས་བྱེད་ཅེས་བྱ་བར་གྱུར་ཏོ། །ཡབ་ནི་རྒྱ་མཚོ་ཞེས་བྱ་བའི་རྒྱལ་པོའོ། །ཡུམ་ནི་བལྟ་ན་སྡུག་མའོ། །ཞི་བ་དང་ཉེ་བར་ཞི་བ་ནི་ཉན་ཐོས་ཀྱི་མཆོག་གོ། །འཇིགས་མེད་ནི་ཉེ་གནས་སོ། །ཆོས་མ་དང་ཆོས་བཟང་མ་ནི་ཉན་ཐོས་མའི་
D32.034.0210b02.01མཆོག་གོ། །བྱང་ཆུབ་ཀྱི་ཤིང་ནི་ཙམ་པ་ཀའི་ཤིང་ངོ་། །སྐུའི་མཐོ་ཚད་དུ་ཁྲུ་བརྒྱད་ཅུ་རྩ་བརྒྱད་དོ། །སྐུའི་འོད་ཀུན་ནས་འཁོར་བ་ལ་དུས་ཐམས་ཅད་དུ་དཔག་ཚད་གཅིག་གི་བར་དུ་ཁྱབ་ཅིང་གནས་སོ། །སྐུ་ཚེའི་ཚད་ནི་ལོ་འབུམ་ཕྲག་གཅིག་གོ། །སྙིང་པོའི་བསྐལ་པ་དེ་ཉིད་
D32.034.0210b03.01ལ། །དོན་མཐོང་མི་ཡི་ཁྱུ་མཆོག་ནི། །མུན་པ་ཆེན་པོ་བསལ་ནས་ནི། །ཡང་དག་བྱང་ཆུབ་མཆོག་ཐོབ་བོ། །དེའི་འོག་གི་ཆར་ཆོས་མཐོང་ཞེས་བྱ་བའི་སྟོན་པ་བྱོན་ནོ། །དེའི་ཡང་ཉན་ཐོས་འདུས་པ་གསུམ་དུ་འགྱུར་ཏེ། འདུས་པ་དང་པོ་ལ་བྱེ་བ་བརྒྱའི་དགེ་སློང་ངོ་། །གཉིས་པ་
D32.034.0210b04.01ལ་བྱེ་བ་བདུན་ཅུའོ། །གསུམ་པ་ལ་བྱེ་བ་བརྒྱད་ཅུའོ། །དེའི་ཚེ་བྱང་ཆུབ་སེམས་དཔའ་ལྷའི་རྒྱལ་པོ་བརྒྱ་བྱིན་དུ་གྱུར་ཏོ། །ལྷའི་དྲི་བཟང་དང་མེ་ཏོག་དང་ལྷའི་རོལ་མོ་རྣམས་ཀྱིས་མཆོད་དེ། དེ་ཡང་མ་འོངས་པ་ན་སངས་རྒྱ་བར་ལུང་བསྟན་ཏོ། །བཅོམ་ལྡན་འདས་དེའི་གྲོང་ཁྱེར་ནི་
D32.034.0210b05.01སྐྱབས་ཞེས་བྱ་བར་གྱུར་ཏོ། །ཡབ་ནི་སྐྱབས་ཀྱི་རྒྱལ་པོ་ཞེས་བྱའོ། །ཡུམ་ནི་ཤིན་ཏུ་དགའ་མ་ཞེས་བྱ་བའོ། །པད་མ་དང་ལྷར་གྱུར་པ་ནི་ཉན་ཐོས་ཀྱི་མཆོག་གོ། །ལེགས་སྤྱན་ཞེས་བྱ་བ་ནི་ཉེ་གནས་སོ། །དགེ་མ་དང་བདེན་མ་ཞེས་བྱ་བ་ནི་ཉན་ཐོས་མའི་མཆོག་གོ། །བྱང་ཆུབ་ཀྱི་ཤིང་ནི་པིམ་པ་ཛཱ་
D32.034.0210b06.01ལའི་ཤིང་ངོ་། །སྐུའི་མཐོ་ཚད་དུ་ཁྲུ་བརྒྱད་ཅུའོ། །སྐུ་ཚེའི་ཚད་ནི་ལོ་འབུམ་ཕྲག་གཅིག་གོ། །སྙིང་པོའི་བསྐལ་པ་དེ་ཉིད་ལ། །ཆོས་མཐོང་གྲགས་པ་ཆེན་པོ་ཡིས། །མུན་པ་ཆེན་པོ་བཅོམ་ནས་ནི། །ལྷ་དང་བཅས་པ་སྣང་བར་མཛད། །དེའི་འོག་གི་ཆར་འདི་ནས་བསྐལ་པ་དགུ་བཅུ་རྩ་བཞི་ནས་མགོ་
D32.034.0210b07.01