完整藏文原文 · 德格版页 当前仅加载第 55 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ལས་རྣམ་པར་གྲོལ་བ། སྲིད་པ་ལས་ཡོངས་སུ་གྲོལ་བ། ཆུ་བོ་ལས་རྒལ་བ། ཡེ་ཤེས་ཡོངས་སུ་རྫོགས་པ། འདས་པ་དང་མ་བྱོན་པ་དང་ད་ལྟར་གྱི་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་ལ་གནས་པ། མྱ་ངན་ལས་འདས་པ་ལ་མི་གནས་པ། ཡང་དག་པ་ཉིད་
D127.055.0010b01.01ཀྱི་མཐའ་ལ་གནས་པ། སེམས་ཅན་ཐམས་ཅད་ལ་གཟིགས་པའི་ས་ལ་བཞུགས་པ་སྟེ། གཞོན་ནུ་འདི་དག་ནི་དེ་བཞིན་གཤེགས་པའི་སངས་རྒྱས་ཀྱི་ཡོན་ཏན་ཡང་དག་པ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོས་སངས་རྒྱས་ཀྱི་ཡོན་ཏན་དང་། བསྔགས་པ་འདི་
D127.055.0010b02.01དག་དང་ལྡན་ཞིང་ཏིང་ངེ་འཛིན་འདི་ལ་བརྟེན་ནས་སྤོབས་པ་རྒྱུན་མི་འཆད་པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་སངས་རྒྱས་ཀྱི་ཡོན་ཏན་དང་བསྔགས་པ་ཡང་དག་པར་བསྟན་ན་དོན་དང་འབྲུ་ཡོངས་སུ་ཟད་པར་མི་འགྱུར་ཏེ། དེའི་ཚིག་
D127.055.0010b03.01ཐམས་ཅད་ཀྱང་སངས་རྒྱས་ཀྱིས་ཡོངས་སུ་གཟུང་བར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་དོན་དེ་ཉིད་གསལ་བར་བྱ་བའི་ཕྱིར་ཟླ་འོད་གཞོན་ནུར་གྱུར་པ་ལ་རྒྱས་པར་ཚིགས་སུ་བཅད་པའི་དབྱངས་ཀྱིས་རྒྱ་ཆེར་ཡང་དག་པར་རབ་ཏུ་བཤད་དོ། །བསྐལ་པ་སྟོང་ཕྲག་མང་པོར་
D127.055.0010b04.01རབ་བཤད་ཀྱང་། །རྒྱལ་བའི་བསྔགས་པ་ཐམས་ཅད་བརྗོད་མི་སླ། །ཏིང་འཛིན་ཞི་མཆོག་འདི་ནི་ཚོལ་བའི་ཕྱིར། །རྒྱལ་བས་དེ་ལྟའི་ཡོན་ཏན་ཡང་དག་བསྒྲུབས། །ངས་ནི་ཏིང་འཛིན་ཞི་མཆོག་འདི་ཚོལ་བས། །སྔོན་ཚེ་ཞུམ་པ་མེད་པའི་ཡིད་ཀྱིས་སུ། །བུ་མོ་གཟུགས་བཟང་
D127.055.0010b05.01ཤིན་ཏུ་བལྟ་ན་སྡུག །ལེགས་པར་ལུས་བརྒྱན་ཡིད་དུ་འོང་བ་བྱིན། །ངས་ནི་ཏིང་འཛིན་ཞི་མཆོག་འདི་ཚོལ་བས། །སྔོན་ཚེ་ཞུམ་པ་མེད་པའི་ཡིད་ཀྱིས་སུ། །དེ་བཞིན་བྲན་ཕོ་བྲན་མོ་ནོར་དང་འབྲུ། །དེ་བཞིན་ནོར་བུ་མུ་ཏིག་གསེར་དངུལ་བྱིན། །ངས་ནི་ཏིང་འཛིན་ཞི་མཆོག་
D127.055.0010b06.01འདི་ཚོལ་བས། །ནོར་བུ་རིན་ཆེན་སྣ་ཚོགས་མུ་ཏིག་ཕྲེང་། །གོས་དང་གདུ་བུ་གསེར་སྐུད་མཛེས་པ་དག །སྔོན་ཚེ་འདྲེན་པ་རྣམས་ལ་ངས་བཏང་བྱས། །བསྐལ་པ་བྱེ་བ་མཐའ་ཡས་དཔག་མེད་པར། །དྲི་མཆོག་དྲི་ལྡན་དབྱར་གྱི་མེ་ཏོག་དག །རབ་ཏུ་བླ་ན་མེད་པའི་སེམས་བསྐྱེད་
D127.055.0010b07.01