完整藏文原文 · 德格版页 当前仅加载第 55 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེ་ན། རྫུ་འཕྲུལ་གང་དང་ལྡན་པས་བྱང་ཆུབ་སེམས་དཔའ་སེམས་དཔའ་ཆེན་པོ་རྫུ་འཕྲུལ་གྱི་ཡུལ་རྣམ་པ་མང་པོ་མྱོང་བར་བྱེད་པ་ཡིན་ཏེ། གཅིག་ཏུ་གྱུར་ནས་མང་པོར་འགྱུར། མང་པོར་གྱུར་ནས་གཅིག་ཏུ་འགྱུར། སྣང་བར་གྱུར་ཅིང་མི་སྣང་བར་ཡང་འགྱུར། རྩིག་པ་ལ་
D127.055.0155a01.01ཡང་ཐད་ཀར་འགྲོ། ར་བ་ལ་ཡང་ཐད་ཀར་འགྲོ། རི་ལ་ཡང་མི་ཐོགས་པར་འགྲོ། ནམ་མཁའ་ལ་ཡང་འགྲོ་སྟེ། དཔེར་ན་འདབ་ཆགས་བྱ་བཞིན་ནོ། །ས་ལ་ཡང་སྟེང་དུ་འབྱུང་བ་དང་། བྱིའུ་ཟུལ་བྱེད་དེ། དཔེར་ན་ཆུ་ལ་བྱ་བ་བཞིན་ནོ། །ཆུ་ལ་ཡང་མི་ནུབ་པར་འགྲོ་སྟེ། དཔེར་ན་སའི་
D127.055.0155a02.01ཕུང་པོ་ཆེན་པོ་ལ་བྱ་བ་བཞིན་ནོ། །དུ་བ་འཐུལ་བར་ཡང་བྱེད་འབར་བར་ཡང་བྱེད་དེ། དཔེར་ན་མེའི་ཕུང་པོ་ཆེན་པོ་བཞིན་ནོ། །བདག་གི་ལུས་ལས་ཆུའི་རྒྱུན་ཆེན་པོ་ཁྲག་ཁྲིག་བརྒྱ་སྟོང་དུ་མ་འབྱིན་ཏེ། དཔེར་ན་སྤྲིན་ཆེན་པོ་བཞིན་ནོ། །ཆུའི་རྒྱུན་དེ་དག་གིས་སྟོང་གསུམ་གྱི་སྟོང་ཆེན་པོའི་
D127.055.0155a03.01འཇིག་རྟེན་གྱི་ཁམས་འདི་བསྲེགས་ཤིང་རབ་ཏུ་ཚིག་སྟེ། མེས་རབ་ཏུ་འབར་ཞིང་འབར་བ་གཅིག་ཏུ་གྱུར་པ་ཞི་བར་བྱེད་དོ། །ཟླ་བ་དང་ཉི་མ་འདི་གཉིས་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ། འདི་ལྟར་གཟི་བརྗིད་ཆེ་བ་ཡང་ལག་པས་འཛིན་ཅིང་ཀུན་ཏུ་ཉུག་པར་བྱེད་དོ། །ཚངས་པའི་
D127.055.0155a04.01འཇིག་རྟེན་གྱི་བར་དུ་སེམས་ཅན་རྣམས་ལ་ལུས་ཀྱིས་དབང་སྒྱུར་རོ། །དེ་ནས་ཡང་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །ས་ལ་བྱིའུ་ཟུལ་བྱེད་ཅིང་སྟེང་བྱུང་བྱེད། །ཆུ་དག་ལ་ཡང་ཐོགས་པ་མེད་པར་འགྲོ། །བྱ་བཞིན་ནམ་མཁའི་ངོས་ལ་འགྲོ་བར་བྱེད། །
D127.055.0155a05.01རྫུ་འཕྲུལ་གྱིས་ནི་དུད་འཐུལ་འབར་བར་བྱེད། །ཇི་ལྟར་བར་སྣང་ལ་ནི་རླུང་མི་ཐོགས། །སྤྲིན་གྱི་ཕུང་པོ་མང་པོ་འགྲོ་བ་ལྟར། །དེ་བཞིན་རྣལ་འབྱོར་པ་ཡང་ནམ་མཁའ་ལ། །རླུང་དང་སྤྲིན་བཞིན་དུ་ནི་ཐོགས་མེད་འགྲོ། །ཞིང་རྣམས་མེ་ཡིས་ཚིག་ཅིང་འབར་བ་དག །བྱང་ཆུབ་སེམས་དཔའ་
D127.055.0155a06.01མཁས་པས་དེ་མཐོང་ནས། །དེས་ནི་རང་གི་ལུས་ལས་ཆུ་ཕྱུང་སྟེ། །བྱེ་བ་སྙེད་ཀྱི་ཞིང་དེ་ཞི་བར་བྱེད། །བྱང་ཆུབ་སེམས་དཔའ་མཁས་པ་འདུག་བཞིན་དུ། །ཉི་ཟླ་ལ་ནི་ལག་པས་ཡོངས་སུ་འཛིན། །དེས་ནི་ཚངས་པའི་འཇིག་རྟེན་ཉེར་རིག་ནས། །ཚངས་པ་བྱེ་བ་དག་ལ་ཆོས་སྟོན་བྱེད། །
D127.055.0155a07.01