完整藏文原文 · 德格版页 当前仅加载第 55 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་འཇིགས་པ་ལ། །དཀའ་བ་དག་ནི་སྤྱད་བྱས་ཏེ། །མདོ་སྡེ་རིན་ཆེན་འདི་བསླབས་ན། །སྤོབས་པ་དག་ཀྱང་མི་ཟད་འགྱུར། །མདོ་སྡེ་འདི་ནི་རབ་བཏོན་ན། །སངས་རྒྱས་རྣམས་ཀྱི་མཛོད་བསྲུངས་ཏེ། །འདི་ནི་སངས་རྒྱས་ཀུན་མཆོད་པ། །ཆོས་ཀྱི་མཆོད་པ་བསམ་མི་ཁྱབ། །
D127.055.0109b01.01མ་རུངས་ཟད་པའི་དུས་ལ་ནི། །མདོ་སྡེ་འདི་དག་གང་འཛིན་པ། །དེ་དག་ཡེ་ཤེས་རྙེད་མི་དཀའ། །སངས་རྒྱས་ཡེ་ཤེས་བསམ་མི་ཁྱབ། །གང་གིས་སྔོན་གྱི་སངས་རྒྱས་ལས། །མདོ་སྡེ་འདི་དག་བཟུང་བ་ནི། །དེ་དག་ལུས་ལ་འཆང་གྱུར་ཏེ། །ཟད་པའི་དུས་ལ་རབ་ཏུ་འདོན། །སངས་
D127.055.0109b02.01རྒྱས་ཞིང་ནི་བྱེ་བར་ཡང་། །འཇིག་རྟེན་མགོན་པོའི་སྤྱན་སྔར་ཡང་། །ཤཱཀྱ་སེང་གེའི་སྤྱོད་པ་རྣམས། །དེ་དག་སྒྲར་ཡང་སྒྲོག་པར་འགྱུར། །དེ་དག་སངས་རྒྱས་སྤྱན་སྔར་ནི། །རྟག་ཏུ་སེང་གེའི་སྒྲ་སྒྲོག་སྟེ། །མཐའ་ཡས་པ་ཡི་སྤོབས་པ་ཡིས། །སངས་རྒྱས་བྱང་ཆུབ་འདི་ཡང་
D127.055.0109b03.01སྨྲ། །ཟད་དུས་འཇིགས་པ་ཆེན་པོའི་ཚེ། །བྱང་ཆུབ་འདི་ནི་གང་སྲུང་བ། །བུ་རམ་ཤིང་གི་རིགས་སྐྱེས་རྣམས། །སངས་རྒྱས་རྣམས་ཀྱིས་ལུང་བསྟན་ཡིན། །དེ་དག་གཟུགས་ནི་ཕུན་སུམ་ཚོགས། །མཚན་རྣམས་ཀྱིས་ཀྱང་རྣམ་པར་བརྒྱན། །སངས་རྒྱས་བྱེ་བར་ཕྱག་འཚལ་
D127.055.0109b04.01དུ། །རྣམ་པར་འཕྲུལ་པས་འགྲོ་བར་འགྱུར། །སྒྱུ་མ་ཡི་ནི་མེ་ཏོག་དག །གསེར་གྱི་མདོག་འདྲར་སྣང་བ་དང་། །བཻ་དཱུརྱ་དང་ཤེལ་དག་དང་། །དངུལ་གྱི་ཡང་ནི་མེ་ཏོག་རྣམས། །རིན་ཆེན་རིགས་རྣམས་ཐམས་ཅད་ཀྱང་། །དེ་ཡི་ལག་ནས་འབྱུང་བར་འགྱུར། །བྱང་ཆུབ་ལམ་
D127.055.0109b05.01རྣམས་ཚོལ་བའི་ཕྱིར། །དེ་དག་སངས་རྒྱས་རྣམས་ལ་འཐོར། །མཆོད་པ་རྣམ་པ་སྣ་ཚོགས་དང་། །རོལ་མོ་སྒྲུབ་པ་ཕུན་སུམ་ཚོགས། །གང་གཱ་ཡི་ནི་བྱེ་མ་སྙེད། །བ་སྤུའི་ཁུང་ནས་འབྱུང་བར་འགྱུར། །སེམས་ཅན་བྱེ་བ་བསམ་མི་ཁྱབ། །གང་དག་སྒྲ་འདི་ཐོས་པ་ནི། །སངས་
D127.055.0109b06.01རྒྱས་ཡེ་ཤེས་བླ་མེད་ལས། །དེ་དག་ཕྱིར་ཡང་མི་ལྡོག་འགྱུར། །སངས་རྒྱས་བྱེ་བ་དེ་དག་གི། །བསྔགས་པ་བསམ་གྱིས་མི་ཁྱབ་བརྗོད། །བསམ་གྱིས་མི་ཁྱབ་ཞིང་རྣམས་སུ། །དེ་དག་སྒྲ་ཡང་ཐོས་པར་འགྱུར། །གང་གིས་སྒྲ་དེ་ཐོས་པ་ནི། །དེ་དག་འདུ་ཤེས་འགགས་
D127.055.0109b07.01