完整藏文原文 · 德格版页 当前仅加载第 55 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
གཅོད་པ་དང་སེམས་ཅན་ཐམས་ཅད་ལ་སྐལ་བའི་ཤས་སྦྱིན་པ་དང་དེ་ལ་དམིགས་པའི་བྱམས་པ་སྒོམ་པ་དང་ཚེ་འདི་ལ་བདེ་བ་འཐོབ་པ་སྟེ། གཞོན་ནུ་བཅུ་པོ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་ལྷུར་བྱེད་པ། ཆོས་ཀྱི་སྦྱིན་པ་སྦྱིན་པར་བྱེད་པའི་ཕན་ཡོན་
D127.055.0092a01.01ནོ། །དེ་ལ་འདི་སྐད་ཅེས་བྱ་སྟེ། སུ་དག་སེར་སྣ་མེད་པར་ནི། །ཆོས་ཀྱི་སྦྱིན་པ་མཆོག་སྦྱིན་བྱེད། །དེ་ཡི་ལེགས་པ་རྣམ་བཅུར་ནི། །འཇིག་རྟེན་མགོན་པོས་རབ་ཏུ་བཤད། །བྱ་བ་མ་ཡིན་ཐམས་ཅད་སྤོང་། །མཁས་པ་བྱ་བ་རྣམས་ལ་འཇུག །སྐྱེས་བུ་དམ་པའི་ཆོས་ལ་དད། །གཏོང་
D127.055.0092a02.01བའི་སེམས་ལ་སྟེན་པར་བྱེད། །སངས་རྒྱས་ཞིང་ཡང་རྣམ་སྦྱོང་སྟེ། །དེ་ཡི་ཞིང་ནི་བསམ་མི་ཁྱབ། །བྱང་ཆུབ་སྙིང་པོར་རྟག་ཏུ་འདུག །ཆོས་ཀྱི་སྦྱིན་པའི་འབྲས་བུ་འདི། །དངོས་པོ་ཐམས་ཅད་གཏོང་བྱེད་ཅིང་། །ཆོས་ཀྱི་རྒྱལ་པོའི་རྗེས་སུ་སློབ། །ཉོན་མོངས་པ་ཡང་ཚར་བཅད་པ། །
D127.055.0092a03.01དེ་ལ་བྱང་ཆུབ་རྙེད་མི་དཀའ། །སེམས་ཅན་ཀུན་ན་སྐལ་བའི་ཤས། །བྱམས་པའི་སེམས་ཀྱིས་རབ་ཏུ་སྦྱིན། །དེ་ནི་ཕྲག་དོག་མེད་འགྱུར་ཏེ། །མི་མ་ཡིན་པའི་སྐྱིད་པ་འཐོབ། །མཁས་པས་བྱ་བ་མ་ཡིན་རྣམ་སྤངས་ཏེ། །རྟོགས་པར་བྱ་བ་དག་ལ་གནས་པར་བྱེད། །མཁས་པ་སུ་
D127.055.0092a04.01དག་ཆོས་ཀྱི་སྦྱིན་པ་གཏོང་། །བདག་ཉིད་ཆེན་པོའི་ཆོས་ལ་རྟག་ཏུ་གནས། །དེ་ཡི་ཞིང་ཡང་རྣམ་པར་དག་པར་འགྱུར། །བྱང་ཆུབ་ཕྱོགས་ཀྱི་ཆོས་རྣམས་རྣམ་པར་འཕེལ། །བྱང་ཆུབ་སྙིང་པོར་རྟག་ཏུ་ཉེ་བར་འགྱུར། །ཆོས་རྣམས་བྱིན་པའི་ཕན་ཡོན་འདི་དག་གོ། །ཉོན་མོངས་མེད་
D127.055.0092a05.01ཅིང་དངོས་པོ་ཡོངས་སུ་བཏང་། །དངོས་པོའི་རང་གི་མཚན་ཉིད་རབ་ཏུ་ཤེས། །ཡོངས་སུ་འཛིན་པ་ཀུན་ལས་རྣམ་པར་གྲོལ། །དེ་ལ་ཆགས་པ་ནམ་ཡང་ཡོང་མི་འགྱུར། །མཁས་པའི་སེམས་ནི་ཤིན་ཏུ་ཉེར་གཞག་པ། །སེམས་ཅན་ཐམས་ཅད་བདེ་བར་གྱུར་ཅིག་ཅེས། །དེ་ནི་
D127.055.0092a06.01བྱམས་སེམས་འགྱུར་ཞིང་ཕྲག་དོག་མེད། །ཚེ་འདི་དག་ལའང་བདེ་བ་མི་ཉུང་འགྱུར། །གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་པ་ཉིད་ལ་གནས་པའི་ཕན་ཡོན་ནི་འདི་བཅུ་སྟེ། བཅུ་གང་ཞེ་ན། འདི་ལྟ་སྟེ། སངས་རྒྱས་ཀྱི་སྤྱོད་པ་ལ་གནས་པ་དང་མི་གནས་པར་
D127.055.0092a07.01