完整藏文原文 · 德格版页 当前仅加载第 55 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐལ་པ་གྲངས་མེད་པ་བས་ཀྱང་ཆེས་གྲངས་མེད་པ། ཡངས་པ། ཚད་མེད་པ། བསམ་གྱིས་མི་ཁྱབ་པ་དེའི་ཚེ་དེའི་དུས་ན་ཡེ་ཤེས་སྣང་བ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་
D127.055.0152a01.01པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་སྟེ། གཞོན་ནུ་དེའི་ཚེ་དེའི་དུས་ན་བཅོམ་ལྡན་འདས་ཡེ་ཤེས་སྣང་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D127.055.0152a02.01རྫོགས་པའི་སངས་རྒྱས་དེའི་ཚེའི་ཚད་ནི་ལོ་བྱེ་བ་ཕྲག་དྲུག་ཅུར་གྱུར་ཏོ། །དགྲ་བཅོམ་པ་བྱེ་བ་ཕྲག་དྲུག་ཅུའི་ཉན་ཐོས་ཀྱི་དགེ་འདུན་བྱུང་ངོ་། །བྱང་ཆུབ་སེམས་དཔའ་སེམས་དཔའ་ཆེན་པོ་དམ་པའི་ཆོས་ཡོངས་སུ་འཛིན་པ་ཡང་དཔག་ཏུ་མེད་པ་བྱུང་ངོ་། །གཞོན་ནུ་དེའི་ཚེ་དེའི་དུས་ན་
D127.055.0152a03.01རྒྱལ་པོ་ཁྱད་པར་སེམས་ཞེས་བྱ་བ་ཞིག་བྱུང་སྟེ། རྒྱལ་པོ་ཁྱད་པར་སེམས་དེ་སྲོག་ཆགས་བྱེ་བ་ཕྲག་བརྒྱད་ཅུ་དང་ལྷན་ཅིག་ཏུ་དེ་བཞིན་གཤེགས་པའི་དྲུང་དུ་འོངས་སོ། །འོངས་ནས་དེ་བཞིན་གཤེགས་པའི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་
D127.055.0152a04.01བསྐོར་བ་བྱས་ནས་ཕྱོགས་གཅིག་ཏུ་འདུག་གོ། །རྒྱལ་པོ་ཁྱད་པར་སེམས་ཕྱོགས་གཅིག་ཏུ་འདུག་ནས་དེ་བཞིན་གཤེགས་པ་ལ་བསྙེན་བཀུར་བྱེད་དོ། །དེ་ནས་ཡེ་ཤེས་སྣང་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་རྒྱལ་པོ་ཁྱད་པར་སེམས་འཁོར་
D127.055.0152a05.01དང་བཅས་པའི་ལྷག་པའི་བསམ་པ་མཁྱེན་ནས་ཆོས་ཀྱི་རྣམ་གྲངས་འདི་ལས་ལུས་ཀྱི་སྡོམ་པའི་ཏིང་ངེ་འཛིན་གྱི་སྒོར་འཇུག་པའི་ཚིགས་སུ་བཅད་པའི་དབྱངས་ཀྱིས་ཡང་དག་པར་རབ་ཏུ་བསྟན་ཏོ། །ཇི་ལྟར་བར་སྣང་ནམ་མཁའ་རྣམ་དག་སྟེ། །ཤིན་ཏུ་དག་ཅིང་རང་བཞིན་འོད་གསལ་བ། །
D127.055.0152a06.01དེ་བཞིན་ལུས་ཀྱི་སྡོམ་པ་དག་པ་ཡང་། །དབྱངས་ཀྱིས་བསྟན་པར་ནམ་ཡང་ནུས་མི་འགྱུར། །ལུས་ཀྱི་སྡོམ་པ་འདི་ནི་དབེན་ཞིང་སྟོང་། །འདི་འདྲ་གཉིས་པོ་ལུས་ཀྱི་མཚན་ཉིད་དེ། །དེ་དག་མཚན་ཉིད་མེད་པ་བར་སྣང་བཞིན། །ལུས་ཀྱི་སྡོམ་པ་དེ་ཡི་མཚན་ཉིད་བཤད། །སྡོམ་པའི་
D127.055.0152a07.01