完整藏文原文 · 德格版页 当前仅加载第 55 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
མཁྱེན། །སེམས་དང་ཁམས་དང་མོས་པ་དག་ལའང་མཁས་ཤིང་རིག །གང་གི་དོན་དུ་འཛུམ་པ་འདི་དག་བསྟན་པ་མཛད། །མི་ཡི་གཙོ་བོ་ལ་ནི་གང་གིས་མཆོད། །གང་གི་དོན་ནི་རྒྱ་ཆེ་ཡངས་པར་འགྱུར། །སྤྱོད་པ་འདི་ཡང་སུ་དག་རབ་ཏུ་འཛིན། །ཐུབ་པ་
D127.055.0049a01.01གང་གི་དོན་དུ་འཛུམ་འདི་བསྟན། །ས་ཡང་རྣམ་པ་དྲུག་ཏུ་རབ་ཏུ་གཡོས། །པད་མ་བྱེ་བ་འདབ་མ་བྱེ་བར་ལྡན། །གསེར་གྱི་པད་མ་ཤིན་ཏུ་འོད་གསལ་བ། །མཛེས་ཤིང་ཡིད་དུ་འཐད་པ་ས་ལས་བྱུང་། །བྱང་ཆུབ་སེམས་དཔའ་རྫུ་འཕྲུལ་རབ་ཆེ་བ། །རྒྱལ་བའི་ཐུགས་ཀྱི་སྲས་པོ་
D127.055.0049a02.01དེ་ལ་མཆིས། །ཆོས་སྨྲ་བ་ཡང་མང་པོ་འདིར་མཆིས་ཏེ། །འདྲེན་པ་ལ་ནི་དེ་ཡི་སླད་དུ་ཞུ། །རྔ་དང་དུང་དང་འཁར་རྔ་སྒྲ་ཆེན་དང་། །སིལ་སྙན་བྱེ་བ་ཁྲག་ཁྲིག་བརྡུངས་པ་ཡི། །དེ་དག་སྒྲ་ནི་ནམ་མཁའ་འདི་ལས་གདའ། །བདེ་བར་གཤེགས་པའི་དབྱངས་ནི་བསམ་མི་ཁྱབ། །ཁྲུང་ཁྲུང་
D127.055.0049a03.01ངང་པ་ཀ་ལ་པིང་ཀ་དང་། །ཁུ་བྱུག་བྱ་ཚོགས་མང་པོ་འདུས་པ་ཡི། །སྒྲ་དབྱངས་རབ་ཏུ་སྙན་པ་ཕྱུང་བ་ཡང་། །དེ་དག་སངས་རྒྱས་དབྱངས་ཀྱི་ཆར་མི་ཕོད། །གང་གིས་སྦྱིན་དང་དུལ་དང་ལེགས་སྡོམ་རྣམས། །སྔོན་གྱི་བསྐལ་པ་མང་པོར་བསྙེན་པར་བགྱིས། །གང་གིས་མི་
D127.055.0049a04.01ཡི་གཙོ་བོ་རབ་མཆོད་ན། །སུ་ཡི་སླད་དུ་འཛུམ་པ་འདི་དག་བསྟན། །རི་མོ་གུས་པ་མཆོག་ཀྱང་བསྐྱེད་ནས་ནི། །སངས་རྒྱས་བྱང་ཆུབ་ཇི་ལྟར་ཐོབ་འགྱུར་ཞེས། །གང་གིས་རྐང་གཉིས་གཙོ་ལ་སྔོན་ཆད་ཞུས། །སུ་ཡི་སླད་དུ་འཛུམ་པ་འདི་དག་བསྟན། །སྟོབས་བཅུ་ལྡན་པ་
D127.055.0049a05.01ཇི་སྙེད་འདས་པ་དང་། །ད་ལྟར་བྱུང་དང་མ་བྱོན་བདེ་གཤེགས་དང་། །མི་ཡི་གཙོ་བོ་ཐམས་ཅད་རབ་ཏུ་མཁྱེན། །དེ་ཕྱིར་སྐྱེ་དགུའི་དོན་དུ་ཞུ་བ་ལགས། །སྲོག་ཆགས་ཀུན་གྱི་སྤྱོད་ཡུལ་མཐའ་ཡས་དང་། །མི་རྣམས་གང་གི་བསམ་པ་ཇི་འདྲ་དང་། །སྐྱེ་དགུའི་སེམས་ཀྱི་
D127.055.0049a06.01རྒྱུད་ཀྱང་རབ་ཏུ་མཁྱེན། །དེ་ཕྱིར་མི་ཡི་གཙོ་ལ་ཞུ་བ་ལགས། །རྒྱུ་དང་རིགས་པ་འདུལ་ལ་མཁས་པ་དག །སངས་རྒྱས་ཡེ་ཤེས་ཇི་ལྟར་ཐོབ་སྙམ་པ། །སྤྱོད་པ་མཆོག་ལ་སུ་དག་སྤྱོད་པ་རྣམས། །དེ་ཕྱིར་བདག་ནི་རྐང་གཉིས་གཙོ་ལ་ཞུ། །གང་གིས་ཕྲ་ཞིང་ཤིན་ཏུ་བལྟ་དཀའི་
D127.055.0049a07.01