完整藏文原文 · 德格版页 当前仅加载第 55 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །མདོ་སྡེ་གཞན་ཡང་བྱེ་བ་དང་། །སངས་རྒྱས་བྱང་ཆུབ་རབ་ཏུ་སྟོན། །སེམས་ཅན་མང་པོ་བསམ་མི་ཁྱབ། །ཕྱིར་མི་ལྡོག་ལ་འགོད་པར་བྱེད། །སངས་རྒྱས་བྱང་ཆུབ་རབ་སྟོན་ཀྱང་། །སྤོབས་པ་དག་ནི་ཟད་མི་འགྱུར། །རིན་ཆེན་རྣམ་པར་བརྒྱན་པ་ཡི། །
D127.055.0046a01.01ཁང་པ་བརྩེགས་ཞུགས་དེ་འགྲོ་སྟེ། །དྲི་དང་ལྡན་པའི་མེ་ཏོག་གིས། །འདྲེན་པ་ལ་ཡང་མངོན་པར་འཐོར། །དྲི་དང་ལྡན་པའི་ཕྱེ་མས་ཀྱང་། །འདྲེན་པ་ལ་ནི་རབ་ཏུ་འཐོར། །དེ་དག་ཐམས་ཅད་བྱང་ཆུབ་ཕྱིར། །རྒྱ་ཆེ་བ་ཡི་མཆོད་པ་བྱེད། །བྱང་ཆུབ་སེམས་དཔའ་སྐྱོབ་པ་ཡི། །ཡོན་ཏན་དཔག་
D127.055.0046a02.01མེད་དེ་དག་ནི། །ནམ་ཞིག་ཉོན་མོངས་མེད་གྱུར་པ། །དེ་ཚེ་རྫུ་འཕྲུལ་དེ་དག་འཐོབ། །ཉོན་མོངས་དག་ནི་མི་སྐྱེ་ཞིང་། །དག་པ་དང་བ་འོད་གསལ་བ། །མི་འཁྲུགས་འདུས་མ་བྱས་པ་ནི། །བྱང་ཆུབ་སེམས་དཔའི་སྤྱོད་ཡུལ་ལོ། །རབ་ཏུ་ཞི་ཞིང་ཉེ་བར་ཞི། །ཉོན་མོངས་མེད་ཅིང་མྱ་ངན་བྲལ། །
D127.055.0046a03.01སྤྲོས་མེད་རྣམ་པར་མ་སྤྲོས་པ། །སྤྲོས་པ་དག་ལས་ཤིན་ཏུ་འདས། །ཡི་གེའི་སྤྱོད་པ་མེད་པ་ནི། །ཆོས་རྣམས་ཀུན་གྱི་མཚན་ཉིད་དེ། །དབྱངས་ཀྱིས་རིག་པར་དགའ་བས་ན། །དེ་ཕྱིར་ཏིང་ངེ་འཛིན་ཅེས་བྱ། །ཟད་མི་ཤེས་ཤིང་ཉེ་བར་ཞི། །ལྷུན་གྱིས་འགྲུབ་ཅིང་བསྟན་མེད་པ། །རྙོག་
D127.055.0046a04.01མེད་ཡང་དག་ཉིད་ཀྱི་མཐའ། །སངས་རྒྱས་ཀུན་གྱི་སྤྱོད་ཡུལ་ལོ། །འོང་དང་འགྲོ་བ་མེད་པ་དང་། །སྤྲོས་མེད་ལྷུན་གྱིས་གྲུབ་པ་ཡི། །ཆོས་རྣམས་ཀུན་གྱི་རང་བཞིན་ནི། །སངས་རྒྱས་ཀུན་གྱི་བསླབ་པ་སྟེ། །རྫོགས་པའི་སངས་རྒྱས་འདི་བསླབས་ནས། །ཡོན་ཏན་དག་གི་ཕ་རོལ་ཕྱིན། །
D127.055.0046a05.01ཚུ་རོལ་དང་ནི་ཕ་རོལ་མེད། །སྔོན་མཐའ་རྣམ་པར་མ་བརྟགས་ཏེ། །དེ་ཕྱིར་སངས་རྒྱས་དེ་དག་ཀུན། །ཡོན་ཏན་དག་གི་ཕ་རོལ་ཕྱིན། །འོང་དང་འགྲོ་བ་མེད་པ་དང་། །སྤྲོས་མེད་ལྷུན་གྱིས་གྲུབ་པ་ཡི། །ཆོས་ཀྱི་རང་བཞིན་མཁྱེན་ནས་ནི། །དེ་དག་དེ་ལས་ཕ་རོལ་ཕྱིན། །ཏིང་ངེ་
D127.055.0046a06.01འཛིན་ངེས་པར་བསྟན་པའི་ལེའུ་སྟེ་བཅུ་གསུམ་པའོ།། །།འཕགས་པ་ཏིང་ངེ་འཛིན་གྱི་རྒྱལ་པོའི་མདོ། བམ་པོ་ལྔ་པ། དེ་ནས་ཟླ་འོད་གཞོན་ནུར་གྱུར་པ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་
D127.055.0046a07.01