完整藏文原文 · 德格版页 当前仅加载第 55 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་ཡོན་ཏན་རིན་ཆེན་མངའ། །རང་འབྱུང་ཡོན་ཏན་ཐམས་ཅད་ཀྱིས་ནི་མཉམ་མེད་མཉམ། །དེ་ལྟར་སྟོབས་བཅུ་བདེན་པ་གསུང་ལ་བསྟོད་ནས་ནི། །གཞོན་ནུ་ཡིད་ཀྱང་རབ་ཏུ་དགའ་བས་ཚིག་སྨྲས་པ། །སངས་རྒྱས་གཞལ་མེད་དཔག་ཡས་ལ་ནི་མཆོད་པ་ཡིས། །ཤཱཀྱ་
D127.055.0048b01.01ཐུབ་བཞིན་བདག་ཀྱང་སངས་རྒྱས་གྱུར་ཅིག་སྨྲ། །བདེ་བར་གཤེགས་པས་དེ་ཡི་སྤྱོད་པ་མཆོག་མཁྱེན་ནས། །མི་དབང་ཆགས་མེད་ཡེ་ཤེས་མངའ་བ་འཛུམ་པ་མཛད། །སྟོབས་བཅུ་སྲས་ཀྱི་ཐུ་བོ་བྱམས་པས་དེ་ཞུས་ཏེ། །འདྲེན་པས་གང་གི་སླད་དུ་འདི་ལྟར་འཛུམ་པ་མཛད། །ས་
D127.055.0048b02.01འདི་དག་ཀྱང་རྣམ་པ་དྲུག་ཏུ་ཡོངས་སུ་གཡོས། །ལྷ་དང་ཀླུ་རྣམས་མཁའ་ལ་འདུག་ཅིང་རབ་དགའ་སྟེ། །ཤིན་ཏུ་སེམས་རངས་མགུ་བས་སངས་རྒྱས་ལྟ་ཞིང་མཆིས། །བདེ་གཤེགས་ཟིལ་གྱིས་མ་ནོན་དེ་དག་ལུང་བསྟན་གསོལ། །སྐྱེས་བུ་མཆོག་གི་ཡེ་ཤེས་གང་ལ་ཞུགས་པ་ནི། །
D127.055.0048b03.01བཅོམ་ལྡན་འདས་ཀྱི་ཉན་ཐོས་དག་གི་ས་མ་ལགས། །རྒྱལ་བ་ཁྱོད་ཀྱིས་གང་གི་སླད་དུ་འཛུམ་མཛད་པ། །ཡེ་ཤེས་རྣམ་དག་དཔེ་མེད་ཡེ་ཤེས་མ་ལུས་གསུངས། །ཤཱཀྱའི་སེང་གེ་སྟོབས་བཅུ་མངའ་ཞིང་རྣམ་འདྲེན་པ། །རྐང་གཉིས་གཙོ་བོ་ཡེ་ཤེས་ཀྱི་ཡང་ཕ་རོལ་ཕྱིན། །འདོད་
D127.055.0048b04.01ཆགས་དང་ནི་ཞེ་སྡང་ཐ་བ་གཏི་མུག་སེལ། །རབ་ཏུ་འོད་སྣང་མཛད་པ་ཁྱོད་ལ་ཞུ་བ་ལགས། །བྱང་ཆུབ་དམ་པ་མཆོག་འདི་རབ་ཏུ་ཚོལ་བའི་ཕྱིར། །འདྲེན་པ་ཁྱོད་ཀྱིས་བསྐལ་པ་གང་གཱའི་བྱེ་སྙེད་དང་། །དེ་ལས་ལྷག་པར་ཡང་ནི་སྤྱོད་པ་རབ་ཏུ་སྤྱད། །གང་གི་དོན་དུ་འཛུམ་པ་
D127.055.0048b05.01འདི་མཛད་བསྟན་དུ་གསོལ། །ཡེ་ཤེས་དམ་པ་མཆོག་འདི་རབ་ཏུ་ཚོལ་བའི་ཕྱིར། །སྟོན་པས་ཕྱག་དང་ཞབས་ཀྱང་ཡོངས་སུ་བཏང་བ་མཛད། །སྲས་དང་བཙུན་མོ་གཉེན་བཤེས་རྩ་ལག་ཕངས་པ་བཏང་། །ཐུབ་པ་འཛུམ་པ་བསྟན་པ་འདི་ཡི་རྒྱུ་གང་ལགས། །རྟ་དང་བ་གླང་
D127.055.0048b06.01དང་ནི་ཤིང་རྟ་རྐང་ཐང་དང་། །བྲན་དང་ནོར་བུ་དངུལ་དང་མུ་ཏིག་ཁྱོད་ཀྱིས་བཏང་། །སྤྱོད་པ་མཆོག་སྤྱོད་ཚེ་ནི་ཁྱོད་ཀྱིས་མ་བཏང་བ། །རིན་པོ་ཆེ་དང་ནོར་རྫས་དག་ནི་གང་ཡང་མེད། །སྲིད་པ་གསུམ་ན་ཡེ་ཤེས་དག་ནི་མཆོག་ཏུ་གྱུར། །སེམས་ཅན་ཐམས་ཅད་ཀྱི་ནི་སྤྱོད་པ་རབ་ཏུ་
D127.055.0048b07.01