完整藏文原文 · 德格版页 当前仅加载第 55 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
ཏིང་འཛིན་མཆོག་ཡོད་པ། །རྒྱལ་བ་བྱམས་པ་གྲགས་པ་མཐའ་ཡས་བཞིན། །སེམས་ཅན་རྣམས་ཀྱི་དོན་མང་བྱེད་འགྱུར་ཞེས། །བློ་གྲོས་མཐའ་ཡས་དེ་ནི་ངས་ལུང་བསྟན། །ཏིང་འཛིན་མཆོག་འདི་མི་གང་འཛིན་པ་ནི། །དེ་དག་དྲན་དང་ལྡན་ཞིང་བློ་གྲོས་ལྡན། །རྟོགས་ལྡན་ཡེ་ཤེས་
D127.055.0099b01.01འཕགས་པ་ཐོས་པ་འཛིན། །དེ་ཡི་སྤོབས་པ་དག་ཀྱང་རྒྱ་ཆེར་འགྱུར། །མི་གང་ཏིང་འཛིན་མཆོག་འདི་འཛིན་པ་ནི། །ལྷ་རྣམས་ཀྱིས་ཀྱང་མཆོད་པར་བྱ་བ་ཡིན། །མིས་ཀྱང་རྟག་ཏུ་ཕྱག་བྱར་འོས་པ་སྟེ། །ཁོར་མོར་འབྱུང་བའི་ཚོགས་ཀྱིས་མངོན་པར་སྲུང་། །མི་གང་ཏིང་འཛིན་མཆོག་འདི་
D127.055.0099b02.01འཛིན་པ་ནི། །དེ་དག་མེ་དང་ཆུར་ཡང་མི་འཆི་ཞིང་། །དེ་ལ་དུག་དང་མཚོན་གྱིས་མི་ཚུགས་ཏེ། །དགྲ་དག་གིས་ཀྱང་བརྒལ་བར་མི་ནུས་འགྱུར། །མི་གང་ཏིང་འཛིན་མཆོག་འདི་འཛིན་པ་ནི། །དེ་དག་ནགས་ཁྲོད་གཤོང་གནས་རྟག་པར་ཡང་། །ལྷ་དག་ཁོར་མོར་བསྙེན་བཀུར་
D127.055.0099b03.01བྱེད་པར་འགྱུར། །གནོད་སྦྱིན་མང་པོ་དེ་ཡི་གཡོག་ཀྱང་བྱེད། །མི་གང་ཏིང་འཛིན་མཆོག་འདི་འཛིན་པ་ནི། །ཡེ་ཤེས་དག་ཀྱང་རྒྱ་མཚོ་འདྲ་བར་འགྱུར། །ཐུབ་པའི་ཡོན་ཏན་བརྗོད་ལ་ཐོགས་པ་མེད། །སངས་རྒྱས་ཡོན་ཏན་ཡང་དག་རྗོད་པར་བྱེད། །མི་གང་ཏིང་འཛིན་མཆོག་འདི་འཛིན་པ་ནི། །
D127.055.0099b04.01དེ་ཡི་ཐོས་པ་མཐའ་ཡས་མུ་མེད་དེ། །ཚད་རྙེད་མི་འགྱུར་ཇི་ལྟར་ནམ་མཁའ་བཞིན། །ཡེ་ཤེས་སྒྲོན་མ་འཛིན་ཅིང་རབ་རིབ་སེལ། །མི་གང་ཏིང་འཛིན་མཆོག་འདི་འཛིན་པ་ནི། །རྟག་པར་འཇམ་ཞིང་རིགས་པའི་ཚིག་སྨྲ་སྟེ། །འཁོར་གྱི་ནང་དུ་དགའ་བར་འགྱུར་བ་སྟོན། །སེང་གེ་བཞིན་
D127.055.0099b05.01དུ་དེ་ནི་སྒྲ་རྣམས་སྒྲོག །མི་གང་ཏིང་འཛིན་མཆོག་འདི་འཛིན་པ་ནི། །དེ་ནི་སྨན་པ་དཔྱད་མཁན་འདྲ་བར་ཡང་། །མང་པོའི་རྟེན་དང་དཔུང་གཉེན་སྐྱབས་སུ་འགྱུར། །འཇིག་རྟེན་དག་ན་སྣང་བར་གྱུར་ཅིང་སྤྱོད། །མི་གང་ཏིང་འཛིན་མཆོག་འདི་འཛིན་པ་ནི། །འཁྲིག་པ་དག་ལ་ཡིད་
D127.055.0099b06.01ཀྱང་དགའ་མི་བྱེད། །ཞི་གནས་དགའ་ཞིང་བསམ་གཏན་བདེ་བ་རེག །རབ་ཏུ་ཞི་བའི་དབྱིངས་སུ་ཞི་བར་སྨྲ། །མི་གང་ཏིང་འཛིན་མཆོག་འདི་འཛིན་པ་ནི། །དེ་ཡིད་མཚན་མ་དག་ལ་མི་དགའ་སྟེ། །མཚན་མ་མང་པོ་ཐམས་ཅད་རྣམ་པར་བཤིག །མཁས་པ་རྟག་ཏུ་མཉམ་པར་
D127.055.0099b07.01