完整藏文原文 · 德格版页 当前仅加载第 55 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་རིག་པ་མྱུར་དུ་མངོན་སུམ་བྱེད། །ཚིག་གི་རྒྱུན་མི་འཆད་ཅིང་སྤོབས་པར་ལྡན། །མདོ་སྡེ་བྱེ་བ་ཁྲག་ཁྲིག་སྟོན་པར་བྱེད། །སངས་རྒྱས་བྱང་ཆུབ་མྱུར་དུ་དེ་འཛིན་ཏེ། །འདྲེན་པ་དག་གིས་བསྟན་པ་ཡོངས་སུ་སྲུང་། །དེས་ནི་ཕ་རོལ་རྒོལ་བ་ཀུན་བཅོམ་སྟེ། །སངས་རྒྱས་ཀྱི་ཡང་བྱང་ཆུབ་
D127.055.0093b01.01རྒྱས་པར་བྱེད། །བྱང་ཆུབ་སེམས་དཔའ་དེ་ནི་ཤི་འཕོས་ནས། །བདེ་བ་ཅན་གྱི་འཇིག་རྟེན་ཁམས་སུ་འགྲོ། །ཚེ་དཔག་མེད་ལས་ཆོས་བཟང་མཆོག་ཐོས་ནས། །སྐྱེ་བ་མེད་པའི་ཆོས་ལ་བཟོད་པ་འཐོབ།། །།འཕགས་པ་ཏིང་ངེ་འཛིན་གྱི་རྒྱལ་པོའི་མདོ། བམ་པོ་དགུ་པ། གཞོན་ནུ་
D127.055.0093b02.01བྱང་ཆུབ་སེམས་དཔའ་སེམས་དཔའ་ཆེན་པོ་དགོན་པར་གནས་པ་ལྷུར་བྱེད་པ་དག་གི་ཕན་ཡོན་ནི་འདི་བཅུ་སྟེ། བཅུ་གང་ཞེ་ན། འདི་ལྟ་སྟེ། བྱ་བ་ཉུང་བར་གནས་པ་དང་འདུ་འཛི་རིང་བ་ནས་ཀྱང་རིང་དུ་སྤོང་བ་དང་དེ་ལ་རྩོད་པ་མེད་པར་འགྱུར་བ་དང་། གནོད་པ་མེད་པར་གནས་པ་དང་ཟག་པ་འཕེལ་བར་
D127.055.0093b03.01མི་བྱེད་པ་དང་རྩོད་པའི་གཞིར་མི་བྱེད་པ་དང་ཤིན་ཏུ་ཞི་བར་སྤྱོད་པ་དང་ཤིན་ཏུ་བསྡམས་པར་གནས་པ་དང་ཐར་པ་དང་འཐུན་པའི་སེམས་ཀྱི་རྒྱུད་དུ་འགྱུར་བ་དང་། མྱུར་དུ་རྣམ་པར་གྲོལ་བ་མངོན་སུམ་དུ་བྱེད་པ་སྟེ། གཞོན་ནུ་བཅུ་པོ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་དགོན་པར་
D127.055.0093b04.01གནས་པ་ལྷུར་བྱེད་པའི་ཕན་ཡོན་ནོ། །དེ་ལ་འདི་སྐད་ཅེས་བྱ་སྟེ། རྟག་ཏུ་བྱ་བ་ཉུང་བར་འགྱུར། །འདུ་འཛི་དག་ཀྱང་རིང་དུ་སྤོང་། །ནགས་ཁྲོད་གཅིག་པུ་གནས་པ་ནི། །རྩོད་པ་དག་ཀྱང་དེ་ལ་མེད། །གནོད་པ་མེད་པའི་སེམས་ཀྱིས་ནི། །ཟག་པ་རྣམ་པར་འཕེལ་མི་བྱེད། །དེ་ལ་རྩོད་གཞི་མི་
D127.055.0093b05.01འབྱུང་སྟེ། །དགོན་པར་གནས་པའི་ཡོན་ཏན་འདི། །ལུས་དང་ངག་ཡིད་རབ་བསྡམས་ཏེ། །དེ་ནི་ཉེ་བར་ཞི་བར་སྤྱོད། །ཐར་པ་དང་ནི་འཐུན་གྱུར་ཅིང་། །རྣམ་པར་གྲོལ་བ་མྱུར་དུ་རིག །རྣལ་འབྱོར་པ་ནི་རྟག་ཏུ་བྱ་བ་ཉུང་། །འདུ་འཛི་མང་པོའི་ཉེས་པ་ཀུན་སྤངས་ཏེ། །རྣལ་འབྱོར་
D127.055.0093b06.01པ་དག་ནམ་ཡང་རྩོད་མི་བྱེད། །དགོན་པར་གནས་པའི་ཕན་ཡོན་འདི་དག་གོ། །ནམ་ཞིག་དེ་ནི་འདུས་བྱས་སྐྱོ་གྱུར་ཅིང་། །འཇིག་རྟེན་དུ་ནི་གང་ལའང་འདོད་པ་མེད། །ཟག་པ་དག་ཀྱང་འཕེལ་བར་མི་བྱེད་པ། །ནགས་ཁྲོད་གནས་པ་དེ་ཡི་ཕན་ཡོན་ཡིན། །དེ་ལ་རྩོད་གཞི་ནམ་ཡང་མི་
D127.055.0093b07.01