完整藏文原文 · 德格版页 当前仅加载第 55 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
མོར་རྟོག་ཅིང་སྐྱེ་བོ་མང་པོ་ལ། །ཕངས་ཤིང་སྡུག་སྟེ་ལྟ་བས་མི་ངོམས་འགྱུར། །མི་གང་ཏིང་འཛིན་མཆོག་འདི་འཛིན་པ་ནི། །ལྷ་དང་ཀླུ་དང་དེ་བཞིན་གནོད་སྦྱིན་རྣམས། །རྟག་ཏུ་ཡི་རང་དགའ་ཞིང་མགུ་ནས་ནི། །གྲོང་དུ་ཞུགས་ནས་དེ་ཡི་བསྔགས་པ་སྨྲ། །མི་གང་ཏིང་འཛིན་མཆོག་འདི་
D127.055.0100b01.01འཛིན་པ་ནི། །ཚངས་པ་བརྒྱ་བྱིན་དབང་སྒྱུར་མང་པོ་དག །རྟག་པར་དེ་ལ་རིམ་གྲོ་རབ་ཏུ་བྱེད། །དེ་ཡི་ཡིད་ཀྱང་ཁེངས་པར་ཡོང་མི་འགྱུར། །མི་གང་ཏིང་འཛིན་མཆོག་འདི་འཛིན་པ་ནི། །དེ་ལ་ངན་འགྲོའི་འཇིགས་པ་མི་འབྱུང་སྟེ། །མི་ཁོམ་མེད་ཅིང་ལོག་ལྟུང་འཇིགས་པ་མེད། །ལོག་
D127.055.0100b02.01ལྟུང་འཇིགས་པ་ཀུན་ལས་ཡོངས་སུ་གྲོལ། །མི་གང་ཏིང་འཛིན་མཆོག་འདི་འཛིན་པ་ནི། །སངས་རྒྱས་ཆོས་མཆོག་ཞིབ་མོ་ཐོས་ནས་ཀྱང་། །དེ་ལ་ནེམ་ནུར་ཡིད་གཉིས་མི་འབྱུང་སྟེ། །ཡེ་ཤེས་ཟབ་མོའི་རྗེས་སུ་སོང་བ་ཡིན། །མི་གང་ཏིང་འཛིན་མཆོག་འདི་འཛིན་པ་ནི། །ཕྲ་བའི་ཆོས་
D127.055.0100b03.01རྣམས་གང་དག་ཅི་ཐོས་ཀྱང་། །ཐམས་ཅད་ལ་ནི་དབང་གི་ཕ་རོལ་སོང་། །གཏན་ཚིགས་ཞིབ་ཅིང་སྟོབས་དང་ལྡན་པར་འགྱུར། །མི་གང་ཏིང་འཛིན་མཆོག་འདི་འཛིན་པ་ནི། །རྒྱལ་བས་གསུང་ནི་དེ་སྐད་རབ་བཤད་དེ། །རྟག་པར་བདག་ནི་དེ་ལྟར་བྱ་སྙམ་ན། །གཟུངས་ནི་བྱེ་བྲག་འཕགས་
D127.055.0100b04.01པ་མཆོག་ཐོབ་འགྱུར། །མི་གང་ཏིང་འཛིན་མཆོག་འདི་འཛིན་པ་ནི། །ནམ་ཚེ་དེ་ཡང་འཆི་བའི་དུས་བྱེད་པ། །འོད་དཔག་མེད་པ་ཐུགས་རྗེར་ལྡན་པ་ནི། །དགེ་སློང་ཚོགས་བཅས་དེ་ཡི་མདུན་ན་བཞུགས། །མི་གང་ཏིང་འཛིན་མཆོག་འདི་འཛིན་པ་ནི། །དེ་དག་གཟུངས་རྣམས་རབ་
D127.055.0100b05.01ཏུ་ཐོབ་པར་འགྱུར། །ཆོས་ཀྱི་གཏེར་ལ་དབང་བའི་ཕ་རོལ་ཕྱིན། །སྤོབས་དང་ལྡན་ཞིང་ཚིག་ཀྱང་རྒྱུན་མི་འཆད། །མི་གང་ཏིང་འཛིན་མཆོག་འདི་འཛིན་པ་ནི། །ཆོས་འཛིན་དེ་དག་གང་དུ་སོང་བར་ཡང་། །འགྲོ་བ་དག་ལ་ཀུན་ཏུ་སྣང་བར་འགྱུར། །ཤིན་ཏུ་སྤྱོད་པ་ཞི་ཞིང་ཡིད་རབ་
D127.055.0100b06.01ཞི། །རབ་ཏུ་དགའ་དང་དྲི་མེད་འོད་བྱེད་དང་། །འོད་འཕྲོ་ཤིན་ཏུ་སྦྱང་དཀའ་མངོན་གྱུར་དང་། །རིང་དུ་སོང་དང་མི་གཡོ་ལེགས་པའི་བློ། །ཆོས་སྤྲིན་ས་བཅུ་པོ་ཡང་འཐོབ་པར་འགྱུར། །ཚེ་དང་ལས་དང་ཡོ་བྱད་མོས་པ་དང་། །སྨོན་ལམ་རྫུ་འཕྲུལ་སྐྱེ་བའི་སྟོབས་རྣམས་དང་། །ཆོས་
D127.055.0100b07.01