完整藏文原文 · 德格版页 当前仅加载第 55 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་སྟེ། སྐྱེ་བ་དང་འཇིག་པ་མེད་པ་ཤེས་པའོ། །དེ་ལ་ཟས་སྒྲུབ་པ་ལ་མཁས་པ་གང་ཞེ་ན། འདི་ལྟ་སྟེ། ཤེས་རབ་རྣོ་བའོ། །དེ་ལ་སྒྲ་བརྗོད་པ་ཤེས་པ་གང་ཞེ་ན། འདི་ལྟ་སྟེ། ཆོས་ཡང་དག་པ་ཇི་ལྟ་བ་བཞིན་དུ་རབ་ཏུ་བསྟན་པའོ། །དེ་ལ་རྣམ་པར་གཞག་པ་ཤེས་པ་གང་ཞེ་ན། འདི་
D127.055.0165a01.01ལྟ་སྟེ། ཡང་དག་པ་ཇི་ལྟ་བ་བཞིན་དུ་འཇུག་པ་ཤེས་པའོ། །དེ་ལ་དོན་རྣམ་པར་གཏན་ལ་དབབ་པ་གང་ཞེ་ན། འདི་ལྟ་སྟེ། འདུ་བྱེད་ཀྱི་ཕུང་པོ་ཆད་པའོ། །དེ་ལ་གནོད་པ་རྣམ་པར་སྤོང་བ་གང་ཞེ་ན། འདི་ལྟ་སྟེ། སྲིད་པ་ལས་ཡང་དག་པར་འདའ་བ་དང་། གཞན་དག་ཀྱང་སྲིད་པ་ལས་ཡང་དག་པར་འདའ་བ་
D127.055.0165a02.01ལ་འཛུད་པའོ། །དེ་ལ་སྐྱེས་བུ་དམ་པ་ལ་སྟེན་པ་གང་ཞེ་ན། འདི་ལྟ་སྟེ། སངས་རྒྱས་དང་མི་འབྲལ་བའོ། །དེ་ལ་སྐྱེས་བུ་དམ་པ་དང་འགྲོགས་པ་གང་ཞེ་ན། འདི་ལྟ་སྟེ། སངས་རྒྱས་དང་བྱང་ཆུབ་སེམས་དཔའ་དང་། རང་སངས་རྒྱས་དང་། ཉན་ཐོས་ལ་སྟེན་པའོ། །དེ་ལ་སྐྱེས་བུ་དམ་པ་མ་ཡིན་པ་རྣམ་པར་སྤོང་བ་གང་
D127.055.0165a03.01ཞེ་ན། འདི་ལྟ་སྟེ། དམིགས་པ་ཅན་དང་། ལེ་ལོ་ཅན་རྣམས་རྣམ་པར་སྤོང་བའོ། །དེ་ལ་བསམ་གཏན་མི་འདོར་བ་གང་ཞེ་ན། འདི་ལྟ་སྟེ། འདོད་པའི་ཚེར་མ་རྣམ་པར་སྤོང་བ་དང་། བསམ་གཏན་མི་གཏོང་ཞིང་དགའ་བ་མི་འདོར་བའོ། །དེ་ལ་བསམ་གཏན་ལ་མ་ཆགས་པ་གང་ཞེ་ན། འདི་ལྟ་སྟེ། ཁམས་
D127.055.0165a04.01གསུམ་ལས་ཡང་དག་པར་འདའ་བར་མོས་པ་དང་། སེམས་ཅན་ཡོངས་སུ་སྨིན་པར་བྱ་བ་ལ་མོས་པ་དང་། གོང་དུ་ཤེས་རབ་ཀྱི་སྣང་བ་ལ་མོས་པའོ། །དེ་ལ་མངོན་པར་ཤེས་པས་རྣམ་པར་འཕྲུལ་པ་གང་ཞེ་ན། འདི་ལྟ་སྟེ། མངོན་པར་ཤེས་པ་ལྔ་ལ་གནས་ནས་སངས་རྒྱས་ཀྱི་ཆོས་ཤེས་པར་དཀའ་བ་རྣམས་
D127.055.0165a05.01གཞན་ལ་ཡང་དག་པར་རབ་ཏུ་སྟོན་པའོ། །དེ་ལ་མིང་གི་བརྡ་གང་ཞེ་ན། འདི་ལྟ་སྟེ། ཡོངས་སུ་མ་གྲུབ་པ་རྣམས་མིང་གིས་ཁོང་དུ་ཆུད་པའོ། །དེ་ལ་བརྟགས་པའི་ཐ་སྙད་གང་ཞེ་ན། འདི་ལྟ་སྟེ། འཇིག་རྟེན་གྱི་ཐ་སྙད་དོ། །དེ་ལ་བཏགས་པ་འཇོམས་པ་གང་ཞེ་ན། འདི་ལྟ་སྟེ། བརྗོད་པར་ཤེས་པའོ། །དེ་ལ་
D127.055.0165a06.01འཁོར་བ་ལས་ལྡོག་པ་གང་ཞེ་ན། འདི་ལྟ་སྟེ། འཁོར་བའི་ཉེས་པ་ལ་སོ་སོར་རྟོག་པའོ། །དེ་ལ་རྙེད་པ་མི་འདོད་པ་གང་ཞེ་ན། འདི་ལྟ་སྟེ། ཡང་དག་པར་འདོད་པ་ཉུང་བའོ། །དེ་ལ་རྙེད་པ་དང་བཀུར་སྟི་མི་ལེན་པ་གང་ཞེ་ན། འདི་ལྟ་སྟེ། གདུང་བ་མེད་པ་དང་། སྡིག་པ་འདོད་པ་དང་བྲལ་བའོ། །དེ་ལ་
D127.055.0165a07.01