完整藏文原文 · 德格版页 当前仅加载第 55 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་སྟེ། །རྟག་ཏུ་ཞི་ལ་དགའ་ཞིང་དབེན་པར་སྤྱོད། །ལུས་དང་ངག་དང་ཡིད་ཀྱང་བསྡམས་པ་སྟེ། །དགོན་པར་གནས་པ་དེ་ལ་ཡོན་ཏན་མང་། །དེ་ནི་ཐར་པ་དང་ཡང་འཐུན་གྱུར་ཏེ། །ནགས་ཁྲོད་གནས་ཤིང་རྣམ་གྲོལ་དེ་སྟེན་པས། །རྣམ་གྲོལ་ཞི་བ་མྱུར་དུ་དེས་རྟོགས་འགྱུར། །
D127.055.0094a01.01འདི་ཀུན་དགོན་པར་གནས་པའི་ཡོན་ཏན་ཡིན། །གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོ་བསོད་སྙོམས་སྤྱོད་པ་སྦྱངས་པའི་ཡོན་ཏན་ཡོ་བྱད་བསྙུངས་པ་ལ་གནས་པའི་ཕན་ཡོན་ནི་འདི་བཅུ་སྟེ། བཅུ་གང་ཞེ་ན། འདི་ལྟ་སྟེ། དེ་ཤེས་ཀྱི་ཁེ་འདོད་པ་མ་ཡིན་པ་དང་། དེ་སྙན་པ་འདོད་པ་
D127.055.0094a02.01མ་ཡིན་པ་དང་། དེ་རྙེད་པ་དང་བཀུར་སྟི་འདོད་པ་མ་ཡིན་པ་དང་། དེ་འཕགས་པའི་རིགས་བཞི་ལ་གནས་པ་དང་། དེ་ཚུལ་འཆོས་པ་དང་ཁ་གསག །མེད་པར་འགྱུར་བ་དང་། དེ་བདག་ལ་མི་སྟོད་གཞན་ལ་མི་སྨོད་པ་དང་། དེ་རྗེས་སུ་ཆགས་པ་དང་ཁོང་ཁྲོ་བ་སྤངས་པས་གཞན་གྱི་ཁྱིམ་དུ་སྤྱོད་པ་དང་།
D127.055.0094a03.01ཟང་ཟིང་མེད་པར་ཆོས་ཀྱི་སྦྱིན་པ་སྦྱིན་པར་བྱེད་པ་དང་དེ་སྦྱངས་པའི་ཡོན་ཏན་ཡོ་བྱད་བསྙུངས་པ་ལ་གནས་ཤིང་ཆོས་བསྟན་པ་གཟུང་བར་འགྱུར་བ་ཡིན་ཏེ། གཞོན་ནུ་བཅུ་པོ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་བསོད་སྙོམས་སྤྱོད་པ་སྦྱངས་པའི་ཡོན་ཏན་ཡོ་བྱད་བསྙུངས་པ་ལ་གནས་པའི་
D127.055.0094a04.01ཕན་ཡོན་ནོ། །དེ་ལ་འདི་སྐད་ཅེས་བྱ་སྟེ། སྦྱངས་པ་དག་ལ་གང་གནས་པ། །ཤེས་ཀྱི་ཁེ་ཡང་མི་འདོད་ཅིང་། །སྙན་པ་ལ་ཡང་མི་སྨོན་ཏེ། །རྙེད་དང་མ་རྙེད་མཚུངས་པའི་ཡིད། །སྦྱངས་པ་དག་ལ་གང་གནས་པ། །འཕགས་པའི་རིགས་ནི་མི་གཏོང་ཞིང་། །ཚུལ་འཆོས་པ་དང་ཁ་གསག་
D127.055.0094a05.01རྣམས། །ཐམས་ཅད་རིང་དུ་རྣམ་པར་སྤོང་། །བདག་ཉིད་ལ་ནི་མི་སྟོད་ཅིང་། །གཞན་དག་ལ་ཡང་སྨོད་མི་བྱེད། །ཁོང་ཁྲོ་རྗེས་སུ་ཆགས་མེད་ཅིང་། །ཟང་ཟིང་མེད་པར་ཆོས་སྟོན་ཏེ། །དེ་ཡི་ཚིག་ཀྱང་གཟུང་བར་འགྱུར། །བསོད་སྙོམས་ཡོན་ཏན་འདི་དག་གོ། །ཤེས་ཀྱི་ཁེ་དང་སྙན་དང་
D127.055.0094a06.01རྙེད་མི་ཚོལ། །འཕགས་པའི་རིགས་བཞི་ལ་ནི་གནས་འགྱུར་ཏེ། །མཁས་པ་ཚུལ་འཆོས་ཁ་གསག་མེད་པ་ཡིན། །སྦྱངས་ལ་བརྩོན་པའི་ཡོན་ཏན་འདི་འདྲའོ། །བདག་ལ་མི་སྟོད་གཞན་ལ་མི་སྨོད་ཅིང་། །རྩུབ་པོར་སྨྲས་ཀྱང་འཁྲུག་པར་ཡོང་མི་འགྱུར། །བསྔགས་པ་ཐོས་ཀྱང་དགའ་
D127.055.0094a07.01