完整藏文原文 · 德格版页 当前仅加载第 55 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
བཤད་སྙམ་གང་སེམས་པ། །མདོ་སྡེ་འདི་ནི་རབ་བརྗོད་ལ། །ཞུམ་པ་མེད་པར་བཤད་པར་གྱིས། །འཁོར་གྱི་ནང་དུ་ཐོགས་མེད་པར། །མདོ་སྡེ་བྱེ་བ་རབ་ཏུ་འཆད། །ཇི་ལྟར་ནམ་མཁའ་མཐའ་མེད་པ། །དེ་བཞིན་དེ་ལའང་ཆོས་རྣམས་སྟོན། །དེ་ལྟར་བྱང་ཆུབ་སེམས་དཔའ་
D127.055.0083b01.01དག །སེམས་ཅན་དག་པ་སྐྱོབ་པ་རྣམས། །མདོ་སྡེ་འདི་དག་བཟུང་ནས་ནི། །ཡེ་ཤེས་ཕུན་སུམ་ཚོགས་པར་འགྱུར། །དད་པས་ཇི་ལྟ་ཇི་ལྟ་བུར། །ཚུལ་འདི་རབ་ཏུ་སྟོན་བྱེད་པ། །དེ་བཞིན་དེ་ཡི་ཡེ་ཤེས་འཕེལ། །གངས་རི་ལ་ནི་སྡོང་པོ་བཞིན། །དེ་བཞིན་གཤེགས་པ་
D127.055.0083b02.01བསམ་གྱིས་མི་ཁྱབ་པའི་ལེའུ་སྟེ་ཉི་ཤུ་བཞི་པའོ།། །།འཕགས་པ་ཏིང་ངེ་འཛིན་གྱི་རྒྱལ་པོའི་མདོ། བམ་པོ་བརྒྱད་པ། གཞོན་ནུ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟར་ཆོས་སོ་སོ་ཡང་དག་པར་རིག་པ་ལ་སྤྱོད་ན་ཆོས་ལ་ཆོས་ཀྱི་རྗེས་སུ་ལྟ་ཞིང་བླ་ན་
D127.055.0083b03.01མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་སྒྲུབ་པར་འགྱུར་ཞེ་ན། གཞོན་ནུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་རྣམས་ལ་ཆོས་ཀྱི་རྗེས་སུ་ལྟ་བས་གཟུགས་ལས་གཞན་དུ་བྱང་ཆུབ་ཡང་དག་པར་རྗེས་སུ་མི་མཐོང་། གཟུགས་ལས་གཞན་དུ་
D127.055.0083b04.01ཡང་བྱང་ཆུབ་ལ་མི་སྤྱོད། གཟུགས་ལས་གཞན་དུ་ཡང་བྱང་ཆུབ་ཡོངས་སུ་མི་ཚོལ། གཟུགས་ལས་གཞན་དུ་ཡང་བྱང་ཆུབ་ཡང་དག་པར་མི་སྒྲུབ། གཟུགས་ལས་གཞན་དུ་ཡང་སེམས་ཅན་རྣམས་བྱང་ཆུབ་ལ་ཡང་དག་པར་མི་འཛུད། གཟུགས་ལས་གཞན་དུ་ཡང་
D127.055.0083b05.01དེ་བཞིན་གཤེགས་པ་མི་མཐོང་སྟེ། གཟུགས་ཀྱི་མི་འཇིགས་པའི་ངོ་བོ་ཉིད་དེ་བཞིན་གཤེགས་པའོ་ཞེས་དེ་བཞིན་གཤེགས་པར་ལྟའོ། །གཟུགས་ཀྱང་གཞན་གཟུགས་ཀྱི་ངོ་བོ་ཉིད་ཀྱང་གཞན་ནོ་ཞེས་དེ་ལྟར་མི་ལྟའོ། །གཟུགས་ཀྱི་ངོ་བོ་ཉིད་ཀྱང་གཞན་དེ་བཞིན་གཤེགས་
D127.055.0083b06.01པ་ཡང་གཞན་ནོ་ཞེས་དེ་ལྟར་ཡང་མི་ལྟའོ། །གཟུགས་ཀྱིས་ངོ་བོ་ཉིད་གང་ཡིན་པ་དང་དེ་བཞིན་གཤེགས་པ་གང་ཡིན་པ་དེ་ནི་གཉིས་སུ་མེད་པའི་ཆོས་ཉིད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ལྟ་ན་ཆོས་སོ་སོ་ཡང་དག་པར་རིག་པ་ལ་སྤྱོད་དོ། །དེ་བཞིན་དུ་
D127.055.0083b07.01